ਖਰੜ :- ਕੇਂਦਰ ਸਰਕਾਰ ਵਲੋਂ ਪਾਸ ਕੀਤੇ ਗਏ ਖੇਤੀ ਸਬੰਧੀ ਬਿਲਾਂ ਦੇ ਰੋਸ ਵਜੋਂ ਯੂਥ ਕਲੱਬ ਦੇ ਨੌਜਵਾਨਾਂ ਵਲੋ ਸਾਂਝੇ ਤੌਰ ਤੇ ਕਾਲੇ ਝੰਡੇ ਮੋਟਰ ਸਾਇਕਲਾਂ ਤੇ ਲਗਾ ਕੇ ਮੋਟਰ ਸਾਇਕਲ ਰੈਲੀ ਕੱਢੀ ਗਈ। ਯੂਥ ਕਾਂਗਰਸ ਦੇ ਸਾਬਕਾ ਦਫਤਰ ਸਕੱਤਰ ਪਰਮਿੰਦਰ ਸਿੰਘ ਸੋਨਾ ਨੇ ਇਸ ਮੋਟਰ ਸਾਇਕਲ ਰੈਲੀ ਨੂੰ ਪਿੰਡ ਤੋਲੇਮਾਜਰਾ ਤੋਂ ਰਵਾਨਾ ਕੀਤਾ ਅਤੇ ਨੌਜਵਾਨਾਂ ਦੇ ਇਸ ਉਪਰਾਲੇ ਦੀ ਸ਼ਲਾਘਾ ਕੀਤੀ। ਇਹ ਮੋਟਰ ਸਾਇਕਲ ਰੈਲੀ ਪਿੰਡ ਤੋਲੇਮਾਜਰਾ ਤੋਂ ਰਸਨਹੇੜੀ, ਮਗਰ, ਨੱਗਲ, ਬਡਾਲਾ ਨਿਆਂ ਸ਼ਹਿਰ , ਅਨਾਜ ਮੰਡੀ ਖਰੜ, ਮੇਨ ਬਜ਼ਾਰ ਖਰੜ ਨੂੰ ਹੁੰਦੀ ਹੋਈ ਸਮਾਪਿਤ ਹੋਈ। ਇਸ ਮੌਕੇ ਪਰਵਿੰਦਰ ਸਿੰਘ, ਮਨਪ੍ਰੀਤ ਸਿੰਘ, ਜਗਪਾਲ ਸਿੰਘ, ਸੁਰੇਸ਼ ਕੁਮਾਰ ਸਮੇਤ ਹੋਰ ਨੌਜਵਾਨ ਹਾਜ਼ਰ ਸਨ।