ਖਰੜ :- ਭਾਜਪਾ ਜਿਲਾ ਮੋਹਾਲੀ ਦੀ ਮੀਟਿੰਗ ਪ੍ਰਧਾਨ ਸ਼ੁਸ਼ੀਲ ਰਾਣਾ ਦੀ ਅਗਵਾਈ ਹੇਠ ਹੋਈ ।ਇਸ ਮੌਕੇ ਗੱਲਬਾਤ ਕਰਦਿਆਂ ਸ਼ੁਸ਼ੀਲ ਰਾਣਾ ਨੇ ਕਿਹਾ ਕਿ ਪੰਜਾਬ ਸਰਕਾਰ ਨੇ ਵਜੀਫੇ ਘੋਟਾਲੇ ਤੇ ਪਰਦਾ ਪਾਉਣ ਲਈ ਆਪਣੇ ਮੰਤਰੀ ਸਾਧੂ ਸਿੰਘ ਧਰਮਸੋਤ ਨੂੰ ਕਲੀਨ ਚਿੱਟ ਦਿੱਤੀ ਹੈ। ਅਹਿਜਾ ਕਰਨ ਨਾਲ ਸਚਾਈ ਤੋਂ ਭੱਜਿਆ ਨਹੀ ਜਾ ਸਕਦਾ ।ਪੰਜਾਬ ਚ ਵਜੀਫਾ ਘੋਟਾਲਾ ਕਰਕੇ ਦਲਿੱਤ ਬੱਚਿਆਂ ਦੇ ਹੱਕ ਮਾਰੇ ਗਏ ਹਨ । ਸਚਾਈ ਸਾਹਮਣੇ ਲਿਆਉਣ ਲਈ ਇਸ ਮਾਮਲੇ ਦੀ ਸੀਬੀਆਈ ਜਾਂਚ ਹੋਣੀ ਚਾਹੀਦੀ ਹੈ। ਸੂਬੇ ਦੇ ਮੱਖ ਮੰਤਰੀ ਜੇਕਰ ਸੱਚੇ ਹਨ ਤਾਂ ਮਾਮਲੇ ਦੀ ਸੀਬੀਆਈ ਜਾਂਚ ਦੇ ਹੂਕਮ ਦੇਣ ਤਾਂ ਜੋ ਦੁੱਧ ਦਾ ਦੁੱਧ ਤੇ ਪਾਣੀ ਦਾ ਪਾਣੀ ਹੋ ਸਕੇ। ਇਸ ਮੌਕੇ ਉਨਾਂ ਦੱਸਿਆ ਕਿ ਭਾਜਪਾ ਵੱਲੋਂ ਡਾ. ਸੁਨੀਲ ਕੁਮਾਰ ਨੂੰ ਮੈਡੀਕਲ ਸੈੱਲ ਦਾ ਜਿਲ੍ਹਾ ਇੰਚਾਰਜ ਅਤੇ ਐਡਵੋਕੇਟ ਨਿਕੁੰਜ ਧਵਨ ਨੂੰ ਆਈਟੀ ਸੈੱਲ ਦਾ ਜਿਲ੍ਹਾ ਇੰਚਾਰਜ ਨਿਯੂਕਤ ਕੀਤਾ ਗਿਆ ਹੈ। ਉਨਾਂ ਨਵ ਨਿਯੂਕਤ ਆਹੂਦੇਦਾਰਾਂ ਨੂੰ ਵਧਾਈ ਦਿੱਤੀ। ਇਸ ਮੌਕੇ ਨਵ ਨਿਯੂਕਤ ਆਹੂਦੇਦਾਰਾਂ ਨੇ ਜਿਮੇਵਾਰੀ ਦੇਣ ਲਈ ਪਾਰਟੀ ਆਗੂਆਂ ਦਾ ਧੰਨਵਾਦ ਕੀਤਾ ਅਤੇ ਕਿਹਾ ਕਿ ਉਹ ਪਾਰਟੀ ਵੱਲੋਂ ਦਿੱਤੀ ਹਰ ਜਿਮੇਵਾਰੀ ਤਨਦੇਹੀ ਨਾਲ ਨਿਭਾਉਣਗੇ। ਇਸ ਮੌਕੇ ਜਿਲ੍ਹਾ ਜਨਰਲ ਸਕੱਤਰ ਭਾਜਪਾ ਮੋਹਾਲੀ ਨਰਿੰਦਰ ਸਿੰਘ ਰਾਣਾ, ਜਿਲਾ ਸੱਕਤਰ ਪ੍ਰਵੇਸ਼ ਸ਼ਰਮਾ, ਮੰਡਲ ਪ੍ਰਧਾਨ ਖਰੜ ਪਵਨ ਕੁਮਾਰ ਮਨੌਚਾ, ਮੰਡਲ ਪ੍ਰਧਾਨ ਮੋਹਾਲੀ ਇੱਕ ਅਨਿਲ ਕੁਮਾਰ ਗੂਡੂ, ਮੰਡਲ ਪ੍ਰਧਾਨ ਦੋ ਮਦਨ ਗੋਇਲ, ਮੰਡਲ ਪ੍ਰਧਾਨ ਤਿੰਨ ਤਰਲੋਚਨ ਗੋਇਲ, ਪਰਮਜੀਤ ਕੌਰ, ਕੁਲਵਿੰਦਰ ਕੌਰ, ਦਮਨਜੀਤ ਸਿੰਘ ਆਦਿ ਵੀ ਹਾਜਰ ਸਨ।