ਖਪਤਕਾਰ ਨੂੰ ਬਿਜਲੀ ਸਪਲਾਈ ਸੁਚਾਰੂ ਢੰਗ ਨਾਲ ਦੇਣ ਲਈ ਬਾਰਡਰ ਜੋਨ ਅਧੀਨ ਵੱਖ-ਵੱਖ ਏਰਿਏ ਦਾ ਕੀਤਾ ਦੋਰਾ - ਇੰਜੀ: ਸਕੱਤਰ ਸਿੰਘ ਢਿੱਲੌ

ਅੰਮ੍ਰਿਤਸਰ 
ਇੰਜੀ: ਸਕੱਤਰ ਸਿੰਘ ਢਿੱਲੋ, ਮੁੱਖ ਇੰਜੀ. ਬਾਰਡਰ ਜੋਨ ਨੇ ਦੱਸਿਆ ਹੈ ਕਿ 11 ਜੂਨ ਨੂੰ ਬਾਰਡਰ ਜੋਨ ਏਰਿਏ ਵਿੱਚ ਬਹੁਤ ਤੇਜ ਹਨੇਰੀ ਝੱਖੜ ਆਇਆ, ਜਿਸਨੇ ਪਾਵਰ ਸਿਸਟਮ ਨੂੰ ਤਹਿਸ ਨਹਿਸ ਕਰਕੇ ਰੱਖ ਦਿੱਤਾ। ਇਸ ਸਮੇ ਉਨ੍ਹਾਂ ਵੱਲੋ ਬਾਰਡਰ ਜੋਨ ਅਧੀਨ ਵੱਖ-2 ਇਲਾਕੀਆ ਦਾ ਦੋਰਾ ਕਰਕੇ ਬਿਜਲੀ ਸਪਲਾਈ ਚਾਲੂ ਕਰਵਾਈ ਗਈ। ਇੰਜੀ: ਸਕੱਤਰ ਸਿੰਘ ਢਿੱਲੋ ਵੱਲੋ ਗੁਰਦਾਸਪੁਰ ਏਰਿਏ ਦਾ ਵੀ ਦੋਰਾ ਕੀਤਾ ਗਿਆ, 66 ਕੇ.ਵੀ. ਸਬ-ਸਟੇਸ਼ਨ ਤਿਬੜੀ ਕੈਂਟ ਦਾ 10 ਨੰ. ਟਾਵਰ ਡਿੱਗੀਆ ਸੀ ਜਿਸ ਨਾਲ 5 ਨੰ. ਸਬ ਸਟੇਸ਼ਨਾ ਦੀ ਸਪਲਾਈ ਬੰਦ ਹੋਈ ਸੀ, ਜਿਨ੍ਹਾ ਨੂੰ 132 ਕੇ.ਵੀ. ਗੁਰਦਾਸਪੁਰ ਤੇ ਸਿਫਟ ਕਰਕੇ ਸਬ-ਸਟੇਸ਼ਨ ਦੀ ਸਪਲਾਈ ਚਾਲੂ ਕਰ ਦਿੱਤੀ ਗਈ, ਇਸ ਤੋ ਇਲਾਵਾ 66 ਕੇ.ਵੀ. ਸ਼ਾਹਪੁਰ ਗੁਰਾਇਆ ਲਾਈਨ ਦਾ 31 ਨੰ. ਟਾਵਰ ਡਿੱਗ ਗਿਆ ਸੀ, ਇਸ ਦਾ ਕੰਮ ਜੰਗੀ ਪੱਧਰ ਤੇ ਜਾਰੀ ਹੈ। ਇਸ ਮੋਕੇ ਇੰਜੀ: ਰਮਨ ਸ਼ਰਮਾ, ਨਿਗਰਾਨ ਇਜੀ: ਗੁਰਦਾਸਪੁਰ, ਇੰਜੀ: ਅਰਵਿੰਦਰਜੀਤ ਸਿੰਘ ਬੋਪਾਰਾਏ ਨਿਗਰਾਨ ਇੰੰਜੀ. ਪੀ. ਅਤੇ ਐਮ. ਅੰਮ੍ਰਿਤਸਰ ਅਤੇ ਇੰਜੀ ਰਵਿੰਦਰ ਸਿੰਘ ਉੱਪ ਮੁੱਖ ਇੰਜੀ./ ਟੀ.ਐਲ., ਜਲੰਧਰ ਉਹਨਾ ਨਾਲ ਮੋਜੂਦ ਸਨ।

