ਚੰਡੀਗੜ, ਹਰਿਆਣਾ ਦੇ ਖੇਤੀਬਾੜੀ ਤੇ ਕਿਸਾਨ ਭਲਾਈ ਅਤੇ ਪਸ਼ੂਪਾਲਣ ਮੰਤਰੀ ਜੈ ਪ੍ਰਕਾਸ਼ ਦਲਾਲ ਨੇ ਕਿਹਾ ਕਿ ਕਿਸਾਨ ਹਿਤ ਸਰਕਾਰ ਦੀ ਪਹਿਲ ਹੈ| ਖੇਤੀਬਾੜੀ ਤੇ ਕਿਸਾਨ ਨੂੰ ਆਤਮਨਿਰਭਰ ਬਣਾਉਣ ਲਈ ਕੇਂਦਰ ਸਰਕਾਰ ਦੇ ਨਾਲ-ਨਾਲ ਹਰਿਆਣਾ ਸਰਕਾਰ ਨੇ ਵੀ ਅਨੇਕ ਯੋਜਨਾਵਾਂ ਲਾਗੂ ਕੀਤੀਆਂ ਹਨ| ਬਿਜਾਈ ਮੌਸਮ ਤੋਂ ਪਹਿਲਾਂ ਹਰ ਸਾਲ ਫਸਲਾਂ ਦੇ ਘੱਟੋਂ ਘੱਟ ਸਹਾਇਕ ਕੀਮਤ ਐਲਾਨ ਕਰਨ ਦੇ ਨਤੀਜੇ ਵੱਜੋਂ ਦੇਸ਼ ਵਿਚ ਫਸਲਾਂ ਦੇ ਅਧੀਨ ਰਕਬਾ ਵੱਧ ਰਿਹਾ ਹੈ|
ਸ੍ਰੀ ਦਲਾਲ ਅੱਜ ਭਿਵਾਨੀ ਵਿਚ ਪੈਂਡਿੰਗ ਖੇਤੀਬਾੜੀ ਟਿਊਬਵੈਲ ਕੁਨੈਕਸ਼ਨ ਬਾਰੇ ਬੁਲਾਈ ਗਈ ਬਿਜਲੀ ਨਿਗਮ ਦੇ ਅਧਿਕਾਰੀਆਂ ਦੀ ਇਕ ਸਮੀਖਿਆ ਮੀਟਿੰਗ ਦੀ ਪ੍ਰਧਾਨਗੀ ਕਰ ਰਹੇ ਸਨ| ਉਨਾਂ ਨੇ ਅਧਿਕਾਰੀਆਂ ਨੂੰ ਆਦੇਸ਼ ਦਿੱਤੇ ਕਿ ਰਬੀ ਫਸਲਾਂ ਦੀ ਬਿਜਾਈ ਸਮੇਂ ਨੂੰ ਵੇਖਦੇ ਹੋਏ ਨਿਗਮ ਹਰ ਹਫਤੇ ਘੱਟੋਂ ਘੱਟ 200 ਕੁਨੈਕਸ਼ਨ ਜਾਰੀ ਕਰਨ ਦਾ ਇਕ ਵਿਸ਼ੇਸ਼ ਪ੍ਰੋਗ੍ਰਾਮ ਬਣਾਉਣ ਅਤੇ 31 ਅਕਤੂਬਰ ਤਕ ਟੀਚਾ ਪੂਰਾ ਕਰਨ| ਇਸ ਤੋਂ ਇਲਾਵਾ, ਜਿੱਥੇ-ਜਿੱਥੇ ਲੋਂੜ ਹੈ ਉੱਥੇ ਤੁਰੰਤ ਪ੍ਰਭਾਵ ਨਾਲ ਨਵੇਂ ਟਰਾਂਸਫਾਰਮ ਲਗਾਏ ਜਾਣ|
ਮੀਟਿੰਗ ਵਿਚ ਜਾਣਕਾਰੀ ਦਿੱਤੀ ਗਈ ਕਿ ਨਿਗਮ ਕੋਲ ਲੋਹਾਰੂ ਵਿਧਾਨ ਸਭਾ ਹਲਕੇ ਵਿਚ 791 ਟਿਊਬਵੈਲ ਕੁਨੈਕਸ਼ਨ ਪੈਂਡਿੰਗ ਹਨ, ਜਿੰਨਾਂ 'ਤੇ ਕੰਮ ਚਲ ਰਿਹਾ ਹੈ| ਕਿਸਾਨਾਂ ਨੂੰ ਫਸਲ ਬਿਜਾਈ ਵਿਚ ਕਿਸੇ ਤਰਾਂ ਦੀ ਮੁਸ਼ਕਲ ਨਹੀਂ ਆਉਣ ਦਿੱਤੀ ਜਾਵੇਗੀ| ਇਸ ਤੋਂ ਇਲਾਵਾ, ਕਈ 33 ਕੇਵੀ ਸਬ ਸਟੇਸ਼ਨਾਂ ਦੇ ਅਪਗ੍ਰੇਡੇਸ਼ਨ ਕਰਨ ਦੀ ਯੋਜਨਾ ਹੈ| ਪਿੰਡ ਬੁੱਧਸ਼ੈਲੀ ਵਿਚ ਵੱਡਾ ਸਬ ਸਟੇਸ਼ਨ ਸਥਾਪਿਤ ਕਰਨ ਦੀ ਬਿਜਲੀ ਨਿਗਮ ਵੱਲੋਂ ਪ੍ਰਵਾਨਗੀ ਦਿੱਤੀ ਜਾ ਚੁੱਕੀ ਹੈ|
ਬਿਜਲੀ ਨਿਗਮ ਅਧਿਕਾਰੀਆਂ ਨਾਲ ਮੀਟਿੰਗ ਦੌਰਾਨ ਸ੍ਰੀ ਦਲਾਲ ਨੇ ਟਿਊਬਵੈਲ ਕੁਨੈਕਸ਼ਨ ਦੇਣ ਵਿਚ ਲਾਇਨ ਆਦਿ ਪਾਉਣ ਦਾ ਕੰਮ ਕਰ ਰਹੇ ਠੇਕੇਦਾਰਾਂ ਨੂੰ ਵੀ ਮੌਕੇ 'ਤੇ ਹੀ ਬੁਲਾਇਆ| ਉਨਾਂ ਨੇ ਠੇਕੇਦਾਰਾਂ ਤੋਂ ਉਨਾਂ ਵੱਲੋਂ ਕੀਤੇ ਜਾ ਰਹੇ ਕੰਮ ਦੀ ਪ੍ਰਗਤੀ ਬਾਰੇ ਜਾਣਕਾਰੀ ਵੀ ਲਈ|