ਖੇਤੀਬਾੜੀ ਦਾ ਧੰਦਾ ਕਰਨ ਵਾਲੇ ਜੱਟਾਂ ਨੂੰ ਸਾਡੀਆਂ ਸਰਕਾਰਾਂ ਨੇ ਅੰਨਦਾਤੇ ਦੀ ਪਦਵੀ ਨਾਲ ਤਾਂ ਜਰੂਰ ਨਿਵਾਜਿਆ ਹੈ । ਪਰ ਓਸ ਅੰਨਦਾਤੇ ਜੱਟ ਦੀ ਅਸਲ ਜਿੰਦਗੀ ਬਹੁਤ ਮੁਸ਼ਕਲਾਂ ਭਰੀ ਹੈ , ਕਿਉਂਕਿ ਉਸਦੀ ਪੈਦਾ ਕੀਤੀ ਫਸਲ ਨੂੰ ਕੌਡੀਆਂ ਦੇ ਭਾਅ ਖਰੀਦਿਆ ਜਾਂਦਾ ਹੈ ਜਿਸ ਕਾਰਨ ਉਸਦੀ ਆਰਥਿਕ ਹਾਲਤ ਬਹੁਤ ਮੰਦੀ ਹੈ । ਸਦੀਆਂ ਤੋਂ ਧਨਾਡ ਘਰਾਣਿਆਂ ਦੁਆਰਾ ਕਿਸਾਨਾਂ ਦਾ ਆਰਥਿਕ ਸ਼ੋਸ਼ਣ ਕੀਤਾ ਜਾਂਦਾ ਹੈ , ਅਜਿਹਾ ਹੀ ਕੌੜਾ ਸੱਚ ਜੋ ਦਵਿੰਦਰ ਸੰਧੂ ਦੀ ਕਲਮ ਨੇ ਉਸ ਵੇਲੇ ਕਾਗਜ਼ ਤੇ ਉਕਰਿਆ ਜਦੋਂ ਸਾਡਾ ਅੰਨਦਾਤਾ ਭੁੱਖਣ - ਭਾਣਾ ਆਪਣੀਆਂ ਪੁੱਤਾਂ ਵਾਂਗ ਪਾਲੀਆਂ ਫਸਲਾਂ ਦਾ ਵਾਜਬ ਮੁੱਲ ਲੈਣ ਲਈ ਧਰਨਿਆਂ ਮੁਜ਼ਾਹਰਿਆਂ ਵਿੱਚ ਰੁਲ ਰਿਹਾ ਹੈ । ਗੀਤਕਾਰ ਦਵਿੰਦਰ ਸੰਧੂ ਦੁਆਰਾ ਲਿਖੀ ਅੰਨਦਾਤੇ ਦਾਸਤਾਨ 'ਜੱਟ ਦੀ ਜੂਨ ਬੁਰੀ' ਵਿੱਚ ਦੱਸਿਆ ਗਿਆ ਹੈ ਕਿ ਕਿਸ ਤਰ੍ਹਾਂ ਜੱਟ ਦੀ ਪੈਦਾਵਾਰ ਨੂੰ ਕੌਡੀਆਂ ਦੇ ਭਾਅ ਖ੍ਰੀਦ ਕੇ ਸੋਨੇ ਦੇ ਭਾਅ ਵੇਚਿਆ ਜਾਂਦਾ ਹੈ । ਇਸ ਗੀਤ ਨੂੰ ਅਵਾਜ਼ ਦਿੱਤੀ ਹੈ ਮਾਲਵੇ ਦੀ ਮਸ਼ਹੂਰ ਗਾਇਕ ਜੋੜੀ ਜੋਬਨ ਮੋਤਲੇਵਾਲਾ ਅਤੇ ਹਰਮਨ ਸੰਧੂ ਨੇ ਜਿਸਦਾ ਸੰਗੀਤ ਵੀ ਗੀਤਕਾਰ ਦਵਿੰਦਰ ਸੰਧੂ ਨੇ ਹੀ ਬਾ-ਕਮਾਲ ਤਿਆਰ ਕੀਤਾ ਹੈ । ਮਲਕ ਮੋਤਲੇਵਾਲਾ ਦੀ ਖੂਬਸੂਰਤ ਪੇਸ਼ਕਸ਼ ਅਤੇ ਪੂਰੀ ਟੀਮ ਦੀ ਮਿਹਨਤ ਨਾਲ ਤਿਆਰ ਇਸ ਪ੍ਰੋਜੈਕਟ ਨੂੰ ਸੰਗਦਿਲ 47 ਫਿਲਮਜ਼ ਦੇ ਬੈਨਰ ਅੱਜ ਸ਼ਾਮ ਤੱਕ ਨਾਮੀਂ ਗੀਤਕਾਰ ਸੰਗਦਿਲ 47 ਦੁਆਰਾ ਰੀਲੀਜ਼ ਕੀਤਾ ਜਾ ਰਿਹਾ ਹੈ । ਅਸੀਂ ਆਸ ਕਰਦੇ ਹਾਂ ਕਿ ਇਹ ਗੀਤ ਲੋਕਾਂ ਦੀ ਅਵਾਜ਼ ਬਣੇਗਾ ਅਤੇ ਅੰਨ੍ਹੇ - ਬੋਲੵੇ ਸਿਸਟਮ ਨੂੰ ਜਰੂਰ ਸੁਣਾਈ ਦੇਵੇਗਾ ।