ਚੰਡੀਗਡ਼੍ਹ - ਭਾਈ ਸਤਨਾਮ ਸਿੰਘ ਜੋ ਕਿ ਪਿਛਲੇ ਦਿਨੀਂ ਅਕਾਲ ਚਲਾਣਾ ਕਰ ਗਏ ਸਨ ।ਉਨ੍ਹਾਂ ਦੀ ਆਤਮਿਕ ਸ਼ਾਂਤੀ ਲਈ ਰੱਖੇ ਸ੍ਰੀ ਅਖੰਡ ਪਾਠ ਸਾਹਿਬ ਪਾਠ ਦੇ ਭੋਗ 18 ਜਨਵਰੀ ਦਿਨ ਸੋਮਵਾਰ ਉਨ੍ਹਾਂ ਦੇ ਗ੍ਰਹਿ ਕੋਠੀ ਨੰਬਰ 245 ਸੈਕਟਰ 35-A ਵਿਖੇ ਪੈਣਗੇ । ਅੰਤਿਮ ਅਰਦਾਸ ਅਤੇ ਕੀਰਤਨ ਸਮਾਗਮ ਸੈਕਟਰ 34 ਗੁਰਦੁਆਰਾ ਸਾਹਿਬ ਵਿਖੇ 18 ਜਨਵਰੀ ਨੂੰ ਹੀ ਦੁਪਹਿਰ 12.30 ਤੋਂ 2 ਵਜੇ ਤੱਕ ਹੋਣਗੇ ਇਹ ਜਾਣ ਉਨ੍ਹਾਂ ਦੇ ਸਪੁੱਤਰ ਭਾਈ ਮਨਪ੍ਰੀਤ ਸਿੰਘ ਹੋਰਾਂ ਨੇ ਦਿੱਤੀ ।
ਇੱਥੇ ਦੱਸਣਾ ਬਣਦਾ ਹੈ ਕਿ ਭਾਈ ਸਾਹਿਬ ਅਖੰਡ ਕੀਰਤਨੀ ਜਥਾ ਚੰਡੀਗਡ਼੍ਹ ਦੇ ਮੁੱਖ ਸੇਵਾਦਾਰ ਅਤੇ ਧਾਰਮਿਕ ਮੈਗਜ਼ੀਨ ਆਤਮ ਰੰਗ ਦੇ ਮੁੱਖ ਸੰਪਾਦਕ ਸਨ ।ਪਿਛਲੇ ਦਿਨੀਂ ਸੰਖੇਪ ਜਿਹੀ ਬਿਮਾਰੀ ਤੋਂ ਬਾਅਦ ਉਨ੍ਹਾਂ ਦਾ ਇਲਾਜ ਪੰਚਕੂਲਾ ਦੇ ਇਕ ਨਿੱਜੀ ਹਸਪਤਾਲ ਵਿਚ ਚੱਲ ਰਿਹਾ ਸੀ, ਜਿੱਥੇ ਉਨ੍ਹਾਂ ਨੂੰ ਸਾਈਲੈਂਟ ਹਾਰਟ ਅਟੈਕ ਆਇਆ , ਉਥੇ ਉਨ੍ਹਾਂ ਨੇ ਆਖ਼ਰੀ ਸੁਆਸ ਲਏ । ਉਨ੍ਹਾਂ ਦੀ ਦੇਹ ਦਾ ਅੰਤਿਮ ਸੰਸਕਾਰ ਚੰਡੀਗਡ਼੍ਹ ਦੇ ਸ਼ਮਸ਼ਾਨਘਾਟ ਸੈਕਟਰ -25 ਵਿਖੇ ਕੀਤਾ ਗਿਆ । ਅਖੰਡ ਕੀਰਤਨੀ ਜਥਾ ਚੰਡੀਗਡ਼੍ਹ ਦੇ ਮੁੱਖ ਸੇਵਾਦਾਰ ਭਾਈ ਸਤਨਾਮ ਸਿੰਘ ਜਿੱਥੇ ਧਾਰਮਕ , ਮਿਲਾਪੜੇ ਸਨ ਉਥੇ ਪੰਥਕ ਪੀੜ ਕਰਨ ਵਾਲੀ ਵੀ ਰੂਹ ਸਨ ।ਜਿੱਥੇ ਬੈਠਦੇ ਉਥੇ ਧਾਰਮਿਕ ਰੰਗ ਬਿਖੇਰ ਦਿੰਦੇ ਸਨ । ਹਰ ਵੇਲੇ ਉਹ ਇਕ ਅਕਾਲ ਨਾਲ ਜੋੜਨ ਅਤੇ ਗੁਰੂ ਗ੍ਰੰਥ ਸਾਹਿਬ ਮਹਾਰਾਜ ਦੇ ਸੰਦੇਸ਼ ਉੱਪਰ ਚੱਲਣ ਲਈ ਪ੍ਰੇਰਤ ਕਰਦੇ ਰਹਿੰਦੇ ਸਨ । ਇਨ੍ਹਾਂ ਸੰਦੇਸ਼ਾਂ ਅਤੇ ਸਿੱਖ ਇਤਿਹਾਸ ਨੂੰ ਘਰ ਘਰ ਪਹੁੰਚਾਉਣ ਲਈ ਉਹ ਆਪਣੇ ਹੀ ਤਰੱਦਦ ਅਤੇ ਸਰੋਤਾਂ ਤੋਂ ਮਾਇਆ ਇਕੱਠੀ ਕਰ ਕੇ ਆਤਮ ਰੰਗ ਨਾਮ ਦਾ ਬਹੁਤ ਸੋਹਣਾ ਧਾਰਮਿਕ ਮੈਗਜ਼ੀਨ ਪਿਛਲੇ ਕੁਝ ਸਾਲਾਂ ਤੋਂ ਨਿਰੰਤਰ ਚਲਾ ਰਹੇ ਸਨ ।ਇਕ ਧਾਰਮਿਕ ਅਤੇ ਬਿਰਤੀ ਵਾਲੀ ਰੂਹ ਦਾ ਸਮਾਜ ਵਿਚੋਂ ਚਲੇ ਜਾਣ ਦਾ ਘਾਟਾ ਮਹਿਸੂਸ ਹੋ ਰਿਹਾ ਹੈ । ਅਕਾਲ ਪੁਰਖ ਦੇ ਚਰਨਾਂ ਵਿਚ ਅਰਦਾਸ ਹੈ ਕਿ ਸੱਚੇ ਪਾਤਸ਼ਾਹ ਏਸ ਨੇਕ ਰੂਹ ਨੂੰ ਆਪਣੇ ਚਰਨਾਂ ਵਿਚ ਸਦੀਵੀ ਨਿਵਾਸ ਬਖਸ਼ਣ ਅਤੇ ਪਰਿਵਾਰ ਨੂੰ ਭਾਣੇ ਵਿੱਚ ਰਹਿਣ ਦੀ ਜੁਗਤ ਬਖਸ਼ਣ ।