ਜੀਰਕਪੁਰ- ਸਥਾਨਕ ਪਟਿਆਲਾ ਰੋਡ ਤੇ ਸਥਿਤ ਐਸਜੀਪੀਸੀ ਦੇ ਦਸ਼ਮੇਸ਼ ਖਾਲਸਾ ਕਾਲਜ ਦੇ ਗਰਾਂਉਡ ਵਿਚ ਸੁਣਨ ਤੋਂ ਅਸਮਰੱਥ ਮਹਿਲਾਵਾਂ ਲਈ ਸੰਗੀਤਾ ਹੈਂਡਜ਼ ਐਂਡ ਆਈਜ਼ ਫਾਉਂਡੇਸ਼ਨ ਅਤੇ ਭਾਗੀਰਥ ਵਿਦਿਆਲਾ ਦੇ ਸਹਿਯੋਗ ਨਾਲ਼ ਪਹਿਲਾ ਕ੍ਰਿਕਟ ਮੈਚ ਦਾ ਆਯੋਜਨ ਕੀਤਾ ਗਿਆ। ਇਸ ਮੈਚ ਕ੍ਰਿਕਟ ਦੀ ਸ਼ੁਰੂਆਤ ਮੁੱਖ ਮਹਿਮਾਨ ਕਾਲਜ ਦੇ ਪ੍ਰਿੰਸੀਪਲ ਡਾ. ਕਰਮਵੀਰ ਸਿੰਘ ਅਤੇ ਵਿਧਾਇਕ ਐਨ ਕੇ ਸ਼ਰਮਾ ਵੱਲੋਂ ਕੀਤੀ ਗਈ। ਇਸ ਕ੍ਰਿਕਟ ਮੈਚ ਵਿੱਚ ਸੁਣਨ ਤੋਂ ਅਸਮਰੱਥ 24 ਮਹਿਲਾਵਾਂ ਨੇ ਭਾਗ ਲਿਆ। ਇਸ ਮੌਕੇ ਅਨੂ ਸਿਗਲ, ਸੋਮੇਸ਼ ਅਤੇ ਗੀਤਾ ਸ਼ਾਨਦਾਰ ਕੰਮ ਕਰਦੇ ਹੋਏ ਇਸ ਸ਼ਲਾਘਾਯੋਗ ਉਪਰਾਲੇ ਦਾ ਸਮਰਥਨ ਕੀਤਾ । ਇਸ ਮੌਕੇ ਪ੍ਰਬੰਧਕਾਂ ਵੱਲੋਂ ਖੇਡ ਮੈਦਾਨ ਮੁਹਈਆ ਕਰਨ ਲਈ ਕਾਲਜ ਦੇ ਕੋਚ ਸੰਦੀਪ ਦਾ ਧੰਨਵਾਦ ਕੀਤਾ। ਇਸ ਮੌਕੇ ਨੀਰਸ਼ ਸ਼ਰਮਾ, ਭਾਗੀਰਥ ਵਿਦਿਆਲਿਆ ਜ਼ੀਰਕਪੁਰ ਦੇ ਡਾਇਰੈਕਟਰ ਨੇ ਸੁਣਨ ਤੋਂ ਅਸਮਰੱਥ ਦਰਸ਼ਕਾਂ ਲਈ ਇੰਡੀਅਨ ਸਾਈਨ ਲੰਗੇਜ ਵਿਚ ਕਮੈਂਟਰੀ ਕੀਤੀ ਹੈ ਅਤੇ ਕਿਹਾ ਕਿ ਉਹ ਮਹਿਲਾ ਸਸ਼ਕਤੀਕਰਨ ਦਾ ਇਹ ਉਪਰਾਲਾ ਅੱਗੇ ਵੀ ਜਾਰੀ ਰੱਖੇਗਾ।