ਖਰੜ :- ਖਰੜ ਦੇ ਪਿੰਡ ਹਰਲਾਲਪੁਰ ਵਾਰਡ ਨੰਬਰ 4 ਵਿਖੇ ਅੱਜ ਬਲਾਕ ਕਾਂਗਰਸ ਖਰੜ ਦੇ ਉਪ ਪ੍ਰਧਾਨ ਡਾ ਰਘਵੀਰ ਸਿੰਘ ਬੰਗੜ ਵੱਲੋਂ ਪਿੰਡ ਦੀ ਗਲੀ ਤੇ ਪੇਵਰ ਬਲਾਕ ਲੱਗਣ ਦੇ ਕੰਮ ਦੀ ਸ਼ੁਰੂਆਤ ਕੀਤੀ ਗਈ। ਡਾਕਟਰ ਰਘਵੀਰ ਸਿੰਘ ਬੰਗੜ ਨੇ ਬੋਲਦੇ ਹੋਏ ਕਿਹਾ ਕਿ ਸਾਬਕਾ ਕੈਬਨਿਟ ਮੰਤਰੀ ਸਰਦਾਰ ਜਗਮੋਹਨ ਸਿੰਘ ਜੀ ਕੰਗ ਦੀ ਬਦੌਲਤ ਖਰੜ ਸ਼ਹਿਰ ਅਤੇ ਪਿੰਡਾਂ ਦੇ ਵਿਚ ਵਿਕਾਸ ਦੇ ਕੰਮ ਪੂਰੀ ਤੇਜ਼ੀ ਨਾਲ ਚੱਲ ਰਹੇ ਹਨ । ਸ਼ੇਰ ਸਿੰਘ ਅਤੇ ਸੰਤ ਸਿੰਘ ਵੱਲੋਂ ਡਾ: ਬੰਗੜ ਨੂੰ ਸਿਰੋਪਾ ਪਾ ਕੇ ਸਨਮਾਨਿਤ ਵੀ ਕੀਤਾ ਗਿਆ । ਇਸ ਮੌਕੇ ਪ੍ਰਧਾਨ ਅਲਪਾਈਨ ਸਿਟੀ ਲਖਵਿੰਦਰ ਸਿੰਘ , ਗਿਆਨ ਸਿੰਘ, ਦਿਲਬਾਗ ਸਿੰਘ , ਸ਼ੇਰ ਸਿੰਘ , ਅਮਰੀਕ ਸਿੰਘ ਜੱਸਾ, ਛੱਜੂ ਸਿੰਘ, ਜਗਪ੍ਰੀਤ ਸਿੰਘ ਜੱਗੀ, ਸੰਤ ਸਿੰਘ ਅਤੇ ਬੰਤ ਸਿੰਘ ਹਾਜ਼ਰ ਸਨ।