ਖਰੜ:- ਯੂਥ ਕਾਂਗਰਸ ਵਿਧਾਨ ਸਭਾ ਹਲਕਾ ਖਰੜ ਦੇ ਪ੍ਰਧਾਨ ਰਾਜਬੀਰ ਸਿੰਘ ਰਾਜੀ ਦੀ ਅਗਵਾਈ ਵਿਚ ਸਾਬਕਾ ਕੈਬਨਿਟ ਮੰਤਰੀ ਜਗਮੋਹਨ ਸਿੰਘ ਕੰਗ ਦੇ ਦਿਸ਼ਾ ਨਿਰਦੇਸ਼ਾਂ ਤੇ ਕੇਂਦਰ ਦੀ ਭਾਜਪਾ ਸਰਕਾਰ ਵਲੋਂ ਖੇਤੀਬਾੜੀ ਸੈਕਟਰ ਲਈ ਜਾਰੀ ਕੀਤੇ ਗਏ ਆਰਡੀਨੈਸਾਂ ਦੇ ਖਿਲਾਫ ਐਸ.ਡੀ.ਐਮ.ਖਰੜ ਦੇ ਦਫਤਰ ਅੱਗੇ ਰੋਸ ਪ੍ਰਦਰਸ਼ਨ ਕਰਕੇ ਐਸ.ਡੀ.ਐਮ.ਖਰੜ ਨੂੰ ਮੰਗ ਪੱਤਰ ਦਿੱਤਾ ਗਿਆ। ਉਨਾਂ ਦਸਿਆ ਕਿ ਕੇਦਰ ਸਰਕਾਰ ਵਲੋਂ ਜਾਰੀ ਕੀਤੇ ਗਏ ਆਰਡੀਨੈਸ ਦੇਸ਼ ਦੇ ਕਿਸਾਨਾਂ ਲਈ ਖਾਤਕ ਸਿੱਧ ਸਾਬਤ ਹੋਣਗੇ ਅਤੇ ਦੇਸ਼ ਦਾ ਕਿਸਾਨ, ਮਜ਼ਦੂਰ ਅਤੇ ਆੜ•ਤੀ ਤਬਾਹ ਹੋ ਜਾਣਗੇ। ਉਨਾਂ ਦਸਿਆ ਕਿ ਇਸੇ ਤਰਾਂ ਖਰੜ, ਕੁਰਾਲੀ, ਮਾਜਰੀ ਸਮੇਤ ਹੋਰ ਵੱਖ ਵੱਖ ਥਾਵਾਂ ਤੇ ਯੂਥ ਕਾਂਗਰਸ ਵਲੋਂ ਕੇਂਦਰ ਸਰਕਾਰ ਦੇ ਖਿਲਾਫ ਰੋਸ ਪ੍ਰਦਰਸ਼ਨ ਕਰਕੇ ਨਾਅਰੇਬਾਜ਼ੀ ਕੀਤੀ ਗਈ। ਇਸ ਮੌਕੇ ਸੋਸ਼ਲ ਮੀਡੀਆ ਇੰਚਾਰਜ਼ ਰਾਜਵੀਰ ਸਿੰਘ ਰਾਜੀ, ਕਮਲਜੀਤ ਸਿੰਘ ਅਰੋੜਾ, ਪਰਦਮਨ ਸਿੰਘ ਪਿੰਕਾ, ਸਤਿੰਦਰ ਸਿੰਘ ਸੱਤੀ, ਜਗਦੀਪ ਸਿੰਘ, ਰੋਕੀ ਸਿੱਧੂ ਸਮੇਤ ਹੋਰ ਯੂਥ ਕਾਂਗਰਸ ਦੇ ਵਰਕਰ, ਅਹੁੱਦੇਦਾਰ ਹਾਜ਼ਰ ਸਨ।