BREAKING NEWS
ਮੋਦੀ ਸਰਕਾਰ ਵੱਲੋਂ ਰਸੋਈ ਗੈਸ ਅਤੇ ਤੇਲ ਕੀਮਤਾਂ ਵਿਚ ਵਾਧੇ ਖਿਲਾਫ ਪੰਜਾਬ ਕਾਂਗਰਸ ਦਾ ਰੋਸ਼ ਪ੍ਰਦਰਸ਼ਨਹਰਿਆਣਾ ਦੇ ਇਕ ਲੱਖ ਗਰੀਬ ਪਰਿਵਾਰਾਂ ਦੀ ਆਮਦਨੀ ਸਾਲਾਨਾ ਇਕ ਲੱਖ ਰੁਪਏ ਤਕ ਕਰਨ ਦਾ ਲਿਆ ਸੰਕਲਪ -ਮੁੱਖ ਮੰਤਰੀ ਮਨੋਹਰ ਲਾਲ‘ਮਿਸ਼ਨ ਸ਼ਤ-ਪ੍ਰਤੀਸ਼ਤ’ ਹੇਠ ਪ੍ਰਾਇਮਰੀ ਸਕੂਲਾਂ ਦੇ ਵਿਦਿਆਰਥੀਆਂ ਦੀ ਤਿਆਰੀ ਦੇ ਮੱਦੇਨਜ਼ਰ ਮਾਪੇ-ਅਧਿਆਪਕ ਮੀਟਿੰਗ 2 ਮਾਰਚ ਨੂੰਸਾਕਾ ਸ੍ਰੀ ਨਨਕਾਣਾ ਸਾਹਿਬ ਸਬੰਧੀ ਸ਼੍ਰੋਮਣੀ ਕਮੇਟੀ ਵੱਲੋਂ ਹਰਿਆਣਾ ’ਚ ਵਿਸ਼ਾਲ ਗੁਰਮਤਿ ਸਮਾਗਮਕੈਪਟਨ ਅਮਰਿੰਦਰ ਸਿੰਘ ਦੀ ਅਗਵਾਈ ਵਿੱਚ ਵਿਧਾਨ ਸਭਾ ਵੱਲੋਂ ਖੇਤੀ ਅੰਦੋਲਨ ਦੌਰਾਨ ਜਾਨਾਂ ਗਵਾਉਣ ਵਾਲੇ ਕਿਸਾਨਾਂ ਤੇ ਖੇਤ ਕਾਮਿਆਂ ਤੋਂ ਇਲਾਵਾ ਨਾਮੀਂ ਸਖਸ਼ੀਅਤਾਂ ਨੂੰ ਸ਼ਰਧਾਂਜਲੀਬਾਜ਼ਾਰੂ ਗਾਇਕੀ ਤੇ ਗੀਤਕਾਰੀ ਦਾ ਨੌਜੁਆਨੀ ’ਤੇ ਪੈ ਰਹੇ ਮਾੜੇ ਪ੍ਰਭਾਵਾਂ ਦੀ ਬਾਤ ਪਾਉਂਦੇ ਨਾਟਕ ‘ਜ਼ੋਰ ਲਗਾ ਕੇ ਹਈ ਸ਼ਾਅ’ ਦਾ ਸਫਲ ਮੰਚਣ।

