ਵੋਟਰ ਸੂਚੀ ’ਚ ਫੇਰਬਦਲ ਨੂੰ ਲੈ ਕੇ ਚੋਣ ਲੜਨ ਵਾਲੇ ਉਮੀਦਵਾਰਾਂ ਵਿੱਚ ਰੋਸ਼ - ਐਸ.ਡੀ.ਐਮ. ਖਰੜ ਨੂੰ ਮਿਲੇ

ਖਰੜ :- ਕੋਸਲ ਚੋਣਾਂ ਨੂੰ ਲੈ ਕੇ ਖਰੜ ਸ਼ਹਿਰ ਦੀਆਂ ਵੱਖ ਵੱਖ ਵਾਰਡਾਂ ਦੀਆਂ ਤਿਆਰ ਕੀਤੀਆਂ ਗਈਆਂ ਵੋਟਰ ਸੂਚੀਆਂ ਵਿਚ ਸਹੀ ਨਾ ਹੋਣ ਤੇ ਰੋਸ ਵਜੋਂ ਚੋਣ ਲੜਨ ਵਾਲੇ ਸੰਭਾਵੀ ਉਮੀਦਵਾਰਾਂ ਦਾ ਇਕ ਵਫ਼ਦ ਸਾਬਕਾ ਕੌਂਸਲਰ ਕਮਲ ਕਿਸੋਰ ਸ਼ਰਮਾ ਤੇ ਸਮਾਜ ਸੇਵੀ ਹਰਜੀਤ ਸਿੰਘ ਪੰਨੂੰ ਦੀ ਅਗਵਾਈ ਵਿਚ ਐਸ.ਡੀ.ਐਮ.ਖਰੜ ਹਿਮਾਂਸ਼ੂ ਜੈਨ ਨੂੰ ਮਿਲਿਆ। ਐਸ.ਡੀ.ਐਮ.ਦਫਤਰ ਦੇ ਬਾਹਰ ਪੱਤਰਕਾਰਾਂ ਨਾਲ ਗੱਲ ਕਰਦਿਆ ਕਿ ਹਰਜੀਤ ਸਿੰਘ ਪੰਨੂੰ ਨੇ ਕਿਹਾ ਕਿ ਪਹਿਲਾਂ ਜੋ ਵੋਟਰ ਸੂਚੀ ਦੀਆਂ ਲਿਸਟਾਂ ਜਾਰੀ ਕੀਤੀਆਂ ਗਈਆਂ ਉਨ੍ਹਾਂ ਤੇ ਅਸੀ ਇਤਰਾਜ਼ ਵੀ ਦਰਜ਼ ਕਰਵਾਏ ਗਏ ਸਨ ਪਰ ਵੋਟਰ ਸੂਚੀ ਤੇ ਇਤਰਾਜ਼ ਦੂਰ ਨਹੀਂ ਕੀਤੇ ਗਏ ਬਲਕਿ ਹੁਣ ਫਾਈਨਲ ਵੋਟਰ ਸੂਚੀ ਜਾਰੀ ਕਰ ਦਿੱਤੀ ਗਈ। ਉਨ੍ਹਾਂ ਕਥਿਤ ਤੌਰ ਤੇ ਦੋਸ਼ ਲਾਇਆ ਕਿ ਵੋਟਰ ਸੂਚੀ ਵਿਚ ਵੱਡੇ ਪੱਧਰ ਤੇ ਖਾਮੀਆਂ ਤੇ ਘਪਲਾ ਹੈ। ਕਿਸੇ ਨੂੰ ਕੋਈ ਪਤਾ ਨਹੀਂ ਵੋਟ ਕਿਸ ਵਾਰਡ ਵਿਚ ਪੈ ਗਈ, ਮਕਾਨ ਨੰਬਰ ਨਹੀ ਹੈ। ਕਈ ਵਾਰਡਾਂ ਵਿਚ ਅਜਿਹੀਆਂ ਵੋਟਾਂ ਸ਼ਾਮਲ ਕਰ ਦਿੱਤੀਆਂ ਗਈਆਂ ਜਦੋ ਕਿ ਉਹ ਵੋਟਰ ਵਾਰਡ ਦੇ ਵਸਨੀਕ ਹੀ ਨਹੀ ਹੈ। ਉਨ੍ਹਾਂ ਕਿਹਾ ਕਿ ਇੰਝ ਲੱਗਦਾ ਹੈ ਕਿ ਵੋਟਰ ਸੂਚੀ ਕਿਸੀ ਦਬਾਓ ਹੇਠ ਬਣਾਈ ਗਈ ਹੈ। ਕਈ ਉਮੀਦਵਾਰ ਜੋ ਪਹਿਲਾਂ ਚੋਣ ਲੜ ਚੁਕੇ ਹਨ ਕਿ ਉਨ੍ਹਾਂ ਦੀਆਂ ਵੀ ਵੋਟਾਂ ਗਾਇਬ ਹਨ। ਸਾਬਕਾ ਕੌਂਸਲਰ ਕਮਲ ਕਿਸ਼ੋਰ ਸ਼ਰਮਾ ਨੇ ਕਿਹਾ ਕਿ ਜੋ ਉਨ੍ਹਾਂ ਵਲੋ ਵਾਰਡ ਨੰਬਰ: 22 ਦੀ ਵੋਟਰ ਸੂਚੀ ਸਬੰਧੀ ਇਤਰਾਜ਼ ਐਸ ਡੀ ਐਮ ਦਫਤਰ ਵਿਚ ਦਿੱਤੇ ਗਏ ਸਨ ਜੋ ਕਿ ਦੂਰ ਨਹੀ ਕੀਤੇ ਗਏ ਬਲਕਿ ਇਸ ਵਾਰਡ ਵਿਚ ਬਹੁਤ ਸਾਰੀਆਂ ਵੋਟਾਂ ਫਲੈਟਸ ਨੰਬਰਾਂ ਦੀਆਂ ਪਾ ਦਿੱਤੀਆਂ ਗਈਆਂ ਜਦ ਕਿ ਇਸ ਵਾਰਡ ਵਿਚ ਫਲੈਟਸ ਹੈ ਹੀ ਨਹੀਂ। ਇਸ ਮੌਕੇ ਸੋਹਨ ਲਾਲ ਧੀਮਾਨ , ਐਸ.ਐਸ. ਬਾਦਲ ਘਵੱਦੀ, ਦੀਪ ਸਿੱਧੂ, ਅਮਨਦੀਪ ਸਿੰਘ, ਅਮਰਜੀਤ ਸਿੰਘ, ਸਤਵੀਰ ਸਿੰਘ, ਰਣਬੀਰ ਕੁਮਾਰ, ਪੰਕਜ ਚੱਢਾ, ਸੁਸ਼ਾਂਤ ਕੌਸ਼ਿਕ, ਅਰਵਿੰਦਰ ਸਿੰਘ, ਵਨੀਤ ਜੈਨ, ਅਮਨਪ੍ਰੀਤ ਸਿੰਘ, ਵਰਿੰਦਰ ਸਿੰਘ, ਸੁਰਿੰਦਰ ਸ਼ਰਮਾ ਸਮੇਤ ਹੋਰ ਸ਼ਹਿਰ ਨਿਵਾਸੀ ਹਾਜ਼ਰ ਸਨ। ਦੂਸਰੇ ਪਾਸੇ ਖਰੜ ਦੇ ਐਸ. ਡੀ.ਐਮ.ਖਰੜ ਹਿਮਾਸੂੰ ਜੈਨ ਨੇ ਦਸਿਆ ਕਿ ਵਫਦ ਦੀਆਂ ਗੱਲਾਂ ਸੁਣੀਆਂ ਗਈਆਂ ਹਨ ਇਨ੍ਹਾਂ ਨੂੰ ਕੱਲ 8 ਜਨਵਰੀ ਤੱਕ ਉਨ੍ਹਾਂ ਦੇ ਦਫਤਰ ਵਿਚ ਵੋਟਰ ਸਬੰਧੀ ਆਪਣੇ ਇਤਰਾਜ਼ 11 ਵਜੇ ਤੱਕ ਪੇਸ਼ ਕਰਨ ਲਈ ਕਿਹਾ ਗਿਆ ਹੈ ਤਾਂ ਕਿ ਚੈਕ ਕਰਵਾ ਕੇ ਵੋਟਰ ਸੂਚੀ ਵਿਚ ਸੋਧ ਕਰਕੇ ਵੋਟਰ ਸੂਚੀ ਜਾਰੀ ਕਰ ਦਿੱਤੀ ਜਾਵੇਗੀ। ਐਸ.ਡੀ.ਐਮ. ਨੇ ਇਹ ਵੀ ਸਪੱਸ਼ਟ ਕੀਤਾ ਕਿ ਜੋ ਪਹਿਲੀ ਵੋਟਰ ਸੂਚੀ ਜਾਰੀ ਕੀਤੀ ਗਈ ਹੈ ਉਸ ਵਿਚ ਜੇਕਰ ਕਿਸੇ ਵੀ ਤਰ੍ਹਾਂ ਬੀ.ਐਲ.ਓ. ਦੀ ਜਾਂ ਕਿਸੇ ਹੋਰ ਅਧਿਕਾਰੀ ਦੀ ਅਣਗਹਿਲੀ ਪਾਈ ਜਾਂਦੀ ਹੈ ਤਾਂ ਉਸਦੇ ਖਿਲਾਫ ਵੀ ਕਾਨੂੰਨੀ ਕਾਰਵਾਈ ਅਮਲ ਵਿਚ ਲਿਆਂਦੀ ਜਾਵੇਗੀ।