ਹਰਿਆਣਾ ਰਾਜ ਚੋਣ ਕਮਿਸ਼ਨ ਨੇ ਨਗਰ ਨਿਗਮ ਅਤੇ ਨਗਰ ਪਰਿਸ਼ਦ ਦੀ ਆਮ ਚੋਣ ਲਈ ਵਾਰਡਾਂ ਅਨੁਸਾਰ ਵੰਡ ਅਤੇ ਅਪਡੇਟ ਕਰਨ ਲਈ ਪ੍ਰੋਗ੍ਰਾਮ ਜਾਰੀ ਕੀਤਾ

ਚੰਡੀਗੜ, ਹਰਿਆਣਾ ਰਾਜ ਚੋਣ ਕਮਿਸ਼ਨ ਨੇ ਸੂਬੇ ਵਿਚ ਨੇੜਲੇ ਭਵਿੱਖ ਵਿਚ ਹੋਣ ਵਾਲੇ ਨਗਰ ਨਿਗਮ ਅਤੇ ਨਗਰ ਪਰਿਸ਼ਦ ਦੀ ਆਮ ਚੋਣ ਅਤੇ ਨਗਰ ਪਾਲਿਕਾਵਾਂ ਦੀ ਜਿਮਨੀ ਚੋਣ ਲਈ ਭਾਰਤ ਚੋਣ ਕਮਿਸ਼ਨ ਵੱਲੋਂ 25 ਸਤੰਬਰ, 2020 ਨੂੰ ਛਾਪੀ ਆਖਰੀ ਵੋਟਰ ਸੂਚੀ ਨੂੰ ਬੂਥਾਂ ਅਤੇ ਵਾਰਡਾਂ ਅਨੁਸਾਰ ਵੰਡ ਅਤੇ ਅਪਡੇਟ ਕਰਨ ਲਈ ਪ੍ਰੋਗ੍ਰਾਮ ਜਾਰੀ ਕੀਤਾ ਹੈ|
ਰਾਜ ਚੋਣ ਕਮਿਸ਼ਨਰ ਦਲੀਪ ਸਿੰਘ ਨੇ ਇਸ ਸਬੰਧ ਵਿਚ ਜਾਣਕਾਰੀ ਦਿੰਦੇ ਹੋਏ ਦਸਿਆ ਕਿ ਨਗਰ ਨਿਗਮ ਅੰਬਾਲਾ,  ਪੰਚਕੂਲਾ ਅਤੇ ਸੋਨੀਪਤ ਅਤੇ ਨਗਰ ਪਰਿਸ਼ਦ,  ਰਿਵਾੜੀ ਅਤੇ ਨਗਰ ਪਾਲਿਕਾ,  ਬਾਸ,  ਸਿਸਾਈ ਅਤੇ ਉਕਲਾਨਾ (ਹਿਸਾਰ),  ਧਾਰੂਹੇੜਾ (ਰਿਵਾੜੀ),  ਸਾਂਪਲਾ (ਰੋਹਤਕ),  ਇਸਮਾਇਲਾਬਾਦ (ਕੁਰੂਕਸ਼ੇਤਰ),  ਸਢੌਰਾ (ਯਮੁਨਾਨਗਰ) ਦੀ ਆਮ ਚੋਣ ਨੇੜਲੇ ਭਵਿੱਖ ਵਿਚ ਆਯੋਜਿਤ ਕੀਤੀ ਜਾਵੇਗੀ| ਇਸ ਤੋਂ ਇਲਾਵਾ,  ਨਗਰ ਪਰਿਸ਼ਦ,  ਫਤਿਹਾਬਾਦ ਦੇ ਵਾਰਡ ਨੰਬਰ 14 ਅਤੇ ਨਗਰ ਪਾਲਿਕਾਵਾਂ ਦੇ 9 ਵਾਰਡਾਂ ਯਾਨੀ ਸਫੀਦੋਂ (ਜੀਂਦ) ਦੇ ਵਾਰਡ ਨੰਬਰ 9,  ਇੰਦਰੀ (ਕਰਨਾਲ) ਦੇ ਵਾਰਡ ਨੰਬਰ 7,  ਅਟੇਲੀ ਮੰਡੀ (ਮਹੇਂਦਰਗੜ•) ਦੇ ਵਾਰਡ ਨੰਬਰ 3, 4, 7, 8 ਤੇ 9 ਰਾਜੌਂਦ (ਕੈਥਲ) ਦੇ ਵਾਰਡ ਨੰਬਰ 12 