ਨੈਸ਼ਨਲ

ਸਿਰਸਾ ਨੇ ਆਪਣੇ ਦਸਤਖਤ ਨੂੰ ਕੈਮਿਕਲ ਦੇ ਜਰੀਏ ਮਿਟਾਇਆ, ਕਰਵਾਂਗੇ ਜਾਂਚ -ਅਕਾਲੀ ਦਲ ਦਿੱਲੀ

ਕੌਮੀ ਮਾਰਗ ਬਿਊਰੋ/ ਮਨਪ੍ਰੀਤ ਸਿੰਘ ਖਾਲਸਾ | February 18, 2021 05:49 PM

ਨਵੀਂ ਦਿੱਲੀ,  

ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਮੈਂਬਰ ਅਤੇ ਸ਼੍ਰੋਮਣੀ ਅਕਾਲੀ ਦਲ ਦਿੱਲੀ ਦੇ ਸਕੱਤਰ ਜਨਰਲ ਗੁਰਮੀਤ ਸਿੰਘ ਸ਼ੰਟੀ ਨੇ ਅੱਜ ਦਾਅਵਾ ਕੀਤਾ ਹੈ ਕਿ ਕਮੇਟੀ ਦੇ ਭ੍ਰਿਸ਼ਟਾਚਾਰ ਅਤੇ ਗੁਰੂ ਦੀ ਗੋਲਕ ਦੀ ਲੁੱਟ 'ਚ ਸਾਬਕਾ ਪ੍ਰਧਾਨ ਮਨਜੀਤ ਸਿੰਘ ਜੀ.ਕੇ. ਦੇ ਨਾਲ ਮੌਜੂਦਾ ਪ੍ਰਧਾਨ ਮਨਜਿੰਦਰ ਸਿੰਘ ਸਿਰਸਾ ਵੀ ਬਰਾਬਰ ਦਾ ਦੋਸ਼ੀ ਹੈ। ਸ਼ੰਟੀ ਨੇ ਕਿਹਾ ਕਿ ਜੀ.ਕੇ. ਨੇ ਆਪਣੇ ਕਾਰਜਕਾਲ 'ਚ ਜਿਹੜੇ ਜਿਹੜੇ ਘੁਟਾਲਿਆਂ ਨੂੰ ਅੰਜਾਮ ਦਿੱਤਾ ਹੈ, ਉਸ ਵਿਚ ਸਿਰਸਾ ਵੀ ਸ਼ਾਮਿਲ ਸੀ ਅਤੇ ਇਸ ਸਬੰਧੀ ਸਬੂਤ ਉਨ੍ਹਾਂ ਨੂੰ ਹਾਲ ਹੀ 'ਚ ਹੱਥ ਲੱਗੇ ਹਨ। ਸ਼ੰਟੀ ਨੇ ਕਿਹਾ ਕਿ ਇਨ੍ਹਾਂ ਸਬੂਤਾਂ ਨੂੰ ਉਹ (ਸ਼ੰਟੀ) ਅਦਾਲਤ ਤੇ ਜਾਂਚ ਅਧਿਕਾਰੀ ਨੂੰ ਦੇਣ ਹੀ ਵਾਲੇ ਸਨ ਕਿ ਸਿਰਸਾ ਨੂੰ ਇਸ ਦੀ ਭਿਣਕ ਪੈ ਗਈ, ਜਿਸ ਤੋਂ ਬਾਅਦ ਸਿਰਸਾ ਨੇ ਉਨ੍ਹਾਂ 'ਤੇ ਦਬਾਅ ਬਣਾਉਣ ਲਈ ਤਿੰਨ ਦਿਨ ਪਹਿਲਾਂ ਦਿੱਲੀ ਦੀ ਇਕ ਅਦਾਲਤ 'ਚ ਹਲਫਨਾਮਾ ਦੇ ਕੇ ਸਬਜ਼ੀ ਖਰੀਦ ਸਬੰਧੀ ਪੁਰਾਣੇ ਕੇਸ ਨੂੰ ਚੁੱਕਣ ਦੀ ਕੋਸ਼ਿਸ਼ ਕੀਤੀ ਜੋ ਪਹਿਲਾਂ ਹੀ 2 ਵਾਰੀ ਡਿਸਮਿਸ ਹੋ ਚੁੱਕਾ ਹੈ। ਸ਼ੰਟੀ ਨੇ ਦੱਸਿਆ ਕਿ ਇਹ ਬਿਲਕੁਲ ਉਸੇ ਤਰ੍ਹਾਂ ਹੀ ਹੈ ਜਿਸ ਤਰ੍ਹਾਂ ਜੀ.ਕੇ. ਨੇ ਆਪਣੇ ਭਰਾ ਹਰਜੀਤ ਸਿੰਘ ਨੂੰ ਅੱਗੇ ਕਰਕੇ ਇਸ ਮਾਮਲੇ ਨੂੰ ਚੁੱਕਿਆ ਸੀ।

