ਮਾਮਲੇ ਦੀ ਜਾਂਚ ਕਰਨ ਗਈ ਪੁਲਿਸ ਟੀਮ ਤੇ ਹਮਲਾ,ਪੁਲਿਸ ਮੁਲਾਜਮ ਜਖਮੀ

-
ਜੀਰਕਪੁਰ -ਜੀਰਕਪੁਰ ਚੰਡੀਗੜ੍ਹ ਸੜਕ ਤੇ ਸਥਿਤ ਇੱਕ ਹੋਟਲ ਵਿੱਚ ਝਗੜਾ ਹੋਣ ਦੀ ਸੂਚਨਾ ਮਿਲਣ ਤੇ ਜਾਂਚ ਲਈ ਗਈ ਪੁਲਿਸ ਟੀਮ ਤੇ ਕੁਝ ਵਿਅਕਤੀਆਂ ਵਲੋਂ ਹਮਲਾ ਕਰਕੇ ਦੋ ਪੁਲਿਸ ਮੁਲਾਜਮਾ ਨੂੰ ਜਖਮੀ ਕਰ ਦਿੱਤਾ। ਜਖਮੀਆ ਨੂੰ ਇਲਾਜ ਲਈ ਢਕੌਲੀ ਦੇ ਹਸਪਤਾਲ ਵਿੱਚ ਭਰਤੀ ਕਰਵਾਇਆਂ ਗਿਆ ਹੈ। ਪੁਲਿਸ ਨੇ ਇਸ ਸਬੰਧੀ ਚਾਰ ਵਿਅਕਤੀਆਂ ਖਿਲਾਫ ਮਾਮਲਾ ਦਰਜ ਕਰਕੇ ਅਗਲੀ ਕਾਰਵਾਈ ਆਰੰਭ ਕਰ ਦਿੱਤੀ ਹੈ।ਅਪਣੀ ਸ਼ਿਕਾਇਤ ਵਿੱਚ ਹੈਡ ਕਾਂਸਟੇਬਲ ਰਾਮ ਕੁਮਾਰ ਨੇ ਦੱਸਿਆ ਕਿ 5 ਮਾਰਚ ਸ਼ੁੱਕਰਵਾਰ ਉਹ ਅਪਣੇ ਸਾਥੀ ਹੋਮ ਗਾਰਡ ਮੁਲਾਜਮ ਅਮਨਦੀਪ ਸਿੰਘ ਨਾਲ ਰਾਤ ਦੀ ਡਿਊਟੀ ਤੇ ਸੀ। ਰਾਤ ਕਰੀਬ 11 ਵਜੇ ਉਨ੍ਹਾਂ ਨੂੰ ਹਿਮਾਚਲ ਹੋਟਲ ਵਿੱਚ ਜਗੜਾ ਹੋਣ ਦੀ ਸੂਚਨਾ ਮਿਲੀ ਸੀ ਜਦ ਉਹ ਮੌਕੇ ਤੇ ਪੁੱਜੇ ਤਾਂ ਹੋਟਲ ਦਾ ਸ਼ਟਰ ਬੰਦ ਸੀ ਜੋ ਉਨ੍ਹਾਂ ਵਲੋਂ ਵਾਰ ਵਾਰ ਖੜਕਾਉਣ ਤੇ ਵੀ ਨਹੀ ਖੋਲਿਆ ਗਿਆ।ਉਸ ਨੇ ਦਸਿਆ ਕਿ ਜਦ ਉਹ ਜਾਣ ਲੱਗੇ ਤਾਂ ਅਚਾਨਕ ਹੋਟਲ ਦਾ ਸ਼ਟਰ ਖੋਲ ਕੇ ਬਾਹਰ ਆਏ ਤਿੰਨ ਨੌਜਵਾਨਾਂ ਨੇ ਉਨ੍ਹਾਂ ਨਾਲ ਬਹਿਸ ਕਰਨੀ ਆਰੰਭ ਕਰ ਦਿੱਤੀ ਅਤੇ ਫਿਰ ਅਚਾਨਕ ਡੰਡਿਆ ਅਤੇ ਲੋਹੇ ਦੀਆ ਰਾੜਾਂ ਨਾਲ ਉਨ੍ਹਾਂ ਤੇ ਹਮਲਾ ਕਰਕੇ ਉਨ੍ਹਾਂ ਨੂੰ ਜਾਬਨ ਤੋਂ ਮਾਰਨ ਦੀਆ ਧਮਕੀਆ ਦਿੰਦੇ ਹੋਏ ਮੌਕੇ ਤੋਂ ਫਰਾਰ ਹੋ ਗਏ। ਮਾਮਲੇ ਦੀ ਸੂਚਨਾ ਮਿਲਣ ਤੇ ਮੌਕੇ ਤੇ ਪੁੱਜੇ ਪੁਲਿਸ ਦੇ ਮੁਲਾਜਮਾ ਨੇ ਅਪਣੇ ਜਖਮੀ ਸਾਥੀਆ ਨੂੰ ਇਲਾਜ ਲਈ ਢਕੌਲੀ ਹਸਪਤਾਲ ਵਿੱਚ ਭਰਤੀ ਕਰਵਾਇਆ। ਪੁਲਿਸ ਨੇ ਉਸ ਦੀ ਸ਼ਿਕਾਇਤ ਤੇ ਹਿਮਾਚਲ ਹੋਟਲ ਦੇ ਨਰਸਾਦ, ਦਿਲਕਸ਼, ਗੁਲਸਾਦ ਅਤੇ ਨਾਜਿਮ ਪੁੱਤ ਕਰੀਮੂਦੀਨ ਖਿਲ਼ਾਫ ਮਾਮਲਾ ਦਰਜ ਕਰਕੇ ਅਗਲੀ ਕਾਰਵਾਈ ਆਰੰਭ ਕਰ ਦਿੱਤੀ ਹੈ