ਅਤੇ ਭੂਨਾ (ਫਤਿਹਾਬਾਦ) ਦੇ ਵਾਰਡ ਨੰਬਰ 13 ਦੀ ਜਿਮਨੀ ਚੋਣ ਵੀ ਕਰਵਾਈ ਜਾਵੇਗੀ| ਇਸ ਲਈ ਉਪਰੋਕਤ ਬੂਥਾਂ ਅਤੇ ਵਾਰਡਾਂ ਅਨੁਸਾਰ ਵੋਟਰ ਸੂਚੀਆਂ ਦੀ ਵੰਡ ਅਤੇ ਅਪਡੇਸ਼ਨ ਲਈ ਪ੍ਰੋਗ੍ਰਾਮ ਜਾਰੀ ਕੀਤਾ ਹੈ|
ਸ੍ਰੀ ਦਲੀਪ ਸਿੰਘ ਨੇ ਦਸਿਆ ਕਿ ਜਾਰੀ ਪ੍ਰੋਗ੍ਰਾਮ ਅਨੁਸਾਰ ਵਿਧਾਨ ਸਭਾ ਚੋਣ ਖੇਤਰ ਦੇ ਸਬੰਧਤ ਖੇਦਰ ਦੀ ਵੋਟਰ ਸੂਚੀਆਂ (ਭਾਰਤ ਚੋਣ ਕਮਿਸ਼ਨ ਦੇ ਨਿਦੇਸ਼ਾਨੁਸਾਰ ਪਹਿਲੀ ਜਨਵਰੀ, 2020 ਨੂੰ ਕੁਆਲਿਫਾਇੰਗ ਮਿਤੀ ਮੰਨਦੇ ਹੋਏ) ਦੀ ਵੰਡ 12 ਅਕਤੂਬਰ, 2020 ਨੂੰ ਇੰਨਾਂ ਖਰੜਾ ਵੋਟਰ ਸੂਚੀਆਂ ਦੀ ਛਪਾਈ ਕੀਤੀ ਜਾਵੇਗੀ ਅਤੇ ਦਾਅਵੇ ਤੇ ਇਤਰਾਜ 3 ਨਵੰਬਰ, 2020  ਨੂੰ ਸ਼ਾਮ 3:00 ਵਜੇ ਤਕ (31 ਅਕਤੂਬ, 2020 ਤੇ 1 ਨਵੰਬਰ 2020 ਨੂੰ ਛੱਡ ਕੇ) ਪ੍ਰਵਾਨ ਕੀਤੀ ਜਾਵੇਗੀ| ਸੋਧ ਅਥਾਰਿਟੀ ਵੱਲੋਂ ਇੰਨਾਂ ਦਾਅਵਿਆਂ ਤੇ ਇਤਰਾਜਾਂ ਦਾ ਨਿਪਟਾਰਾ ਕਰਨ ਦੀ ਆਖਰੀ ਮਿਤੀ 11 ਨਵੰਬਰ, 2020 ਹੈ ਅਤੇ ਸੋਧ ਅਥਾਰਿਟੀ ਦੇ ਆਦੇਸ਼ ਵਿਰੁੱਧ ਡਿਪਟੀ ਕਮਿਸ਼ਨਰ ਨੂੰ ਅਪੀਲ ਕਰਨ ਦੀ ਆਖਰੀ ਮਿਤੀ 16 ਨਵੰਬਰ, 2020 ਹੈ| ਡਿਪਟੀ ਕਮਿਸ਼ਨਰ ਵੱਲੋਂ ਅਪੀਲਾਂ ਦਾ ਨਿਪਟਾਰਾ 19 ਨਵੰਬਰ, 2020 ਤਕ ਕੀਤਾ ਜਾਵੇਗਾ ਅਤੇ ਵਾਰਡ ਅਨੁਸਾਰ ਵੋਟਰ ਸੂਚੀਆਂ ਦੀ ਆਖਰੀ ਛਪਾਈ 27 ਨਵੰਬਰ, 2020 ਨੂੰ ਕੀਤਾ ਜਾਵੇਗਾ|
