ਖਰੜ :-ਪ੍ਰਜਾਪਿਤਾ ਬ੍ਰਹਮਾਕੁਮਾਰੀ ਈਸਵਰੀ ਵਿਸਵ ਵਿਦਿਆਲਾ ਦੇ ਖਰੜ ਰਾਜਯੋਗ ਕੇੱਦਰ ਵਲੋੱ ਪੁਰਾਣੀ ਸੰਨੀ ਇਨਕਲੇਵ ਵਿਖੇ ਸਿਵਰਾਤਰੀ ਦਾ ਤਿਉਹਾਰ ਮਨਾਇਆ ਗਿਆ। ਰਾਜਯੋਗ ਕੇੱਦਰ ਦੀ ਇੰਚਾਰਜ਼ ਬ੍ਰਹਮਾਕੁਮਾਰੀ ਪ੍ਰੇਮਲਤਾ ਭੈਣ ਜੀ , ਬ੍ਰਹਮਾਕੁਮਾਰੀ ਨਮਰਤਾ ਭੈਣ, ਮਿਊਸਪਲ ਕੌਂਸਲਰ ਸ੍ਰੀਮਤੀ ਜਿਉਤੀ ਗੁਜਰਾਲ ਬ੍ਰਹਮਾਕੁਮਾਰੀ ਨਮਰਤਾ, ਬ੍ਰਹਮਾਕੁਮਾਰੀ ਮੀਨਾ, ਬ੍ਰਹਮਾਕੁਮਾਰੀ ਭਾਵਨਾ, ਜਿਉਤੀ ਗੁਜਰਾਲ, ਸ਼ਹਰਪ੍ਰੀਤ ਸਿੰਘ ਅਤੇ ਡਾ ਏਕਤਾ ਸਮੇਤ 11 ਉਘੇ ਵਿਅਕਤੀਆਂ ਨੇ ਦੀਪ ਜਗਾ ਕੇ ਸਮਾਗਮ ਦੀ ਸ਼ਰੂਆਤ ਕੀਤੀ। ਬ੍ਰਹਮਾਕੁਮਾਰੀ ਪ੍ਰੇਮਲਤਾ ਭੈਣ ਜੀ ਨੇ ਸਿਵ ਜੀ ਦਾ ਝੰਡਾ ਲਹਿਰਾਇਆ ਤੇ ਸਭ ਨੂੰ ਸੰਸਾਰ ਦੀ ਰੁੂਹਾਨੀ ਸੇਵਾ ਦੀ ਸੰਹੂ ਚੁਕਾਈ । ਸੰਨੀ ਇਨਕਲੇਵ ਖਰੜ ਦੇ ਰਾਜਯੋਗ ਕੇੱਦਰ ਦੀ ਸੰਚਾਲਿਕਾ ਬ੍ਰਹਮਾਕੁਮਾਰੀ ਨਮਰਤਾ ਨੇ ਸਿਵਰਾਤਰੀ ਨਾਲ ਸਬੰਧਤ ਕਈ ਮਾਨਤਾਵਾਂ ਦੇ ਅਧਿਆਤਮਿਕ ਪਹਲੂਆਂ ਤੇ ਚਾਨਣਾ ਪਾਇਆ । ਸ੍ਰੀਮਤੀ ਜਿਉਤੀ ਗੁਜਰਾਲ ਨੇ ਸਭਨੂੰ ਸਿਵਰਾਤਰੀ ਦੀ ਵਧਾਈ ਦਿੱਤੀ ਅਤੇ ਕਿਹਾ ਕਿ ਰਾਜਯੋਗ ਕੇੱਦਰ ਵਲੋੱ ਦਿੱਤੀ ਸੇਵਾਵਾਂ ਤੌ ਲਾਭ ਲੈਣਾ ਚਾਹੀਦਾ ਹੈ। ਸ਼ਹਰਪ੍ਰੀਤ ਸਿੰਘ ਨੇ ਸਾਰਿਆਂ ਦਾ ਧੰਨਵਾਦ ਕੀਤਾ। ਸਮਾਗਮ ਵਿਚ ਕੁਮਾਰੀ ਹਰਵੀਨ ਨੇ ਸੁਆਗਤ ਡਾਂਸ, ਬੀਕੇ ਪਰਵੀਨ ਨੇ ਦਿਵਿਆ ਗੀਤ ਅਤੇ ਬਚਿਆਂ ਨੇ ਪਰਮਾਤਮਾ ਕੌਣ ਦੀ ਸਕਿੱਟ ਵੀ ਪੇਸ਼ ਕੀਤੇ।