ਗੁਰਮੀਤ ਸਿੰਘ ਸ਼ੰਟੀ ਨੇ ਮੀਡੀਆ ਦੇ ਸਾਹਮਣੇ ਦਾਅਵਾ ਕੀਤਾ ਕਿ ਮਨਜੀਤ ਸਿੰਘ ਜੀ.ਕੇ. ਦੇ ਕਥਿਤ ਘੁਟਾਲਿਆਂ 'ਚ ਮਨਜਿੰਦਰ ਸਿੰਘ ਸਿਰਸਾ ਦੀ ਵੀ ਪੂਰੀ ਸ਼ਮੂਲੀਅਤ ਹੈ ਕਿਉਂਕਿ ਉਹ ਉਸ ਸਮੇਂ ਜਨਰਲ ਸਕੱਤਰ ਹੁੰਦੇ ਸਨ ਅਤੇ ਸਾਰੇ ਵੱਡੇ ਮਾਮਲਿਆਂ 'ਚ ਦੋਵਾਂ ਅਹੁਦੇਦਾਰਾਂ ਦੇ ਦਸਤਖਤ ਹੁੰਦੇ ਸਨ। ਸ਼ੰਟੀ ਨੇ ਦੱਸਿਆ ਕਿ ਇਸ ਸਬੰਧੀ ਉਨ੍ਹਾਂ ਦੇ ਹੱਥ ਨਵੇਂ ਸਬੂਤ ਲੱਗੇ ਹਨ , ਜਿਸ ਵਿਚ ਸਿਰਸਾ ਨੇ ਸਾਰੇ ਦਸਤਾਵੇਜਾਂ 'ਚ ਆਪਣੇ ਕੀਤੇ ਦਸਤਖਤਾਂ ਨਾਲ ਛੇੜਛਾੜ ਕੀਤੀ ਹੋਈ ਹੈ।ਇਸ ਦੇ ਲਈ ਕੋਈ ਕੈਮੀਕਲ ਦੀ ਵਰਤੋਂ ਕੀਤੀ ਗਈ ਹੈ। ਸ਼ੰਟੀ ਨੇ ਕਿਹਾ ਕਿ ਅਜਿਹੇ ਸਾਰੇ ਦਸਤਾਵੇਜਾਂ ਨੂੰ ਲੈ ਕੇ ਉਹ ਬਹੁਤ ਛੇਤੀ ਹੀ ਦਿੱਲੀ ਪੁਲਿਸ ਦੇ ਜਾਂਚ ਅਧਿਕਾਰੀ ਅਤੇ ਅਦਾਲਤ ਨੂੰ ਦੇ ਕੇ ਐਸ.ਐਫ.ਐਲ. ਜਾਂਚ ਦੀ ਮੰਗ ਕਰਨਗੇ ਤਾਂਕਿ ਸਿਰਸਾ ਦੇ ਚਿਹਰੇ ਤੋਂ ਅਸਲੀ ਨਕਾਬ ਉਤਰ ਸਕੇ ਤੇ ਸੰਗਤਾਂ ਨੂੰ ਸਿਰਸਾ ਦੇ ਅਸਲੀ ਚਿਹਰੇ ਦਾ ਪਤਾ ਲੱਗ ਸਕੇ। ਸ਼ੰਟੀ ਨੇ ਦਾਅਵਾ ਕੀਤਾ ਕਿ ਇਸ ਭਿਣਕ ਪੈਂਦਿਆਂ ਹੀ ਸਿਰਸਾ ਨੇ 15 ਫਰਵਰੀ ਨੂੰ ਪਟਿਆਲਾ ਹਾਊਸ ਕੋਰਟ 'ਚ ਜਾ ਕੇ ਹਲਫਨਾਮਾ ਦੇ ਕੇ ਸਵਾਲ ਚੁੱਕਿਆ ਸੀ।

