ਜੀਰਕਪੁਰ -ਬਲਟਾਣਾ ਪੁਲਿਸ ਨੇ ਬਲਟਾਣਾ ਬਾਜ਼ਾਰ ਵਿੱਚੋਂ ਦੁਕਾਨਾ ਦੇ ਬਾਹਰ ਪਏ ਘਿਓ ਦੇ ਟੀਨ ਚੋਰੀ ਕਰਨ ਵਾਲੇ ਇੱਕ ਅੇਕਟਿਵਾ ਸਵਾਰ ਚੋਰ ਨੂੰ ਕਾਬੂ ਕੀਤਾ ਹੈ। ਪੁਲਿਸ ਨੇ ਕਥਿਤ ਚੋਰ ਤੋਂ ਦੋ ਪੇਟੀਆਂ ਰਿਫਾਇੰਡ ਦੀਆਂ ਬਰਾਮਦ ਕੀਤੀਆਂ ਹਨ। ਪੁਲਿਸ ਨੇ ਕਥਿਤ ਦੋਸ਼ੀ ਖਿਲਾਫ ਮਾਮਲਾ ਦਰਜ ਕਰਕੇ ਅਗਲੀ ਕਾਰਵਾਈ ਆਰੰਭ ਕਰ ਦਿੱਤੀ ਹੈ। ਮਾਮਲੇ ਦੇ ਪੜਤਾਲੀਆ ਅਫਸਰ ਏ ਐਸ ਆਈ ਨਾਥੀ ਰਾਮ ਨੇ ਦਸਿਆ ਕਿ ਬਲਟਾਣਾ ਬਜਾਰ ਵਿੱਚ ਕਰਿਆਨੇ ਦੀ ਦੁਕਾਨ ਕਰਦੇ ਜੈ ਪ੍ਰਕਾਸ਼ ਪੁੱਤਰ ਕ੍ਰਿਸ਼ਨ ਕੁਮਾਰ ਵਾਸੀ ਮਕਾਨ ਨੰਬਰ 134 ਗਿੱਲ ਕਲੋਨੀ ਬਲਟਾਣਾ ਦੀ ਦੁਕਾਨ ਤੋਂ ਇੱਕ ਚੋਰ ਦੋ ਟੀਨ ਘਿਓ ਚੋਰੀ ਕਰਕੇ ਲੈ ਗਿਆ ਸੀ। ਇਸ ਤੋਂ ਪਹਿਲਾਂ ਚੋਰ ਏਕਤਾ ਬਿਹਾਰ ਕਾਲੋਨੀ ਵਿੱਚੋਂ ਵੀ ਇੱਕ ਟੀਨ ਡਾਲਡਾ ਘੀ ਅਤੇ ਇੱਕ ਟੀਨ ਸਰੋਂ ਦਾ ਤੇਲ ਚੋਰੀ ਕਰਕੇ ਲੈ ਗਿਆ ਸੀ।ਉਨ੍ਹਾਂ ਦਸਿਆ ਕਿ ਪੁਲਿਸ ਨੇ ਇਸ ਸਬੰਧ ਵਿੱਚ ਆਦਿਲ ਪੁੱਤਰ ਮੁਹੰਮਦ ਹਨੀਫ਼ ਵਾਸੀ ਮਕਾਨ ਨੰਬਰ 258 ਬਾਪੂ ਧਾਮ ਕਲੋਨੀ ਚੰਡੀਗੜ੍ਹ ਨੂੰ ਦੋ ਪੇਟੀਆ ਰਿਫਾਇੰਡ ਸਮੇਤ ਕਾਬੂ ਕੀਤਾ ਹੈ।ਪੁਲਿਸ ਨੇ ਉਸ ਖਿਲਾਫ ਮਾਮਲਾ ਦਰਜ ਕਰਕੇ ਅਗਲੀ ਕਾਰਵਾਈ ਆਰੰਭ ਕਰ ਦਿੱਤੀ ਹੈ।