ਪਿੰਡ ਦੇ ਨੌਜਵਾਨਾਂ ਨੇ ਲੰਗਰਾਂ ਲਈ ਸਮਾਨ ਇਕੱਠਾ ਕਰਕੇ ਦਿੱਲੀ ਕਿਸਾਨੀ ਅੰਦੋਲਨ ਲਈ ਭੇਜਿਆ: ਗੋਬਿੰਦਰ ਸਿੰਘ ਚੀਮਾ

ਖਰੜ:- ਕੇਦਰ ਸਰਕਾਰ ਵਲੋ ਪਾਸ ਕੀਤੇ ਗਏ ਖੇਤੀਬਾੜੀ ਨੂੰ ਲੈ ਕੇ ਕਾਲੇ ਕਾਨੂੰਨਾਂ ਦੇ ਖਿਲਾਫ ਦੇਸ਼ ਦੇ ਕਿਸਾਨਾਂ ਵਲੋਂ ਆਰੰਭੇ ਸੰਘਰਸ਼ ਵਿਚ ਕਿਸਾਨ ਅੰਦੋਲਨ ਤਹਿਤ ਦਿੱਲੀ ਦੀਆਂ ਸਰਹੱਦਾਂ ਤੇ ਬੈਠੇ ਕਿਸਾਨਾਂ ਲਈ ਵੱਖ ਵੱਖ ਪਿੰਡਾਂ ਦੇ ਨੌਜਵਾਨਾਂ ਅਤੇ ਕਿਸਾਨਾਂ ਵਲੋ ਰਾਸ਼ਨ ਭੇਜਿਆ ਗਿਆ ਹੈ। ਕਾਂਗਰਸੀ ਆਗੂ ਤੇ ਕੌਸਲਰ ਗੋਬਿੰਦਰ ਸਿੰਘ ਚੀਮਾ , ਅਵਤਾਰ ਸਿੰਘ ਲੰਬੜਦਾਰ ਸਮੇਤ ਹੋਰਨਾਂ ਨੇ ਦਸਿਆ ਕਿ ਕਿਸਾਨੀ ਅੰਦੋਲਨ ਲਈ ਪਿੰਡ ਹਲਾਲਪੁਰ, ਜੰਡਪੁਰ, ਝੂੰਗੀਆਂ, ਚੰਦੋ, ਠਸਕਾ, ਸੋਹਾਲੀ, ਸਮੇਤ ਹੋਰ ਪਿੰਡਾਂ ਵਲੋ 100 ਕੁਇੰਟਲ ਗੋਭੀ, 40 ਕੁਇੰਟਲ ਆਲੂ, 80 ਕੁਇੰਟਲ ਪਿਆਜ਼, 5 ਕੁਇੰਟਲ ਮਿਰਚਾਂ, 500 ਪਾਣੀ ਦੀਆਂ ਪੇਟੀਆਂ ਸਮੇਤ ਹੋਰ ਸਮਾਨ ਇਹ ਸਮਾਨ ਇਕੱਠਾ ਕਰਕੇ ਦਿੱਲੀ ਭੇਜਿਆ ਗਿਆ ਹੈ। ਉਨ੍ਹਾਂ ਦਸਿਆ ਕਿ ਇਸ ਤੋਂ ਪਹਿਲਾਂ ਵੀ ਇਨ੍ਹਾਂ Îਪਿੰਡਾਂ ਵਿਚ ਲੰਗਰਾਂ ਵਿਚ ਵੱਧ ਚੜ੍ਹ ਕੇ ਯੋਗਦਾਨ ਪਾਇਆ ਜਾ ਰਿਹਾ ਹੈ। ਇਸ ਮੌਕੇ ਜਗਜੀਤ ਸਿੰਘ, ਪ੍ਰੀਤਮ ਸਿੰਘ, ਕਾਕਾ ਇਕਬਾਲ ਸਿੰਘ, ਗੁਰਪ੍ਰੀਤ ਸਿੰਘ, ਸਤਨਾਮ ਸਿੰਘ, ਸਤਨਾਮ ਸਿੰਘ ਢਿਲੋ, ਮੱਖਣ ਸਿੰਘ, ਪ੍ਰਭਪ੍ਰੀਤ ਸਿੰਘ, ਗੁਰਪ੍ਰੀਤ ਸਿੰਘ, ਬਲਵਿੰਦਰ ਸਿੰਘ ਬਿੰਦਾ, ਚੰਨਾ ਜੰਡਪੁਰ, ਜਸਵਿੰਦਰ ਸਿੰਘ ਸੋਹਾਲੀ ਸਮੇਤ ਹੋਰ ਪਿੰਡਾਂ ਦੇ ਨੌਜਵਾਨ ਹਾਜ਼ਰ ਸਨ।