ਦੱਸਣਯੋਗ ਹੈ ਕਿ 2013 'ਚ ਉਨ੍ਹਾਂ ਦੇ ਖਿਲਾਫ ਸਬਜ਼ੀ ਦਾ ਮਾਮਲਾ ਚੁੱਕਿਆ ਗਿਆ ਸੀ, ਜਿਸ ਨੂੰ ਅਦਾਲਤ ਨੇ 2015 'ਚ ਡਿਸਮਿਸ ਕਰ ਦਿੱਤਾ ਸੀ। ਸਾਲ 2013 'ਚ ਹੀ ਜੀ.ਕੇ. ਦਿੱਲੀ ਕਮੇਟੀ ਦੇ ਪ੍ਰਧਾਨ ਬਣੇ ਸਨ, ਉਸ ਸਮੇਂ ਇਹ ਕੇਸ ਕਿਉਂ ਨਹੀਂ ਪਾਇਆ ਗਿਆ? ਸਾਲ 2015 ਤੋਂ 2018 ਤੱਕ ਮਨਜੀਤ ਸਿੰਘ ਜੀ.ਕੇ. ਹੀ ਦਿੱਲੀ ਕਮੇਟੀ ਦੇ ਪ੍ਰਧਾਨ ਸਨ ਪਰ ਤੱਦ ਵੀ ਇਹ ਮਾਮਲਾ ਨਹੀਂ ਚੁੱਕਿਆ ਗਿਆ। ਪਰੰਤੂ 2019 'ਚ ਜਦ ਉਨ੍ਹਾਂ (ਸ਼ੰਟੀ) ਨੇ ਜੀ.ਕੇ. ਦੇ ਭ੍ਰਿਸ਼ਟਾਚਾਰ ਅਤੇ ਗੁਰੂ ਦੀ ਗੋਲਕ ਦੀ ਦੁਰਵਰਤੋਂ ਦਾ ਮਾਮਲਾ ਚੁੱਕਿਆ ਤਾਂ ਉਨ੍ਹਾਂ 'ਤੇ ਦਬਾਅ ਬਣਾਉਣ ਲਈ ਜੀ.ਕੇ. ਨੇ ਆਪਣੇ ਭਰਾ ਹਰਜੀਤ ਸਿੰਘ ਦੇ ਰਾਹੀਂ 2019 'ਚ ਸਬਜ਼ੀ ਦਾ ਕੇਸ ਫਿਰ ਉਠਾਇਆ, ਹਾਲਾਂਕਿ 6 ਜੂਨ 2019 'ਚ ਕੋਰਟ ਨੇ ਦੂਜੀ ਵਾਰੀ ਡਿਸਮਿਸ ਕਰ ਦਿੱਤਾ।

ਸ਼ੰਟੀ ਦੇ ਮੁਤਾਬਿਕ ਸਿਰਸਾ ਅਪ੍ਰੈਲ 2019 'ਚ ਕਮੇਟੀ ਦੇ ਨਵੇਂ ਪ੍ਰਧਾਨ ਬਣੇ ਤੱਦ ਵੀ ਮੈਂ ਕਿਸੀ ਪਾਰਟੀ 'ਚ ਸ਼ਾਮਿਲ ਨਹੀਂ ਸੀ ਅਤੇ ਇਕ ਆਜ਼ਾਦ ਮੈਂਬਰ ਵੱਜੋਂ ਹੀ ਸੰਗਤਾਂ ਦੀ ਸੇਵਾ ਕਰਦਾ ਰਿਹਾ। ਦਿਲਚਸਪ ਗੱਲ ਹੈ ਕਿ ਅਪ੍ਰੈਲ 2019 ਤੋਂ ਲੈ ਕੇ ਫਰਵਰੀ 2021 ਤੱਕ ਕਮੇਟੀ ਪ੍ਰਧਾਨ ਸਿਰਸਾ ਨੂੰ ਕੋਈ ਗੜਬੜੀ ਨਜ਼ਰ ਨਹੀਂ ਆਈ। ਪ੍ਰੰਤੂ ਹੁਣ ਜਦੋਂ ਸਿਰਸਾ ਦੇ ਖ਼ਿਲਾਫ ਕਈ ਸਬੂਤ ਅਤੇ ਰਿਕਾਡਿੰਗ ਉਨ੍ਹਾਂ ਨੂੰ ਮਿਲ ਗਈ ਹੈ ਤਾਂ ਹੁਣ ਸਿਰਸਾ ਵੱਲੋਂ ਨਵੇਂ ਤਰੀਕੇ ਦੀ ਡਰਾਮੇਬਾਜੀ ਖੇਡ ਰਹੇ ਹਨ।
ਸ਼ੰਟੀ ਮੁਤਾਬਿਕ ਮਨਜੀਤ ਸਿੰਘ ਜੀ.ਕੇ. ਦੇ ਖ਼ਿਲਾਫ ਕੋਰਟ ਦੇ ਆਦੇਸ਼ 'ਤੇ 3 ਕੇਸ ਦਰਜ ਹੋ ਚੁੱਕੇ ਹਨ ਅਤੇ ਸਿਰਸਾ 'ਤੇ 2 ਕੇਸ ਦਰਜ ਹੋ ਚੁੱਕੇ ਹਨ। ਹੁਣ ਦੋਵੇ ਇਨ੍ਹਾਂ ਮਾਮਲਿਆਂ ਤੋਂ ਸੰਗਤਾਂ ਦਾ ਧਿਆਨ ਭਟਕਾਉਣਾ ਚਾਹੁੰਦੇ ਹਨ ਕਿਉਂਕਿ ਗੁਰਦੁਆਰਾ ਚੋਣਾਂ ਛੇਤੀ ਹੀ ਹੋਣ ਵਾਲੀਆਂ ਹਨ।

