ਚੰਡੀਗੜ੍ਹ-ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਦੇ ਵੱਖ ਵੱਖ ਵਿਭਾਗਾਂ ਦੇ ਮੁੱਖੀਆਂ ਅਤੇ ਪ੍ਰੋਫੈਸਰਾਂ ਦੀ ਇਕ ਵਿਸ਼ੇਸ਼ ਬੈਠਕ ਅੱਜ ਸਟੂਡੈਂਟ ਸੈਂਟਰ ਵਿਖੇ ਹੋਈ। ਮੀਟਿੰਗ ਵਿਚ ਡਾ. ਅਕਸ਼ੈ ਕੁਮਾਰ (ਅੰਗਰੇਜ਼ੀ ਅਤੇ ਕਲਚਰਲ ਸਟਡੀਜ਼ ਵਿਭਾਗ), ਡਾ. ਸਰਬਜੀਤ ਸਿੰਘ (ਪੰਜਾਬੀ ਵਿਭਾਗ), ਡਾ. ਮੁਹੰਮਦ ਖਾਲਿਦ (ਮਲਟੀ ਡਿਸਿਪਲਨਰੀ ਰਿਸਰਚ ਸੈਂਟਰ), ਪ੍ਰੋ. ਕੁਲਦੀਪ ਪੁਰੀ (USOPL), ਪ੍ਰੋ.ਸਤਿਆਪਾਲ ਸਹਿਗਲ (ਹਿੰਦੀ ਵਿਭਾਗ), ਪ੍ਰੋ. ਜਸਬੀਰ (ਇਤਿਹਾਸ ਵਿਭਾਗ), ਪ੍ਰੋ. ਚੰਦਰ ਮੋਹਨ (ਪੰਜਾਬੀ), ਪ੍ਰੋ. ਡਾ. ਲੱਲਨ ਭਾਗੈਲ (ਫਿਲੌਸਫੀ ਵਿਭਾਗ), ਪ੍ਰੋ. ਗੌਰਵ ਕਲੋਤਰਾ ( ਜੌਗਰਾਫੀ ਵਿਭਾਗ) ਅਤੇ ਡਾ. ਅਮੀਰ ਸੁਲਤਾਨਾ (ਵੂਮੇਨ ਸਟਡੀਜ਼ ਵਿਭਾਗ) ਅਤੇ ਕੁਝ ਹੋਰ ਪ੍ਰੋਫੈਸਰ ਸ਼ਾਮਿਲ ਹੋਏ। ਉਪਰੋਕਤ ਸਾਰਿਆਂ ਨੇ ਸਰਵਸੰਮਤੀ ਨਾਲ ਫੈਸਲਾ ਕੀਤਾ ਕਿ 18 ਅਗਸਤ, 2021 ਨੂੰ ਪੰਜਾਬ ਯੂਨੀਵਰਸਿਟੀ ਦੀ ਸੈਨੇਟ ਵਾਸਤੇ ਗਰੈਜੂਏਟ ਕੌਂਸਟੀਚੁਐੰਸੀ ਦੀ ਚੋਣ ਵਿਚ ਵਿਦਿਆਰਥੀਆਂ ਅਤੇ ਮੁਲਾਜ਼ਮਾਂ ਦੀ ਭਲਾਈ ਲਈ ਕਈ ਦਹਾਕਿਆਂ ਤੋਂ ਕਾਰਜਸ਼ੀਲ ਸੈਨੇਟਰ ਡਾ. ਰਾਬਿੰਦਰ ਨਾਥ ਸ਼ਰਮਾ ਨੂੰ ਇਸ ਵਾਰ ਵੀ ਭਰਪੂਰ ਸਹਿਯੋਗ ਦੇ ਕੇ ਸਫ਼ਲ ਕਰਨਗੇ। ਉਨ੍ਹਾਂ ਕਿਹਾ ਕਿ ਇਸ ਸਮੇਂ ਸਭ ਤੋਂ ਵੱਡੀ ਲੋੜ ਹੈ ਕਿ ਪੰਜਾਬ ਯੂਨੀਵਰਸਿਟੀ ਦੇ ਲੋਕਤੰਤਰੀ ਢਾਂਚੇ ਨੂੰ ਇਕ ਜੁੱਟ ਹੋ ਕੇ ਬਚਾਇਆ ਜਾਵੇ ਅਤੇ ਵਧਦੀਆਂ ਫੀਸਾਂ, ਵਿਦਿਆਰਥੀਆਂ ਅਤੇ ਮੁਲਾਜ਼ਮਾਂ ਦੇ ਹੱਕਾਂ ਦੀ ਰਾਖੀ ਕਰੀ ਜਾਵੇ। ਡਾ. ਰਾਬਿੰਦਰ ਨਾਥ ਸ਼ਰਮਾ ਨੇ ਹਾਜ਼ਰ ਸਾਥੀਆਂ ਦਾ ਧੰਨਵਾਦ ਕੀਤਾ ਅਤੇ ਯੂਨੀਵਰਸਿਟੀ ਦੀ ਬਿਹਤਰੀ ਲਈ ਭਵਿੱਖ ਵਿਚ ਵੀ ਆਪਣਾ ਭਰਪੂਰ ਸਹਿਯੋਗ ਦੇਣ ਦਾ ਵਾਅਦਾ ਕੀਤਾ।