ਡਾ. ਦਲੀਪ ਸਿੰਘ ਨੇ ਦਸਿਆ ਕਿ ਇੰਨਾਂ ਨਗਰ ਪਾਲਿਕਾਵਾਂ ਦੀ ਵੋਟਰ ਸੂਚੀਆਂ ਨੂੰ ਵਿਧਾਨ ਸਭਾ ਖੇਤਰ ਦੀ ਵੋਟਰ ਸੂਚੀਆਂ ਦੇ ਆਧਾਰ 'ਤੇ ਤਿਆਰ ਕੀਤਾ ਜਾਂਦਾ ਸੀ ਅਤੇ ਨਵੇਂ ਵੋਟਰਾਂ ਨੂੰ ਇੰਨਾਂ ਵਿਚ ਜੋੜਿਆ ਜਾਂਦਾ ਸੀ| ਪਰ ਸਰਕਾਰ ਵੱਲੋਂ ਹਰਿਆਣਾ ਨਗਰ ਨਿਗਮ ਚੋਣ ਨਿਯਮ, 1994 ਵਿਚ ਸੋਧ ਕਰਨ ਤੋਂ ਬਾਅਦ ਇਹ ਪ੍ਰੈਕਟਿਸ ਨੂੰ ਬੰਦ ਕਰ ਦਿੱਤਾ ਗਿਆ ਹੈ| ਸੋਧ ਅਨੁਸਾਰ ਹੁਣ ਸਿਫਰ ਵਿਧਾਨ ਸਭਾ ਖੇਤਰਾਂ ਦੇ ਸਬੰਧਤ ਖੇਤਰ ਦੇ ਮੌਜ਼ੂਦਾ ਵੋਟਰਾਂ ਨੂੰ ਨਗਰ ਪਾਲਿਕਾਵਾਂ ਦੇ ਵਾਰਡਾਂ ਵਿਚ ਵੰਡ ਕੀਤਾ ਜਾਵੇਗਾ ਅਤੇ ਨਗਰ ਪਾਲਿਕਾਵਾਂ ਦੀ ਵੋਟਰ ਸੂਚੀ ਵਿਚ ਕੋਈ ਨਵਾਂ ਵੋਟਰ ਨਹੀਂ ਜੋੜਿਆ ਜਾਵੇਗਾ| ਇਸ ਲਈ ਜੇਕਰ ਕੋਈ ਵਿਅਕਤੀ ਸਬੰਧਤ ਨਗਰ ਪਾਲਿਕਾ ਦੀ ਵੋਟਰ ਸੂਚੀ ਵਿਚ ਆਪਣਾ ਨਾਂਅ ਸ਼ਾਮਿਲ ਕਰਵਾਉਣਾ ਚਾਹੁੰਦਾ ਹੈ ਤਾਂ ਉਸ ਨੂੰ ਪਹਿਲਾਂ ਆਪਣਾ ਨਾਂਅ ਸਬੰਧਤ ਵਿਧਾਨ ਸਭਾ ਹਲਕੇ ਦੀ ਵੋਟਰ ਵਿਚ ਸ਼ਾਮਿਲ ਕਰਵਾਉਣਾ ਹੋਵੇਗਾ|
ਉਨਾਂ ਦਸਿਆ ਕਿ ਜੇਕਰ ਕਿਸੇ ਵਿਅਕਤੀ ਦਾ ਨਾਂਅ ਇੰਨਾਂ ਨਗਰ ਪਾਲਿਕਾਵਾਂ ਦੇ ਆਖਰੀ ਛਪਾਈ ਵਾਰਡ ਵਾਰ ਵੋਟਰ ਸੂਚੀ ਵਿਚ ਸ਼ਾਮਿਲ ਨਹੀਂ ਹੈ,  ਤਾਂ ਉਹ ਆਪਣਾ ਨਾਂਅ ਨੂੰ ਜੋੜਣ/ਹਟਾਉਣ/ਸੁਧਾਰ ਲਈ ਡਿਪਟੀ ਕਮਿਸ਼ਨਰ ਨੂੰ ਬਿਨੈ ਕਰ ਸਕਦਾ ਹੈ| ਲੇਕਿਨ ਕਿਸੇ ਵੀ ਨਾਂਅ ਨੂੰ ਜੋੜਣ/ਹਟਾਉਣ/ਸੁਧਾਰ ਸਿਰਫ ਤਦ ਕੀਤਾ ਜਾ ਸਕਦਾ ਹੈ,  ਜਦੋਂ ਬਿਨੈਕਾਰਾਂ ਦਾ ਨਾਂਅ ਨਾਮਜਦਗੀ ਪੱਤਰ ਦਾਖਲ ਕਰਨ ਦੇ ਪਹਿਲੇ ਦਿਨ ਤਕ ਵਿਧਾਨ ਸਭਾ ਵੋਟਰ ਸੂਚੀਆਂ ਦੇ ਸਬੰਧਤ ਹਿੱਸੇ ਵਿਚ ਮੌਜ਼ੂਦ ਹੋਣ|