ਡਿਪਟੀ ਮੁੱਖ ਮੰਤਰੀ ਹਰਿਆਣਾ ਨੇ ਖਪਤਕਾਰਾਂ ਦੀ ਸਹੂਲਤ ਲਈ ਈ-ਫਾਈਲਿੰਗ ਪੋਰਟਲ ਕੀਤਾ ਲਾਂਚ

ਚੰਡੀਗੜ੍ਹ,  ਹਰਿਆਣਾ ਦੇ ਡਿਪਟੀ ਮੁੱਖ ਮੰਤਰੀ ਸ੍ਰੀ ਦੁਸ਼ਯੰਤ ਚੌਟਾਲਾ ਨੇ ਅੱਜ ਹਰਿਆਣਾ ਸਿਵਲ ਸਕੱਤਰੇਤ ਸਥਿਤ ਆਪਣੇ ਦਫਤਰ ਤੋਂ ਖਪਤਕਾਰਾਂ ਦੀ ਸਹੂਲਤ ਲਈ ਈ-ਫਾਈਲਿੰਗ ਪੋਰਟਲ ਲਾਂਚ ਕੀਤਾ।  ਹੁਣ ਖਪਤਕਾਰ ਆਪਣੇ ਕੇਸ www.edaakhil.nic.in   ਵੈਬਸਾਇਟ 'ਤੇ ਕਿਤੋ ਵੀ ਆਨਲਾਇਨ ਦਾਖਲ ਕਰ ਸਕਣਗੇ।

            ਇਸ ਮੌਕੇ 'ਤੇ ਰਾਜ ਖਪਤਕਾਰ ਵਿਵਾਦ ਹੱਲ ਆਯੋਗ ਦੇ ਚੇਅਰਮੈਨ ਸੇਵਾਮੁਕਤ ਜਸਟਿਸ ਟੀਪੀਐਸ ਮਾਨ,  ਖੁਰਾਕ,  ਸਿਵਲ ਸਪਲਾਈ ਅਤੇ ਖਪਤਕਾਰ ਮਾਮਲੇ ਵਿਭਾਗ ਦੇ ਵਧੀਕ ਮੁੱਖ ਸਕੱਤਰ ਪੀ.ਕੇ. ਦਾਸ,  ਸੰਯੁਕਤ ਨਿਦੇਸ਼ਕ ਡਾ. ਇੰਦਰਜੀਤ ਵੀ ਮੌਜੂਦ ਸਨ।

            ਡਿਪਟੀ ਸੀਐਮ,  ਜਿਨ੍ਹਾਂ ਦੇ ਕੋਲ ਖੁਰਾਕ,  ਸਿਵਲ ਸਪਲਾਈ ਅਤੇ ਖਪਤਕਾਰ ਮਾਮਲੇ ਵਿਭਾਗ ਦੇ ਕਾਰਜਭਾਰ ਵੀ ਹੈ,  ਨੇ ਈ-ਫਾਈਲਿੰਗ ਪੋਰਟਲ ਦੀ ਸ਼ੁਰੂਆਤ ਕਰਨ ਦੇ ਬਾਅਦ ਕਿਹਾ ਕਿ ਖਪਤਕਾਰਾਂ ਦੇ ਹਿੱਤ ਵਿਚ ਰਾਜ ਸਰਕਾਰ ਵੱਲੋਂ ਚੁਕਿਆ ਗਿਆ ਇਹ ਬਹੁਤ ਵੱਡਾ ਕਦਮ ਹੈ। ਉਹ ਕਿਤੋਂ ਵੀ ਆਪਣੀ ਸ਼ਿਕਾਇਤ ਈ-ਫਾਈਲਿੰਗ ਰਾਹੀਂ ਦਰਜ ਕਰਵਾ ਸਕਦੇ ਹਨ। ਇਹ ਹੀ ਨਹੀਂ ਆਪਣੀ ਸ਼ਿਕਾਇਤ ਦਾ ਸਟੇਟਸ ਵੀ ਆਨਲਾਇਨ ਦੇਖ ਸਕਦੇ ਹਨ।

            ਖੁਰਾਕ,  ਸਿਵਲ ਸਪਲਾਈ ਅਤੇ ਖਪਤਕਾਰ ਮਾਮਲੇ ਵਿਭਾਗ ਦੇ ਵਧੀਕ ਮੁੱਖ ਸਕੱਤਰ ਪੀ.ਕੇ. ਦਾਸ  ਨੇ ਦਸਿਆ ਕਿ ਖਪਤਕਾਰਾਂ ਦੇ ਕੇਸ ਆਨਲਾਇਨ ਦਰਜ ਕਰਵਾਉਣ ਦੀ ਪ੍ਰਕ੍ਰਿਆ ਬਹੁਤ ਹੀ ਸਰਲ ਹੈ। ਖਪਤਕਾਰ ਉਕਤ ਪ੍ਰਕ੍ਰਿਆ www.edaakhil.nic.in  ਵੈਸਾਇਟ 'ਤੇ ਹਿੰਦੀ ਤੇ ਅੰਗੇ੍ਰਜੀ ਭਾਸ਼ਾ ਵਿਚ ਅਪਲੋਡ ਕੀਤੀ ਗਈ ਵੀਡੀਓ ਤੋਂ ਵੀ ਸਿੱਖ ਸਕਦੇ ਹਨ। ਉਨ੍ਹਾਂ ਨੇ ਦਸਿਆ ਕਿ ਸੱਭ ਤੋਂ ਪਹਿਲਾਂ ਖਪਤਕਾਰ ਨੂੰ ਸਵੈ ਦੀ ਆਪਣੀ ਈ-ਮੇਲ ਆਈਡੀ ਰਾਹੀਂ ਰਜਿਸਟਰਡ ਕਰਵਾਉਣਾ ਹੁੰਦਾ ਹੈ,  ਫਿਰ ਵੈਬਸਾਇਟ 'ਤੇ ਦਿੱਤੇ ਗਏ ਕ੍ਰਮ ਦਾ ਅਨੂਕਰਣ ਕਰਦੇ ਹੋਏ ਸਾਰੀ ਪ੍ਰਕ੍ਰਿਆ ਅਪਣਾਉਣੀ ਹੋਵੇਗੀ।

            ਉਨ੍ਹਾਂ ਨੇ ਇਹ ਵੀ ਦਸਿਆ ਕਿ ਸਾਲ 2020 ਵਿਚ ਜਿੱਥੇ ਰਾਜ ਖਪਤਕਾਰ ਵਿਵਾਦ ਹੱਲ ਆਯੋਗ ਵਿਚ ਕੁੱਲ 597 ਮਾਮਲੇ ਆਏ ਉੱਥੇ ਸੂਬੇ ਦੇ ;ਸਾਰੇ ਜਿਲ੍ਹਾ ਖਪਤਕਾਰ ਵਿਵਾਦ ਹੱਲ ਆਯੋਗਾਂ ਵਿਚ ਕੁੱਲ 8614 ਮਾਮਲੇ ਦਰਜ ਕਰਵਾਏ ਗਏ। ਉਨ੍ਹਾਂ ਨੇ ਕਿਹਾ ਕਿ ਹੁਣ ਈ-ਫਾਈਲਿੰਗ ਪੋਰਟਲ ਦੀ ਸ਼ੁਰੂਆਤ ਹੋਣ ਨਾਲ ਖਪਤਕਾਰਾਂ ਨੂੰ ਕਾਫੀ ਸਹੂਲਤ ਹੋਵੇਗੀ।