ਚੰਡੀਗੜ - ਹਰਿਆਣਾ ਦੇ ਮੁੱਖ ਮੰਤਰੀ ਮਨੋਹਰ ਲਾਲ ਨੇ ਕਿਹਾ ਕਿ ਖਰੀਫ ਪ੍ਰਕ੍ਰਿਆ ਸੁਚਾਰੂ} ਢੰਗ ਨਾਲ ਲਗਾਤਾਰ ਜਾਰੀ ਹੈ| ਮੰਡੀਆਂ ਵਿਚ ਝੋਨੇ ਦੀ ਖਰੀਦ ਨਾਲ ਹੀ 7 ਦਿਨਾਂ ਦੇ ਅੰਦਰ ਕਿਸਾਨਾਂ ਨੂੰ ਭੁਗਤਾਨ ਕੀਤਾ ਜਾ ਰਿਹਾ ਹੈ| ਮੰਡੀਆਂ ਵਿਚ ਬਾਰਦਾਨੇ ਦੀ ਸਮੱਸਿਆ ਨਹੀਂ ਆਉਣ ਦਿੱਤੀ ਜਾਵੇਗੀ|
ਮੁੱਖ ਮੰਤਰੀ ਅੱਜ ਪਾਣੀਪਤ ਦੀ ਅਨਾਜ ਮੰਡੀ ਵਿਚ ਖਰੀਦ ਪ੍ਰਕ੍ਰਿਆ ਦਾ ਅਚਨਚੇਤ ਨਿਰੀਖਣ ਕਰ ਰਹੇ ਸਨ| ਉਨਾਂ ਨੇ ਭਾਰਤੀ ਖੁਰਾਕ ਨਿਗਮ ਅਤੇ ਖਰੀਦ ਏਜੰਸੀਆਂ ਦੇ ਅਧਿਕਾਰੀਆਂ ਨੂੰ ਖਰੀਦ ਕਰਵਾਉਣ ਦੇ ਆਦੇਸ਼ ਦਿੱਤੇ| ਉਨਾਂ ਕਿਹਾ ਕਿ ਜਿੰਨਾਂ ਦੇ 7 ਅਕਤੂਬਰ ਤਕ ਦੇ ਆਈ ਫਾਰਮ ਪ੍ਰਵਾਨ ਹੋ ਚੁੱਕੇ ਹਨ, ਉਨਾਂ ਦੀ ਪੇਮੈਂਟ ਕੀਤੀ ਜਾ ਚੁੱਕੀ ਹੈ|
ਮੁੱਖ ਮੰਤਰੀ ਨੇ ਕਿਸਾਨਾਂ ਅਤੇ ਆੜਤੀਆਂ ਨਾਲ ਗਲਬਾਤ ਵੀ ਕੀਤੀ ਅਤੇ ਉਨਾਂ ਦੀ ਸਮੱਸਿਆਵਾਂ ਵੀ ਸੁਣੀ| ਪੀਣ ਦੇ ਪਾਣੀ ਦੀ ਸਮੱਸਿਆ 'ਤੇ ਮੁੱਖ ਮੰਤਰੀ ਨੇ ਅਧਿਕਾਰੀਆਂ ਨੂੰ ਤੁਰੰਤ ਪੀਣ ਦੇ ਪਾਣੀ ਲਈ ਟੈਂਕਰ ਖੜੇ ਕਰਵਾਉਣ ਦੇ ਆਦੇਸ਼ ਦਿੱਤੇ| ਉਨਾਂ ਨੇ ਕਿਸਾਨਾਂ ਤੋਂ ਅਪੀਲ ਕੀਤੀ ਕਿ ਉਹ ਮੰਡੀ ਵਿਚ ਫਸਲਾਂ ਨੂੰ ਸੁੱਖਾ ਕਰ ਲਿਆਉਣ ਅਤੇ ਕਿਹਾ ਕਿ ਝੋਨੇ ਵਿਚ 17 ਤੋਂ 19 ਫੀਸਦੀ ਤਕ ਨਮੀ ਵਿਚ ਛੋਟ ਸਰਕਾਰ ਵੱਲੋਂ ਦਿੱਤੀ ਹੈ|
ਉਨਾਂ ਕਿਹਾ ਕਿ ਮੇਰੀ ਫਸਲ-ਮੇਰਾ ਬਿਓਰਾ ਪੋਟਰਲ ਦੀ ਤਕਨੀਕੀ ਸਮੱਸਿਆ ਦੂਰੀ ਕਰ ਦਿੱਤੀ ਗਈ ਹੈ ਅਤੇ ਇਹ ਮੁੜ ਚਲ ਰਹੀ ਹੈ| ਉਨਾਂ ਕਿਹਾ ਕਿ ਜੇਕਰ ਕੋਈ ਵੀ ਕਿਸਾਨ ਬਿਨਾਂ ਐਸਐਮਐਸ ਸੇਵਾ ਦੇ ਆਪਣੀ ਝੋਨੇ ਦੀ ਫਸਲ ਨੂੰ ਮੰਡੀਆਂ ਵਿਚ ਲਿਆਉਣੀ ਚਾਹੁੰੰਦੀ ਹੈ ਤਾਂ ਇਸ ਵਿਚ ਸਿਰਫ 25 ਫੀਸਦੀ ਤਕ ਦਾ ਵੀ ਪ੍ਰਵਧਾਨ ਹੈ| ਮੁੱਖ ਮੰਤਰੀ ਦੇ ਗੇਟ ਪਾਸ ਦੀ ਸਮੱਸਿਆ ਦਾ ਵੀ ਛੇਤੀ ਹਲ ਕਰਵਾਉਣ ਦਾ ਭੋਰਸਾ ਦਿੱਤਾ|
ਮੁੱਖ ਮੰਤਰੀ ਨੇ ਕਿਹਾ ਕਿ ਅਜੇ ਤਕ ਸਰਕਾਰ ਵੱਲੋਂ ਲਗਭਗ 700 ਕਰੋੜ ਰੁਪਏ ਤਕ ਦੀ ਜਾਰੀ ਕਰ ਦਿੱਤੀ ਗਈ ਹੈ| ਹਰ ਰੋਜ ਕਰੀਬ 200 ਕਰੋੜ ਰੁਪਏ ਤਕ ਦੀ ਅਦਾਇਗੀ ਦੀ ਭੁਗਤਾਨ ਕੀਤੀ ਜਾ ਰਹੀ ਹੈ| ਉਨਾਂ ਕਿਹਾ ਕਿ ਸੂਬੇ ਸਰਕਾਰ ਕਿਸਾਨਾਂ ਦੀ ਸਮੱਸਿਆਵਾਂ ਨੂੰ ਦੂਰ ਕਰਨ ਪ੍ਰਤੀ ਸੰਜੀਦਾ ਹੈ| ਇਸ ਲਈ ਉਹ ਖੁਦ ਮੰਡੀਆਂ ਦਾ ਨਿਰੀਖਣ ਕਰ ਰਹੇ ਹਨ| ਮੁੱਖ ਮੰਤਰੀ ਨੇ ਇਯ ਮੌਕੇ 'ਤੇ ਨਮੀ ਮਾਪਣ ਦੀ ਮਸ਼ੀਨ ਨਾਲ ਝੋਨੇ ਦੀ ਨਮੀ ਵੀ ਮਾਪੀ|