ਚੰਡੀਗੜ੍ਹ, ਕੇਂਦਰੀ ਸਮਾਜਿਕ ਨਿਆਂ ਅਤੇ ਅਧਿਕਾਰਿਤਾ ਰਾਜ ਮੰਤਰੀ ਕ੍ਰਿਸ਼ਣਪਾਲ ਗੁਰਜਰ ਨੇ ਕਿਹਾ ਕਿ ਦੇਸ਼ ਵਿਚ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਅਤੇ ਸੂਬੇ ਵਿਚ ਮੁੱਖ ਮੰਤਰੀ ਮਨੋਹਰ ਲਾਲ ਦੀ ਅਗਵਾਈ ਹੇਠ ਸਰਕਾਰ ਹਰ ਵਰਗ ਦੇ ਹਿੱਤ ਵਿਚ ਅਨੇਕ ਜਨਹਿਤੈਸ਼ੀ ਕਾਰਜ ਕਰ ਕੇ ਮਿਸਾਲ ਕਾਇਮ ਕਰ ਰਹੀ ਹੈ।
ਕੇਂਦਰੀ ਰਾਜ ਮੰਤਰੀ ਕ੍ਰਿਸ਼ਣਪਾਲ ਗਰਜਰ ਅੱਜ ਪਿੰਡ ਚੰਦਾਵਲੀ ਵਿਚ ਲਗਭਗ ਇਕ ਕਰੋੜ ਰੁਪਏ ਦੀ ਰਕਮ ਨਾਲ ਬਨਣ ਵਾਲੀ ਸਾਮੂਦਿਾਇਕ ਸਿਹਤ ਕੇਂਦਰ ਅਤੇ 50 ਲੱਖ ਰੁਪਏ ਦੀ ਰਕਮ ਨਾਲ ਬਨਣ ਵਾਲੇ ਆਈਐਮਟੀ ਪਾਰਕ ਦਾ ਉਦਘਾਟਨ ਕਰਨ ਬਾਅਦ ਮੌਜੂਦ ਲੋਕਾਂ ਨੂੰ ਸੰਬੋਧਿਤ ਕਰ ਰਹੇ ਸਨ। ਹਰਿਆਣਾ ਦੇ ਕੈਬਿਨੇਟ ਮੰਤਰੀ ਮੂਲਚੰਦ ਸ਼ਰਮਾ ਵੀ ਮੁੱਖ ਮਹਿਮਾਨ ਵਜੋ ਮੌਜੂਦ ਰਹੇ। ਹਰਿਆਣਾ ਵੇਅਰਹਾਊਸ ਨਿਗਮ ਦੇ ਚੇਅਰਮੈਨ ਅਤੇ ਵਿਧਾਇਕ ਨੈਨ ਪਾਲ ਰਾਵਤ ਨੇ ਵਿਸ਼ੇਸ਼ ਮਹਿਮਾਨ ਵਜੋ ਸ਼ਿਰਕਤ ਕੀਤੀ।
ਹਰਿਆਣਾ ਦੇ ਕੈਬਿਨੇਟ ਮੰਤਰੀ ਮੂਲਚੰਦ ਸ਼ਰਮਾ ਨੇ ਕਿਹਾ ਕਿ ਦੇਸ਼ ਦੇ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਅਤੇ ਸੂਬੇ ਦੇ ਮੁੱਖ ਮੰਤਰੀ ਮਨੋਹਰ ਲਾਲ ਦੀ ਜੋੜੀ ਨੇ ਫਰੀਦਾਬਾਦ ਦੇ ਸ਼ਹਿਰੀ ਅਤੇ ਗ੍ਰਾਮੀਣ ਖੇਤਰਾਂ ਵਿਚ 24 ਘੰਟੇ ਬਿਜਲੀ ਦੇਣ, ਨਹਿਰ ਦੇ ਉੱਪਰ ਲਗਭਗ ਇਕ ਦਰਜਨ ਪੁੱਲ ਬਨਾਉਣ ਤੇ ਖੇਡ ਸਟੇਡੀਅਮ ਬਨਵਾਉਣ ਦਾ ਕੰਮ ਕੀਤਾ। ਸਾਰੇ ਪਿੰਡਾਂ ਦੀ ਫਿਰਨੀ ਪੱਕੇ ਕਰਨ ਸਮੇਤ ਅਨੇਕ ਵਿਕਾਸ ਕੰਮ ਕਰਵਾਏ ਜਾ ਰਹੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਦਿੱਲੀ ਤੋਂ ਵੜੋਦਰਾ ਜਾਣ ਵਾਲਾ ਰਸਤਾ ਫਰੀਦਾਬਾਦ ਦੇ ਬਾਈਪਾਸ ਤੋਂ ਹੋ ਕੇ ਗੁਜਰੇਗਾ, ਜਿਸ ਨਾਲ ਫਰੀਦਾਬਾਦ ਜਿਲ੍ਹਾ ਦਾ ਵਿਕਾਸ ਹੋਵੇਗਾ।
ਹਰਿਆਣਾ ਵੇਅਰਹਾਊਸ ਨਿਗਮ ਦੇ ਚੇਅਰਮੈਨ ਅਤੇ ਵਿਧਾਇਕ ਨੈਨ ਪਾਲ ਰਾਵਤ ਨੇ ਕਿਹਾ ਕਿ ਮਨੋਹਰ ਸਰਕਾਰ ਸੂਬੇ ਦਾ ਚਹੁੰਮੁਖੀ ਵਿਕਾਸ ਕਰਵਾਉਣ ਦੇ ਲਈ ਯਤਨਸ਼ੀਲ ਹਨ।