ਦੁਬਈ-ਲੱਕੀ ਡੀ ਐੱਸ ਪ੍ਰੋਡਕਸ਼ਨ ਕੰਪਨੀ ਦੁਬਈ ਨੇ ਪੰਜਾਬੀ ਸਿੰਗਰ ਸੁਹੇਲ ਖਾਨ ਦਾ ਗਾਣਾ ਲਿੱਟ ਕਰਦੀ ਜਾਰੀ ਕੀਤਾ ਹੈ ।ਇਸ ਪੰਜਾਬੀ ਗਾਣੇ ਦੀ ਸਾਰੀ ਸ਼ੂਟਿੰਗ ਦੁਬਈ ਦੀਆਂ ਵੱਖ ਵੱਖ ਲੋਕੇਸ਼ਨਾਂ ਤੇ ਹੋਈ ਹੈ ।ਇਸ ਗੀਤ ਦੇ ਗੀਤਕਾਰ ਵਿਸ਼ਨੂੰ ਹੁੰਜਨ ਹਨ , ਇਸ ਗੀਤ ਨੂੰ ਡਾਇਰੈਕਟ ਅੰਕੁਰ ਚੌਧਰੀ ਨੇ ਕੀਤਾ ਹੈ ।ਇਸ ਪੰਜਾਬੀ ਗਾਣੇ ਦੀ ਫੋਟੋਗ੍ਰਾਫੀ ਵਿਸ਼ਾਲ ਸ਼ਰਮਾ ਦੀ ਹੈ ਅਤੇ ਗਾਣੇ ਦੀ ਐਡਿਟਿੰਗ ਕ੍ਰਿਸਟਲ ਪ੍ਰੋਡਕਸ਼ਨ ਕੰਪਨੀ ਨੇ ਕੀਤੀ ਹੈ ।ਦੁਬਈ ਦੇ ਸ਼ੇਖ ਜਾਇਦ ਰੋਡ ਉੱਪਰ ਜਦੋਂ ਇਸ ਗਾਣੇ ਦੀ ਸ਼ੂਟਿੰਗ ਵਿੱਚ ਸਿੰਗਰ ਸੁਹੇਲ ਖਾਨ ਅਤੇ ਐਕਟ੍ਰੈੱਸ ਮਾਡਲ ਲੀਡੀਆ ਪੋਪੋਵਾ ਕਰ ਰਹੇ ਸਨ ਤਾਂ ਨਜ਼ਾਰਾ ਵੇਖਣ ਵਾਲਾ ਸੀ ।ਲੱਕੀ ਡੀਐੱਸ ਪ੍ਰੋਡਕਸ਼ਨ ਕੰਪਨੀ ਦੁਬਈ ਦੇ ਮਾਲਕਾਂ ਨੇ ਦੱਸਿਆ ਕਿ ਮਾਂ ਬੋਲੀ ਦੀ ਸੇਵਾ ਕਰਨ ਲਈ ਉਹ ਏਦਾਂ ਦੇ ਪੰਜਾਬੀ ਗਾਣੇ ਲਗਾਤਾਰ ਸ਼ੂਟ ਕਰ ਕੇ ਪੰਜਾਬੀ ਸੱਭਿਆਚਾਰ ਦੀ ਸੇਵਾ ਕਰਦੇ ਰਹਿਣਗੇ ।