ਜ਼ੀਰਕਪੁਰ- ਬਲਟਾਣਾ ਪੁਲਿਸ ਨੇ ਇੱਕ ਨੌਜਵਾਨ ਦੀ ਲੱਤ ਤੇ ਚਾਕੂ ਮਾਰ ਕੇ ਉਸ ਨੂੰ ਗੰਭੀਰ ਜਖਮੀ ਕਰਨ ਦੇ ਦੋਸ਼ ਹੇਠ ਦੋ ਭਰਵਾਂ ਖਲਾਫ ਮਾਮਲਾ ਦਰਜ ਕੀਤਾ ਹੈ।ਪੁਲਿਸ ਸੂਤਰਾਂ ਅਨੁਸਾਰ ਮੁਹੰਮਦ ਨਹਿਮ ਪੁੱਤਰ ਮੁਹੰਮਦ ਫ਼ਰੀਦ ਵਾਸੀ ਮਕਾਨ ਨੰਬਰ—479 ਸੈਣੀ ਵਿਹਾਰ ਫੇਸ 2 ਰਵਿੰਦਰਾ ਇੰਕਲੇਵ ਬਲਟਾਣਾ ਦੇ ਸਾਹਮਣੇ ਭਗਵਤੀ ਡਿਪਾਰਟਮੈਂਟਲ ਸਟੋਰ ਨਜਦੀਕ ਖੜਾ ਸੀ। ਜਿੱਥੇ ਉਸ ਨੂੰ ਨਵਰਤਨ ਸਿੰਘ ਉਰਫ਼ ਗੁੱਚੂ ਨੇ ਘੇਰ ਲਿਆ ਅਤੇ ਥੱਪੜ ਮੁੱਕੇ ਮਾਰਨ ਲੱਗ ਪਿਆ ਜਦੋਂ ਉਸ ਨੇ ਛੁਡਾਉਣਾ ਦੀ ਕੋਸ਼ਿਸ ਕੀਤੀ ਤਾਂ ਉਸ ਨੇ ਉਸ ਨਾਲ ਵੀ ਮਾਰਕੁਟਾਈ ਕਰਨੀ ਆਰੰਭ ਕਰ ਦਿੱਤੀ। ਇਸ ਦੌਰਾਨ ਨਵਰਤਨ ਸਿੰਘ ਨੇ ਆਪਣੇ ਭਰਾ ਬਖਸ਼ੀਸ਼ ਸਿੰਘ ਉਰਫ਼ ਬਖਸ਼ੀ ਨੂੰ ਫੋਨ ਕਰਕੇ ਬੁਲਾ ਲਿਆ ਜਿਸ ਨੇ ਉਸ ਦੇ ਭਰਾ ਮੁਹੱਮਦ ਨਹਿਮ ਦੇ ਪੱਟ ਤੇ 2—3 ਵਾਰ ਕਰ ਦਿੱਤੇ ਅਤੇ ਚਾਕੂ ਦਾ ਵਾਰ ਕਰਕੇ ਚਾਕੂ ਉਸਦੇ ਭਰਾ ਦੇ ਪੱਟ ਦੇ ਆਰ ਪਾਰ ਕਰ ਦਿੱਤਾ। ਜਖਮੀ ਹਾਲਤ ਵਿੱਚ ਉਸ ਨੂੰ ਇਲਾਜ਼ ਲਈ ਸਿਵਲ ਹਸਪਤਾਲ ਸੈਕਟਰ 6 ਪੰਚਕੂਲਾ ਦਾਖਲ ਕਰਵਾਇਆ ਜਿੱਥੋਂ ਡਾਕਟਰਾਂ ਨੇ ਉਸ ਦੀ ਨਾਜੁਕ ਹਾਲਤ ਨੂੰ ਵੇਖਦੇ ਹੋਏ ਪੀਜੀਆਈ ਰੈਫ਼ਰ ਕਰ ਦਿੱਤਾ ।ਪੁਲਿਸ ਨੇ ਇਸ ਸਬੰਧੀ ਨਵਰਤਨ ਸਿੰਘ ਉਰਫ਼ ਗੁੱਚੂ ਅਤੇ ਬਖਸ਼ੀਸ਼ ਸਿੰਘ ਉਰਫ਼ ਬਖਸ਼ੀ ਵਾਸੀ ਮਕਾਨ ਨੰਬਰ 533 ਸੈਣੀ ਵਿਹਾਰ ਫੇਸ 2 ਬਲਟਾਣਾ ਖ਼ਿਲਾਫ਼ ਮਾਮਲਾ ਦਰਜ਼ ਕਰਕੇ ਉਨਾਂ ਨੂੰ ਗ੍ਰਿਫਤਾਰ ਕਰਕੇ ਅਗਲੀ ਕਾਰਵਾਈ ਆਰੰਭ ਕਰ ਦਿੱਤੀ ਹੈ।