ਇਸ ਹਨੇਰੀ ਨਾਲ ਤਕਰੀਬਨ 1931 ਪੋਲ ਟੁੱਟ ਗਏ ਹਨ ਅਤੇ 292 ਨੰ. ਟਰਾਂਸਫਾਰਮਰ ਡੈਮਜ ਹੋ ਗਏ ਹਨ। ਇੰਜੀ: ਸਕੱਤਰ ਸਿੰਘ ਢਿੱਲੋ, ਮੁੱਖ ਇੰਜੀ. ਬਾਰਡਰ ਜੋਨ ਵੱਲੋ ਦਿਨ ਰਾਤ ਇੱਕ ਕਰਕੇ ਵੱਖ ਵੱਖ ਅਧਿਕਾਰੀਆ ਨਾਲ ਤਾਲਮੇਲ ਕਰਕੇ ਬਿਜਲੀ ਸਪਲਾਈ ਜਲਦੀ ਤੋ ਜਲਦੀ ਚਾਲੂ ਕਰਵਾਊਣ ਲਈ ੳਪਰਾਲੇ ਕੀਤੇ ਜਾ ਰਹੇ ਹਨ, ਇਸ ਹਨੇਰੀ / ਝੱਖੜ ਦੋਰਾਨ ਪੀ.ਅੇਸ.ਪੀ.ਸੀ.ਐਲ. ਦਾ ਤਕਰੀਬਨ 2 ਕਰੋੜ 65 ਲੱਖ ਦਾ ਨੁਕਸਾਨ ਹੋਇਆ ਹੈ। ਮੁੱਖ ਇੰਜੀ. ਬਾਰਡਰ ਜੋਨ ਇੰਜੀ: ਸਕੱਤਰ ਸਿੰਘ ਢਿੱਲੋ ਵੱਲੋ ਖਪਤਕਾਰਾ ਨੂੰ ਅਪੀਲ ਕੀਤੀ ਗਈ ਹੈ ਕਿ ਬਿਜਲੀ ਸਪਲਾਈ ਨੂੰ ਬਹਾਲ ਕਰਨ ਲਈ ਪਾਵਰਕਾਮ ਦੇ ਅਧਿਕਾਰੀਆ/ਕਰਮਚਾਰੀਆ ਦਾ ਸਾਥ ਦਿੱਤਾ ਜਾਵੇ।
ਉਹਨਾ ਇਹ ਵੀ ਦਸਿੱਆ ਕਿ 66 ਕੇ.ਵੀ. ਸਬ-ਸਟੇਸ਼ਨ ਹਰਦੋਛਨੀ ਦੀ ਸਪਲਾਈ ਚਾਲੂ ਹੋ ਗਈ ਹੈ। 66 ਕੇ.ਵੀ. ਸਬ-ਸਟੇਸ਼ਨ ਤਿਬੜੀ ਕੈਂਟ ਦੀ ਸਪਲਾਈ ਅੱਜ ਚਾਲੁ ਹੋ ਜਾਵੇਗੀ। 66 ਕੇ.ਵੀ. ਸ਼ਾਹਪੁਰ ਗੁਰਾਇਆ ਦੀ ਸਪਲਾਈ ਕੱਲ ਚਾਲੁ ਹੋ ਜਾਵੇਗੀ। ਗੁਰਦਾਸਪੁਰ ਦੇ ਅਰਬਨ ਏਰੀਏ ਦੀ ਸਾਰੀ ਸਪਲਾਈ ਅੱਜ ਚਾਲੁ ਹੋ ਜਾਵੇਗੀ। ਜਿੱਥੇ ਜਿਆਦਾ ਪੋਲ ਟੁੱਟੇ ਹਨ ਜਾਂ ਟਾਵਰ ਡਿੱਗੇ ਹਨ ਉਹਨਾ ਦੀ ਸਪਲਾਈ ਸ਼ਾਇਦ ਅੱਜ ਚਾਲੁ ਨਾ ਹੋ ਸਕੇ। ਇੰਜੀ: ਰਜਿੰਦਰ ਸਿੰਘ ਸਰਾੳ, ਮੁੱਖ ਇੰਜੀ:/ ਟੀ. ਐਲ ਅੱਜ ਦਿਨ ਐਤਵਾਰ ਗੁਰਦਾਸਪੁਰ ਏਰੀਏ ਦੇ ਦੋਰੇ ਤੇ ਹਨ।