ਚੰਡੀਗੜ੍ਹ -ਨੌਜਵਾਨ ਕਿਸਾਨ ਏਕਤਾ ਚੰਡੀਗੜ੍ਹ ਦੇ ਸ੍ਰੀ ਕਿਰਪਾਲ ਸਿੰਘ, ਗਾਇਕ ਤੇ ਗੀਤਕਾਰ ਪ੍ਤੀਕ ਮਾਣ ਅਤੇ ਸ੍ਰੀ ਪਰਮਿੰਦਰ ਸਿੰਘ ਨੇ ਦੱਸਿਆ ਕਿ ਸਯੁੱਕਤ ਕਿਸਾਨ ਮੋਰਚੇ ਦੇ ਸੱਦੇ ਉੱਤੇ ਭੀਮ ਰਾਓ ਅੰਬੇਦਕਰ ਜੈਅੰਤੀ ਨੂੰ ਸਮਰਪਿਤ ਪੈਦਲ ਮਾਰਚ ਸੈਕਟਰ 35 ਦੇ ਕਿਸਾਨ ਭਵਨ 12 ਵਜੇ ਤੋਂ ਲੈਕੇ ਵਾਲਮਿਕੀ ਆਸਰਮ, ਸੈਕਟਰ 24 ਤੱਕ ਵਾਲਮਿਕੀ ਸਮਾਜ ਅਤੇ ਪੇਡੂ ਸੰਘਰਸ਼ ਕਮੇਟੀ ਦੇ ਸਹਿਯੋਗ ਨਾਲ ਕੱਢਿਆ ਜਾਵੇਗਾ। ਪਰਤੀਕ ਮਾਣ ਨੇ ਦੱਸਿਆ ਕਿ ਪਹਿਲਾਂ ਵੀ ਨੌਜਵਾਨ ਕਿਸਾਨ ਏਕਤਾ ਚੰਡੀਗੜ੍ਹ ਵਲੋਂ ਸੈਕਟਰ 34 ਦੇ ਗੁਰਦਵਾਰਾ ਸਾਹਿਬ ਤੋਂ ਬੀ ਜੇ ਪੀ ਭਵਨ ਸੈਕਟਰ 33 ਤੱਕ ਪੈਦਲ ਮਾਰਚ, ਕਿਸਾਨ ਭਵਨ ਤੋਂ ਸੈਕਟਰ 17 ਪਲਾਜ਼ਾ ਤੱਕ ਸਾਇਕਲ, ਪੈਦਲ ਮਾਰਚ, ਸੈਕਟਰ 25 ਰੈਲੀ ਮੈਦਾਨ ਵਿੱਚ ਵੱਡਾ ਇਕੱਠ ਤੋਂ ਇਲਾਵਾ ਸਰਬਧਰਮ ਸੰਮੇਲਨ ਜੋ ਗੁਰਦਵਾਰਾ ਅੰਬ ਸਾਹਿਬ ਤੋਂ ਜਾਮਾ ਮਸਜਿਦ ਬੁੜੈਲ, ਲਕਸ਼ਮੀ ਨਰਾਇਣ ਮੰਦਰ ਸੈਕਟਰ 44, ਇਸਾਈ ਚਰਚ ਸੈਕਟਰ 41, ਸੈਕਟਰ 25 ਦੇ ਰੈਲੀ ਮੈਦਾਨ ਤੱਕ ਗਿਆ ਕੀਤਾ ਗਿਆ। ਇਸ ਤੋਂ ਇਲਾਵਾ ਹਰ ਰੋਜ਼ ਮੁਹਾਲੀ, ਚੰਡੀਗੜ੍ਹ, ਮਨੀਮਾਜਰਾ ਆਦਿ ਚੌਕਾਂ ਉਤੇ ਸ਼ਾਮ ਨੂੰ ਖੇਤੀ ਕਿਸਾਨ ਬਿਲਕੁਲ ਰੱਦ ਕਰਾਉਣ ਲਈ ਸੰਗਤਾਂ ਖੜੇ ਹੋ ਕੇ ਜਾਗਰੂਕਤਾ ਫੈਲਾ ਰਹੀ ਹੈ।