ਦਿੱਲੀ-ਸੁੰਦਰ ਸੁਸ਼ੀਲ ਪੰਜਾਬੀ ਮੁਟਿਆਰਾਂ ਲਈ ਇਕ ਅਜਿਹਾ ਮੰਚ ਜਿੱਥੇ ਕੋਈ ਵੀ ਪੰਜਾਬਣ ਆਪਣੇ ਸੱਭਿਆਚਾਰ ਅਤੇ ਵਿਰਸੇ ਦੀ ਵਲਗਣ ਵਿੱਚ ਰਹਿ ਕੇ ਆਪਣੇ ਵਿਰਸੇ ਨੂੰ ਅੱਗੇ ਵਧਾਉਣ ਦੀ ਕੋਸ਼ਿਸ਼ ਕਰ ਸਕਦੀ ਹੈ ।ਸੁਨੱਖੀ ਪੰਜਾਬਣ ਮੁਕਾਬਲੇ ਦੇ ਦੂਜੇ ਸੀਜ਼ਨ ਦਾ ਆਯੋਜਨ ਇਸ ਵਾਰ ਰਾਜਧਾਨੀ ਦਿੱਲੀ ਦੇ ਸੱਤਿਆ ਸਾਈ ਆਡੀਟੋਰੀਅਮ ਲੋਧੀ ਰੋਡ ਵਿਖੇ ਕੀਤਾ ਗਿਆ ।ਪ੍ਰਬੰਧਕ ਅਵਨੀਤ ਕੌਰ ਭਾਟੀਆ ਟੁਗੈਦਰ ਮੀਡੀਆ , ਰਾਇਲ ਸਟਾਇਲ ਟਰਬਨ, ਕੈਲੇਫੋਰਨੀਆ ਅਤੇ ਆਯੂਰ ਹਰਬਲਜ਼ ਦੇ ਸਹਿਯੋਗ ਨਾਲ ਕਰਵਾਏ ਗਏ ਇਸ ਮੁਕਾਬਲੇ ਵਿੱਚ ਦੇਸ਼ ਭਰ ਤੋਂ 82 ਮੁਟਿਆਰਾਂ ਨੇ ਹਿੱਸਾ ਲਿਆ ।ਜਿਨ੍ਹਾਂ ਵਿਚੋਂ 20 ਮੁਟਿਆਰਾ ਅੰਤਮ ਮੁਕਾਬਲੇ ਤੱਕ ਪਹੁੰਚ ਸਕੀਆਂ ।ਜੱਜਾਂ ਦੀ ਭੂਮਿਕਾ ਵਿੱਚ ਅਦਾਕਾਰਾ ਸੁਨੀਤਾ ਧੀਰ , ਮਿਸੇਜ ਇੰਡੀਆ ਸਮਰੀਨ ਹਾਂਸੀ , ਜਗਜੀਤ ਸਿੰਘ ਸੱਭਰਵਾਲ , ਗਗਨਦੀਪ ਸਿੰਘ , ਰਵਿੰਦਰ ਕੌਰ ਅਤੇ ਬਖਸ਼ੀਸ਼ ਕੌਰ ਸੀ ਈ ਓ ਆਰ ਡੀ ਐੈੱਮ ਕੇਅਰ ਆਯੂਰ ਹਰਬਲਜ਼ ਵੱਲੋਂ ਨਿਭਾਈ ਗਈ ।ਅੰਤਰਰਾਸ਼ਟਰੀ ਮਹਿਲਾ ਦਿਵਸ ਦੇ ਮੌਕੇ ਤੇ ਔਰਤਾਂ ਨੂੰ ਸਮਰਪਤ ਇਸ ਖਾਸ ਮੁਕਾਬਲੇ ਵਿੱਚ ਦਿੱਲੀ ਵਾਸੀਆਂ ਨੂੰ ਪੰਜਾਬੀ ਵਿਰਸੇ ਤੋਂ ਜਾਣੂ ਕਰਾਉਣ ਦੀ ਕੋਸ਼ਿਸ਼ ਕੀਤੀ ਗਈ ।