ਚੰਡੀਗੜ੍ਹ - ਹਰਿਆਣਾ ਪੁਲਿਸ ਨੇ ਸਾਲ 2021 ਦੀ ਪਹਿਲੀ ਤਿਮਾਹੀ ਦੌਰਾਨ ਅਦਾਲਤ ਵਿਚ ਪੈਰਵੀ ਕਰਦੇ ਹੋਏ ਜਬਰ ਜਿਨਾਹ, ਪੋਸਕੋ, ਹੱਤਿਆ ਤੇ ਭਾਰਤੀ ਦੰਡ ਸੰਹਿਤਾ ਦੇ ਤਹਿਤ ਦਰਜ ਵੱਖ-ਵੱਖ ਮਾਮਲਿਆਂ ਵਿਚ 30 ਤੋਂ ਵੱਧ ਅਪਰਾਧੀਆਂ ਨੂੰ ਸਖਤ ਸਜ਼ਾ ਦਿਵਾਈ ਹੈ।
ਹਰਿਆਣਾ ਪੁਲਿਸ ਦੇ ਬੁਲਾਰੇ ਨੇ ਇਹ ਜਾਣਕਾਰੀ ਦਿੰਦੇ ਹੋਏ ਦਸਿਆ ਕਿ ਸੰਗੀਨ ਅਪਰਾਧ ਦੀ ਸੂਚਨਾ ਦੇ ਤੁਰੰਤ ਬਾਅਦ ਪੁਲਿਸ ਨਾ ਸਿਰਫ ਅਪਰਾਧੀਆਂ ਨੂੰ ਗ੍ਰਿਫਤਾਰ ਕਰ ਰਹੀ ਹੈ, ਸਗੋਂ ਜਲਦ ਤੋਂ ਜਲਦ ਅਦਾਲਤ ਵਿਚ ਸਾਰੀ ਗਵਾਹ, ਪ੍ਰਭਾਵੀ ਸਬੂਤ ਪੇਸ਼ ਕਰਕੇ ਅਜਿਹੇ ਅਪਰਾਧੀਆਂ ਨੂੰ ਸਖਤ ਸਜ਼ਾ ਦਿਵਾਉਣ ਵੀ ਯਕੀਨੀ ਕਰ ਰਹੀ ਹੈ।
more news on kaumimarg media click here
ਪੁਲਿਸ ਵੱਲੋਂ ਦਿੱਤੇ ਗਏ ਸਬੂਤ ਤੇ ਪੈਰਵੀ ਦੇ ਚਲਦੇ ਜਨਵਰੀ ਮਹੀਨੇ ਵਿਚ 8 ਅਪਰਾਧੀਆਂ ਨੂੰ ਅਦਾਲਤ ਵੱਲੋਂ ਜੇਲ੍ਹ ਵਿਚ ਭੇਜਿਆ ਗਿਆ, ਜਦੋਂ ਕਿ ਫਰਵਰੀ ਵਿਚ 18 ਅਤੇ ਮਾਰਚ ਵਿਚ 12 ਅਪਰਧੀਆਂ ਨੂੰ ਦੋਸ਼ੀ ਮੰਨਦੇ ਹੋਏ 5 ਸਾਲ ਤੋਂ ਲੈ ਕੇ ਆਜੀਵਨ ਕੈਦ ਤਕ ਦੀ ਸਖਤ ਸਜਾ ਸੁਣਵਾਈ ਗਈ। ਅਦਾਲਤ ਵੱਲੋਂ ਅਪਰਾਧੀਆਂ 'ਤੇ 7500 ਤੋਂ 55000 ਰੁਪਏ ਤਕ ਜੁਰਮਾਨਾ ਵੀ ਲਗਾਇਆ ਗਿਆ ਹੈ।
ਬੁਲਾਰੇ ਨੇ ਦਸਿਾ ਕਿ ਪੁਲਿਸ ਡਾਇਰੈਕਟਰ ਜਨਰਲ ਮਨੋਜ ਯਾਦਵ ਨੇ ਜਬਰ ਜਿਨਾਹ, ਹਤਿਆ ਸਮੇਤ ਹੋਰ ਗੰਭੀਰ ਅਪਰਾਧ ਦੇ ਮਾਮਲਿਆਂ ਵਿਚ ਸਾਰੇ ਪੁਲਿਸ ਕਮਿਸ਼ਨਰਾਂ ਅਤੇ ਜਿਲਾ ਪੁਲਿਸ ਸੁਪਰਡੈਂਟਾਂ ਨੂੰ ਪ੍ਰਭਾਵੀ ਪੈਰਵੀ ਯਕੀਨੀ ਕਰਨ ਦੇ ਆਦੇਸ਼ ਦਿੱਤੇ ਹੋਏ ਹਨ ਤਾਂ ਜੋ ਅਪਰਾਧੀਆਂ ਨੂੰ ਸਖਤ ਸਜ਼ਾ ਤੇ ਪੀੜਿਤ ਨੂੰ ਜਲਦ ਨਿਆਂ ਮਿਲ ਸਕੇ। ਫਾਸਟ ਟੈ੍ਰਕ ਅਦਾਲਤ ਦੀ ਸਥਾਪਨਾ ਵੀ ਇਸ ਦਿਸ਼ਾ ਵਿਚ ਮਦਦਗਾਰ ਸਾਬਤ ਹੋ ਰਹੀਆਂ ਹਨ।
ਉਨ੍ਹਾਂ ਦਸਿਆ ਕਿ ਅਦਾਲਤ ਵੱਲੋਂ ਵੱਖ-ਵੱਖ ਮਾਮਲਿਆਂ ਦੀ ਸੁਣਵਾਈ ਕਰਦੇ ਹੋਏ ਜਨਵਰੀ ਵਿਚ 1 ਅਪਰਾਧੀ ਨੂੰ ਆਜੀਵਨ ਕੈਦ ਦੀ ਸਜ਼ਾ, 2 ਲੋਕਾਂ ਨੂੰ 20-20 ਸਾਲ ਦੀ ਕੈਕ, 4 ਨੂੰ 10-10 ਸਾਲ ਕੈਦ ਅਤੇ ਇਕ ਅਪਰਾਧੀ ਨੂੰ 7 ਸਾਲ ਕੈਦ ਦੀ ਸਜ਼ਾ ਦਿੱਤੀ ਗਈ।
ਉੱਥੇ ਫਰਵਰੀ ਮਹੀਨੇ ਵਿਚ ਜਬਰ ਜਿਨਾਹ ਅਤੇ ਨਾਬਾਲਿਗ ਨਾਲ ਛੇੜਛਾਡ ਦੇ 5 ਅਪਰਾਧੀਆਂ ਨੂੰ ਅਦਾਲਤ ਨੇ 5 ਸਾਲ ਤੋਂ 20 ਸਾਲ ਤਕ ਕੈਦ, ਕਿਡਨੈਪਿੰਗ ਦੇ ਮਾਮਲੇ ਵਿਚ 1 ਅਪਰਾਧੀ ਨੂੰ ਦੋਸ਼ੀ ਮੰਨਦੇ ਹੋਏ 5 ਸਾਲ ਦੀ ਕੈਦ ਅਤੇ ਹੱਤਿਆ ਤੇ ਡਕੈਤੀ ਦੇ ਮਾਮਲਿਆਂ ਵਿਚ 12 ਅਪਰਾਧੀਆਂ ਨੂੰ ਆਜੀਵਨ ਕੈਦ ਦੀ ਸਜ਼ਾ ਦਿੱਤੀ ਗਈ।
ਇਸ ਤਰ੍ਹਾਂ, ਮਾਰਚ ਵਿਚ ਹਤਿਆ ਦੇ 2 ਅਪਰਾਧੀਆਂ ਨੂੰ ਜੁਰਮਾਨੇ ਸਮੇਤ ਆਜੀਵਨ ਕੈਦ, ਲੁੱਟਣ-ਖੋਹਣ ਦੇ 2 ਅਪਰਾਧੀਆਂ ਨੂੰ 5-5 ਸਾਲ ਦੀ ਕੈਦ ਤੇ 25, 000 ਰੁਪਏ ਜੁਰਮਾਨਾ, ਜਬਰ ਜਿਨਾਹ ਦੇ 7 ਅਪਰਾਧੀਆਂ ਨੂੰ ਜੁਰਮਾਨੇ ਸਮੇਤ 10 ਸਾਲ ਤੋਂ ਲੈਕੇ 20 ਸਾਲ ਦੀ ਕੈਦ ਅਦਾਲਤ ਨੇ ਸਜਾ ਸੁਣਾਈ। ਉੱਥੇ ਨਾਬਾਲਿਗ ਨਾਲ ਗਲਤ ਹਰਕਤ ਕਰਨ ਦੇ ਅਪਰਾਧੀ ਨੂੰ ਦੋਸ਼ੀ ਮੰਨਦੇ ਹੋਏ 7 ਸਾਲ ਦੀ ਕੈਦ ਸਮੇਤ 25000 ਰੁਪਏ ਜੁਰਮਾਨੇ ਦੀ ਸਜਾ ਸੁਣਾਈ।