ਜੀਰਕਪੁਰ -ਥਾਣਾ ਢਕੋਲੀ ਪੁਲਿਸ ਨੇ ਇਕ ਵਿਅਕਤੀ ਦੀ ਉਸਦੇ ਘਰ ਵਿੱਚ ਵੜਕੇ ਕੁੱਟਮਾਰ ਕਰਨ ਦੇ ਦੋਸ਼ ਹੇਠ ਚਾਰ ਜਣਿਆਂ ਖ਼ਿਲਾਫ਼ ਮਾਮਲਾ ਦਰਜ ਕੀਤਾ ਹੈ। ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ ਵਿੱਚ ਸੂਰਜ ਪੁੱਤਰ ਰਾਜਬੀਰ ਸਿੰਘ ਹਾਲ ਵਾਸੀ ਫਲੈਟ ਨੰਬਰ 12 ਦੂਜੀ ਮੰਜ਼ਲ ਹਾਈਵੇ ਹੋਮਜ਼ ਨੇ ਦਸਿਆ ਕਿ ਮੋਨੂੰ ਪੂਨੀਆ ਪਤਨੀ ਰਮੇਸ਼ ਪੂਨੀਆ ਵਾਸੀ ਗਰੀਨ ਵੈਲੀ ਹਾਈਟਸ, ਸਾਗਰ ਵਸ਼ਿਸ਼ਟ ਪੁੱਤਰ ਰਾਮ ਮੋਹਨ ਵਸ਼ਿਸ਼ਟ ਵਾਸੀ ਮਹਾਲਕਸ਼ਮੀ ਇਨਕਲੇਵ ਪੀਰਮੁੱਛਲਾ ਅਤੇ ਉਨ੍ਹਾਂ ਦੇ ਦੋ ਹੋਰ ਅਣਪਛਾਤੇ ਸਾਥੀਆਂ ਨੇ ਉਸ ਦੇ ਘਰ ਵਿੱਚ ਵੜ ਕੇ ਉਸ ਦੀ ਮਾਰਕੁੱਟ ਕੀਤੀ ਅਤੇ ਜਾਨ ਤੋਂ ਮਾਰਨ ਦੀਆਂ ਧਮਕੀਆ ਦਿੱਤੀਆ। ਉਸ ਨੇ ਦਸਿਆ ਕਿ ਉਸ ਨੇ ਮੌਨੂ ਵਾਲੀਆਂ ਤੋਂ ਪੈਸੇ ਲੈਣੇ ਹਨ ਜਿਸ ਦੇ ਮੰਗਣ ਤੇ ਮੋਨੂੰ ਨੇ ਉਸ ਤੇ ਹਮਲਾ ਕਰ ਦਿੱਤਾ। ਪੁਲਿਸ ਨੇ ਮਾਮਲਾ ਦਰਜ ਕਰਕੇ ਅਗਲੀ ਕਾਰਵਾਈ ਆਰੰਭ ਦਿੱਤੀ ਹੈ।