ਖਰੜ :-ਸ਼ਿੰਗਲਾ ਪ੍ਰੋਡੈਕਸ਼ਨ ਵੱਲੋਂ ਅੱਜ ਆਪਣੀ ਪਹਿਲੀ ਟੈਲੀ ਫਿਲਮ 'ਮਾਂ ਇੱਕ ਪ੍ਰਭ ਆਸਰਾ' ਰਿਲੀਜ਼ ਕਰਦੇ ਹੋਏ ਟੈਲੀ ਫਿਲਮਾਂ ਦੇ ਖੇਤਰ 'ਚ ਕਦਮ ਰੱਖਿਆ ਹੈ। ਫਿਲਮ ਦੇ ਪ੍ਰੋਡਿਊਸਰ ਪੰਕਜ ਚੱਢਾ ਅਤੇ ਪ੍ਰਦੀਪ ਸ਼ਿੰਗਲਾ ਹੈ। ਫਿਲਮ ਦੀ ਕਹਾਣੀ ਅਭੀ ਧੀਮਾਨ ਨੇ ਲਿਖੀ ਹੈ। ਫਿਲਮ ਦੇ ਕਰੀਏਟਵ ਡਾਇਰੈਕਟਰ ਅਤੇ ਐਡੀਟਰ ਗੌਰਵ ਕੇਆਰ ਬਰਗੋਤਾ ਹੈ। ਫਿਲਮ 'ਮਾਂ ਇੱਕ ਪ੍ਰਭ ਆਸਰਾ' ਦੀ ਰਿਲੀਜ਼ਗ ਮੌਕੇ ਗੱਲਬਾਤ ਕਰਦੇ ਹੋਏ ਫਿਲਮ ਦੇ ਡਾਇਰੈਕਟਰ ਚਿੰਕੂ ਸ਼ਿੰਗਲਾ ਨੇ ਦੱਸਿਆ ਕਿ ਫਿਲਮ ਦਾ ਮੁੱਖ ਵਿਸ਼ਾ ਮਾਂ ਦੇ ਸੱਚੇ ਸੁੱਚੇ ਰਿਸ਼ਤੇ ਨੂੰ ਦਰਸਾਉਂਦੀ ਹੈ ਕਿ ਕਿਵੇਂ ਅਜੋਕੇ ਸਮੇਂ 'ਚ ਫੋਕੀ ਸੋਰਹਤ ਭਰੀ ਜ਼ਿੰਦਗੀ ਜਿਊਣ ਦੇ ਖਾਤਰ ਕੁਝ ਪਰਿਵਾਰ ਆਪਣੇ ਬੁੱਢੇ ਮਾਪਿਆ ਨੂੰ ਵਰਿੱਧ ਆਸ਼ਰਮਾਂ 'ਚ ਛੱਡ ਆਉਂਦੇ ਹਨ। ਇਸ ਮੌਕੇ ਫਿਲਮ ਦੇ ਪ੍ਰੋਡਿਊਸਰ ਪੰਕਜ ਚੱਢਾ ਨੇ ਕਿਹਾ ਹੈ ਕਿ ਸਮਾਜ ਨੂੰ ਸਹੀ ਸੇਧ ਦੇਣ ਵਾਲੀਆਂ ਪਰਿਵਾਰਕ ਕਹਾਣੀਆਂ 'ਦੇ ਆਧਾਰਤ ਪ੍ਰਸ਼ਾਰਿਤ ਹੁੰਦੇ ਲੜੀਵਾਰ ਅਤੇ ਟੈਲੀ ਫਿਲਮਾਂ ਲੋਕਾਂ ਨੂੰ ਕਾਫ਼ੀ ਪਸੰਦ ਆ ਰਹਿਆ ਹਨ। ਸਾਡਾ ਇਹ ਉਪਰਾਲਾ ਟੈਲੀ ਫਿਲਮ 'ਮਾਂ ਇੱਕ ਪ੍ਰਭ ਆਸਰਾ' ਸਮਾਜ ਨੂੰ ਇੱਕ ਸੰਦੇਸ਼ ਹੈ। ਜੋ ਕਿ ਯੂਟਿਯੂਬ ਨਾਲ ਜੁੜੇ ਦਰਸ਼ਕਾਂ ਨੂੰ ਪਸੰਦ ਆਵੇਗਾ। ਉਹਨਾਂ ਦੱਸਿਆ ਕਿ ਫਿਲਮ ਵਿਚ ਅਦਾਕਾਰ ਹਰਪਿੰਦਰ ਜੀਤ ਸਿੰਘ, ਜਸਪ੍ਰੀਤ ਕੌਰ, ਮੈਡਮ ਡੋਲੀ, ਬਾਲ ਕਲਾਕਾਰ ਭਵਯਾ ਸ਼ਿੰਗਲਾ ਦੀ ਅਦਾਕਾਰੀ ਨਾਲ ਸ਼ਿੰਗਾਰੀ ਫਿਲਮ ਦੀ ਕਹਾਣੀ ਦਰਸ਼ਕਾਂ ਨੂੰ ਆਪਣੇ ਨਾਲ ਜੋੜਦੀ ਹੈ। ਇਸ ਮੌਕੇ ਨਿਰਦੇਸ਼ਕ ਚਿੰਕੂ ਸ਼ਿੰਗਲਾ, ਪ੍ਰੋਡਿਊਸਰ ਪੰਕਜ ਚੱਢਾ, ਅਦਾਕਾਰਾ ਡੋਲੀ, ਅਨੀਲ ਚੱਢਾ, ਪ੍ਰਦੀਪ ਸ਼ਿੰਗਲਾ, ਅਨੀਲ ਸ਼ਿੰਗਲਾ, ਡੀ.ਐਸ.ਪੀ. ਸੈਰੀ ਮੋਹਾਲੀ ਆਦਿ ਹਾਜ਼ਰ ਸਨ।