ਜੀਰਕਪੁਰ -ਢਕੌਲੀ ਪੁਲਿਸ ਨੇ 10 ਗਰਾਮ ਚਿੱਟੇ ਸਮੇਤ ਦੋ ਵਿਅਕਤੀਆਂ ਨੂੰ ਕਾਬੂ ਕਰਕੇ ਉਨ੍ਹਾਂ ਖਿਲਾਫ ਮਾਮਲਾ ਦਰਜ ਕੀਤਾ ਹੈ। ਪੁਲਿਸ ਸੂਤਰਾਂ ਅਨੁਸਾਰ ਖੇਤਰ ਦੀ ਸਪੈਂਗਲ ਹਾਈਟਸ ਸੁਸਾਇਟੀ ਦੇ ਵਸਨੀਕਾਂ ਵਲੋਂ ਨਸ਼ਾ ਕਰਨ ਦੇ ਸ਼ੱਕ ਹੇਠ ਦੋ ਨੌਜਵਾਨਾ ਨੂੰ ਕਾਬੂ ਕੀਤਾ ਸੀ। ਪੁਲਿਸ ਦੇ ਪੁੱਜਣ ਤੇ ਉਕਤ ਦੋਵੈਂ ਵਿਅਕਤੀਆਂ ਨੇ ਉਨ੍ਹਾਂ ਦੀ ਜੇਬ ਵਿੱਚ ਪਿਆ ਨਸ਼ੀਲਾ ਪਦਾਰਥ ਹਨੇਰੇ ਵਿੱਚ ਸੁੱਟ ਦਿੱਤਾ ਜਿਸ ਤੇ ਪੁਲਿਸ ਨੇ ਦੋ ਪਲਾਸਟਿਕ ਦੀਆਂ ਥੇਲੀਆਂ ਵਿੱਚ 5—5 ਗਰਾਮ ਚਿੱਟਾ ਬਰਾਮਦ ਕਰਕੇ ਉਨ੍ਹਾਂ ਖਿਲਾਫ ਮਾਮਲਾ ਦਰਜ ਕੀਤਾ ਹੈ। ਪੁਲਿਸ ਵਲੋਂ ਕਾਬੂ ਵਿਅਕਤੀਆਂ ਦੀ ਪਛਾਣ ਸੰਚਿਤ ਗੁਪਤਾ ਪੁੱਤਰ ਦਵਿੰਦਰ ਗੁਪਤਾ ਵਾਸੀ ਮਕਾਨ ਨੰਬਰ 802 ਬਲਾਕ—ਬੀ ਪਾਮ ਕੋਰਟ ਜ਼ੀਰਕਪੁਰ ਅਤੇ ਗਗਨ ਗਰਗ ਪੁੱਤਰ ਸਤੀਸ਼ ਗਰਗ ਵਾਸੀ ਮਕਾਨ ਨੰਬਰ 12 ਸਟਰਿੰਗ ਮਾਰਕੀਟ ਢਕੋਲੀ ਵਜੋਂ ਹੋਈ ਹੈ।ਪੁਲਿਸ ਨੂੰ ਸ਼ੱੲਕ ਹੈ ਕਿ ਉਕਤ ਦੋਵੇਂ ਕਥਿਤ ਦੋਸ਼ੀ ਨਸ਼ਾ ਕਰਨ ਤੋਂ ਇਲਾਵਾ ਨਸ਼ਾ ਵੇਚਣ ਦਾ ਵੀ ਧੰਦਾ ਕਰਦੇ ਸਨ ਜਿਸ ਦੀ ਪੁਲਿਸ ਵਲੋਂ ਡੂੰਘਾਈ ਨਾਲ ਜਾਂਚ ਕੀਤੀ ਜਾ ਰਹੀ ਹੈ।