 

Have something to say? Post your comment

 

ਨੈਸ਼ਨਲ

ਰਣਨੀਤੀ ਬਣਾਉਣ ਦਾ ਸਮਾਂ ਗਿਆ, ਹੁਣ ਮੈਦਾਨ ਵਿਚ ਨਿਤਰਨ ਦਾ ਵੇਲਾ- ਸੁਨੀਲ ਜਾਖੜ

ਬਾਦਲਾਂ ਨੇ ਪੂਰੇ ਸਿੱਖ ਪੰਥ ਨੂੰ ਬਰਬਾਦ ਕਰਕੇ ਰੱਖ ਦਿੱਤਾ-ਪਰਮਜੀਤ ਸਿੰਘ ਸਰਨਾ

ਨੌਦੀਪ ਕੌਰ ਨੂੰ ਜਮਾਨਤ ਮਿਲਣ ਦਾ ਜਾਗੋ ਪਾਰਟੀ ਨੇ ਕੀਤਾ ਸਵਾਗਤ

ਜਾਗੋ ਨੇ 2 ਕਿਸਾਨਾਂ ਦੀ ਕਰਵਾਈ ਜ਼ਮਾਨਤ

ਨੌਜਵਾਨਾਂ ਨੇ ਸ਼ੁਭਾਸ ਨਗਰ ਚੌਕ ਵਿੱਖੇ ਲੱਗੇ ਹੋਏ ਸਿੱਖ ਜਰਨੈਲਾਂ ਦੇ ਬੁੱਤਾਂ ਦੀ ਸਫ਼ਾਈ ਦੀ ਸੇਵਾ ਕੀਤੀ

ਸਾਬਕਾ ਦਿੱਲੀ ਕਮੇਟੀ ਮੈਂਬਰ ਸ਼ਮਸ਼ੇਰ ਸਿੰਘ ਸੰਧੂ ਅਤੇ ਹਰਦੇਵ ਸਿੰਘ ਧਨੋਆ ਜਾਗੋ 'ਚ ਹੋਏ ਸ਼ਾਮਲ

ਭੀੜ ਹੀ ਕਾਲੇ ਖੇਤੀ ਕਾਨੂੰਨਾਂ ਨੂੰ ਰੱਦ ਕਰਵਾਏਗੀ ਕਿਉਕਿ ਇਹ ਭੀੜ ਲੋਕਤੰਤਰ ਹੈ-ਪੀਰਮੁਹੰਮਦ ਨੇ ਤੋਮਰ ਦੇ ਬਿਆਨ ਦੀ ਕੀਤੀ ਨਿੰਦਿਆ

ਕਿਸਾਨ ਅਦੋਲਨ ਬਾਰੇ ਚੇਨਈ ਐਜੂਕੇਸ਼ਨ ਬੋਰਡ ਦਾ ਕਰੂਰ ਚੇਹਰਾ ਨੰਗਾ

ਗੁਰਦੁਆਰਾ ਰਕਾਬਗੰਜ ਸਾਹਿਬ ਦਿੱਲੀ ਵਿਖੇ ਸ਼੍ਰੋਮਣੀ ਅਕਾਲੀ ਦਲ ਦਿੱਲੀ ਵੱਲੋਂ ਨਨਕਾਣਾ ਸਾਹਿਬ ਦੇ ਸ਼ਹੀਦਾਂ ਨੂੰ ਸਮਰਪਤ  ਅਰਦਾਸ

ਬਦਰਪੁਰ-ਜੈਤਪੁਰ ਤੋਂ ਭਾਰੀ ਸੰਖਿਆ ਵਿਚ ਸੰਗਤਾਂ ਨੇ ਫੜ੍ਹਿਆ ਸ਼੍ਰੋਮਣੀ ਅਕਾਲੀ ਦਲ ਦਿੱਲੀ ਦਾ ਹੱਥ