ਖਰੜ :- ਫਰੈਸ਼ਰ ਪਾਰਟੀ ‘ਪਰਿਚਯ 2021’ ਦੇ ਬੈਨਰ ਥੱਲੇ ਸਰਸਵਤੀ ਗਰੁੱਪ ਆਫ਼ ਕਾਲਜਿਜ਼ ਘੜੂੰਆਂ ਵਿਚ ਕਰਵਾਏ ਗਏ ਸਮਾਗਮ ਦੀ ਸੁਰੂਆਤ ਸਰਸਵਤੀ ਗਰੁੱਪ ਆਫ਼ ਕਾਲਜਿਜ਼ ਦੇ ਚੇਅਰਮੈਨ ਬੀ.ਐੱਲ. ਅਗਰਵਾਲ ਵੱਲੋਂ ਸ਼ਮ੍ਹਾ ਰੌਸ਼ਨ ਕਰਕੇ ਕੀਤੀ ਗਈ। ਕਾਲਜ਼ ਦੇ ਵਿਦਿਆਰਥੀਆਂ ਵੱਲੋਂ ਗਿੱਧਾ, ਭੰਗੜਾ, ਨਾਟਕ, ਗਾਇਨ, ਸਕਿੱਟਾਂ, ਮਾਡਲਿੰਗ ਆਦਿ ਮੁਕਾਬਲਿਆਂ ਵਿਚ ਭਾਗ ਲਿਆ ਗਿਆ ਅਤੇ ਜੇਤੂ ਵਿਦਿਆਰਥੀਆਂ ਨੂੰ ਕਾਲਜ਼ ਪ੍ਰਬੰਧਕਾਂ ਵੱਲੋਂ ਇਨਾਮ ਵੀ ਵੰਡੇ ਗਏ। ਇਸ ਮੌਕੇ ਬੀ.ਐਸ.ਸੀ. ਨਰਸਿੰਗ ਦੇ ਸੁਸ਼ਾਂਤ ਨੂੰ ਮਿਸਟਰ ਫਰੈਸ਼ਰ ਤੇ ਬੀ.ਐਸ.ਸੀ. ਨਰਸਿੰਗ ਦੀ ਈਸ਼ਾ ਸ਼ਰਮਾ ਨੂੰ ਮਿਸ ਫਰੈਸ਼ਰ ਚੁਣਿਆ ਗਿਆ ਅਤੇ ਜੁਬੈਰ ਨੂੰ ਮਿਸਟਰ ਪਰਸਨੈਲਿਟੀ ਤੇ ਈਸ਼ਾ ਕੰਬੋਜ਼ ਨੂੰ ਮਿਸ ਪਰਸਨੈਲਿਟੀ ਚੁਣਿਆ ਗਿਆ। ਕਾਲਜ਼ ਡਾਇਰੈਕਟਰ ਲੋਕੇਸ਼ ਗੋਇਲ, ਸ਼ੁਭਮ ਅਗਰਵਾਲ, ਡਾ. ਮਨੀਸ਼ ਗੋਸਵਾਮੀ, ਪਿ੍ਰੰਸੀਪਲ ਡਾ. ਨਰਿੰਦਰ ਕੌਰ ਵਾਲੀਆ ਵੱਲੋਂ ਖ਼ਾਸ ਤੌਰ ’ਤੇ ਸ਼ਿਰਕਤ ਕੀਤੀ ਗਈ। ਇਸ ਮੌਕੇ ਪਿ੍ਰੰਸੀਪਲ ਸਰਸਵਤੀ ਕਾਲਜ ਆਫ਼ ਫਾਰਮੇਸੀ ਨੇ ਵਿਦਿਆਰਥੀਆਂ ਨੂੰ ਉਤਸ਼ਾਹਿਤ ਕਰਨ ਲਈ ਨਰਸਾਂ ਤੇ ਫਾਰਮਾਸਿਸਟਾਂ ਦੀ ਭੂਮਿਕਾ ਬਾਰੇ ਜਾਣੂ ਕਰਵਾਇਆ ਤੇ ਸਾਰੇ ਵਿਦਿਆਰਥੀਆਂ ਨੂੰ ਇਸ ਨੋਬਲ ਪੇਸ਼ੇ ਦਾ ਹਿੱਸਾ ਬਣਨ ਦੀ ਵਧਾਈ ਦਿੱਤੀ।