ਨਵੀਂ ਦਿੱਲੀ -ਗੁਰੂ ਹਰਗੋਬਿੰਦ ਸਾਹਿਬ ਸੱਚੇ ਪਾਤਸ਼ਾਹ ਦੇ ਸਮੇਂ ਤੋਂ ਲੈ ਕੇ ਮਹਾਰਾਜਾ ਰਣਜੀਤ ਸਿੰਘ ਦੇ ਸਮੇਂ ਤੱਕ ਗੱਤਕਾ ਸਿੱਖਣਾ ਫ਼ੌਜੀਆਂ ਦੀ ਰੰਗਰੂਟੀ ਦਾ ਹਿੱਸਾ ਹੁੰਦਾ ਸੀ, ਗੱਤਕਾ ਸਿੱਖਾਂ ਦੀ ਜੰਗੀ ਕਲਾ ਹੈ, ਇਸ ਖੇਡ ਰਾਹੀਂ ਯੋਧਿਆਂ ਦੀਆਂ ਵਾਰ ਕਾਰਨ ਤੇ ਵਾਰ ਰੋਕਣ ਦੀਆਂ ਮਸ਼ਕਾਂ ਹੁੰਦੀਆਂ ਸਨ, ਜਿਸ ਵਿੱਚ ਜੰਗਬੰਦੀ ਤੋਂ ਦੁਸ਼ਮਣਾਂ ਨਾਲ ਟਾਕਰਾ ਕਰਨ ਦੀ ਪੂਰੀ ਕਲਾ ਹੁੰਦੀ ਹੈ ਇਸ ਦੀ ਸਿਖਲਾਈ ਕੋਈ ਵੀ ਔਰਤ ਜਾਂ ਮਰਦ ਲੈ ਸਕਦਾ ਹੈ ਨਿਹੰਗ ਸਿੰਘ ਇਸ ਕਲਾ ਦੇ ਮਾਹਰ ਹੁੰਦੇ ਹਨ, ਜਰਨੈਲ ਹਰੀ ਸਿੰਘ ਨਲੂਆ ਗੱਤਕਾ ਖੇਡਦਾ ਹੀ ਮਹਾਰਾਜਾ ਰਣਜੀਤ ਸਿੰਘ ਦੀ ਨਜ਼ਰੀਂ ਚੜ੍ਹਿਆ ਸੀ। ਇਸੇ ਇਤਿਹਾਸਕ ਲੜੀ ਨੂੰ ਅੱਗੇ ਤੋਰਦਿਆਂ ਗੁਰੂ ਨਾਨਕ ਸਿੱਖ ਗੁਰਦੁਆਰਾ ਸਰੀ, ਸੁਖ ਸਾਗਰ ਨਿਊਵੈਸ਼ਟ, ਸਿੱਖ ਸ਼ਸਤਰ ਵਿਦਿਆ ਸੰਸਥਾ, ਗਤਕਾ ਫੈਗਰੇਸ਼ਨ ਕੈਨੇਡਾਂ ਅਤੇ ਯੂ.ਐਸ.ਏ, ਮਾਤਾ ਸਾਹਿਬ ਕੌਰ ਗਤਕਾ ਅਖਾੜਾ ਬੀ.ਸੀ, ਗੁਰਮਤਿ ਸੈਂਟਰ ਐਬਸਫੋਰਡ, ਅਤੇ ਗਤਕਾ ਐਸੋਸੀਏਸ਼ਨ ਬੀ.ਸੀ. ਅਕਾਲ ਖਾਲਸਾ ਵਰਲਡ ਸਿੱਖ ਮਾਰਸ਼ਲ ਆਰਟ, ਸਰੋਮਣੀ ਗੱਤਕਾ ਫੈਡਰੇਸ਼ਨ ਇਡੀਆ ਅਤੇ ਸਿਖ ਸ਼ਸਤ੍ਰ ਵਿਦਿਆ ਕੌਸ਼ਲ (ਇਟਰਨੈਸ਼ਲ ਸੰਸਥਾ ) ਦਸ਼ਮੇਸ਼ ਗੱਤਕਾ ਅਖਾੜਾ ਵੱਲੋਂ ਗੱਤਕੇ ਦਾ ਮੁਕਾਬਲਾ ਕਰਵਾਇਆ ਗਿਆ ਜਿਸ ਵਿਚ ਜਿਸ ਵਿੱਚ ਗੁਰੂ ਘਰ ਅਤੇ ਖ਼ਾਲਸਾ ਹੈਰੀਟੇਜ ਫਾਊਂਡੇਸ਼ਨ ਵੱਲੋਂ ਦਲੇਰ ਸਿੰਘ ਸਨ ਆਫ ਗੁਰਸਾਹਿਬ ਸਿੰਘ ਨੂੰ ਵੀ ਗੋਲਡ ਮੈਡਲ ਨਾਲ ਸਨਮਾਨਿਤ ਕੀਤਾ ਗਿਆ । ਦਲੇਰ ਸਿੰਘ ਨੇ 2018 ਵਿਚ ਹੋਏ ਵਰਲਡ ਕੱਪ ਵਿਚ ਕਿਰਪਾਨ ਦੇ ਪ੍ਰਾਂਤ ਨੂੰ ਬਾਹਰ ਕਰਕੇ ਮੌਕੇ ਤੇ ਬੈਠੇ ਜੱਜ ਮਾਸਟਰ ਰਣਜੀਤ ਸਿੰਘ ਚਤਰ ਸਿੰਘ ਅਤੇ ਜੱਜਮੈਂਟ ਕਮੇਟੀ ਅਤੇ ਸੰਗਤਾਂ ਨੂੰ ਇੰਨਾ ਪ੍ਰਭਾਵਿਤ ਕੀਤਾ ਕਿ ਸੰਗਤਾਂ ਅਤੇ ਜੱਜਮੈਂਟ ਕਮੇਟੀ ਵੱਲੋਂ ਗੋਲਡ ਮੈਡਲ ਤੇ ਐਲਾਨ ਕੀਤਾ ਸੀ ਜਦੋਂ ਦਲੇਰ ਸਿੰਘ ਦੀ ਉਮਰ ਲਗਪਗ ਦੋ ਸਾਲ ਦੀ ਸੀ ਕੋਰੋਨਾ ਕਾਰਨ ਸਮਾਂ ਨਾ ਮਿਲਣ ਤੇ 18 ਜੁਲਾਈ ਨੂੰ ਦਲੇਰ ਸਿੰਘ ਨੂੰ ਵੀ ਮਾਸਟਰ ਰਣਜੀਤ ਸਿੰਘ ਜੀ ਦੇ ਨਾਲ ਸਨਮਾਨਤ ਕੀਤਾ ਗਿਆ।
ਇਸ ਸਮੇਂ ਗੱਤਕੇ ਦੇ ਬੱਚਿਆਂ ਵਲੋ ਜੌਹਰ ਦਿਖਾਏ ਗਏ ਅਤੇ ਸ਼ਮਸ਼ੀਰ ਦੇ ਮੁਕਾਬਲੇ ਕਰਵਾਏ ਗਏ, ਇਸ ਮੌਕੇ ਇਤਹਾਸਕ ਗੱਤਕਾ ਕਲਾ ਨੂੰ ਵਿਦੇਸ਼ਾਂ ਦੀ ਧਰਤੀ ਤੇ ਪੂਰੀ ਚੜ੍ਹਦੀ ਕਲਾ ਦਾ ਪ੍ਰਚਾਰ ਕਰਨ ਵਾਲੇ ਮੰਨੇ ਪ੍ਰਮੰਨੇ ਗੱਤਕਾ ਉਸਤਾਦ ਭਾਈ ਜਗਜੀਤ ਸਿੰਘ ਵੱਲੋਂ ਆਈਆਂ ਸੰਗਤਾਂ ਨੂੰ ਸ਼ਸਤਰਾਂ ਤੋਂ ਜਾਣੂ ਕਰਵਾਉਣ ਦੇ ਨਾਲ ਸ਼ਮਸ਼ੀਰ ਚਲਾਉਣ ਦੇ ਗੁਰ ਸਿਖਾਏ ਗਏ।
ਇਸ ਮੌਕੇ ਗੁਰੂ ਨਾਨਕ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਮੁੱਖ ਸੇਵਾਦਾਰ ਅਤੇ ਕਮੇਟੀ ਵੱਲੋਂ ਬੱਚਿਆਂ, ਬੀਬੀਆਂ ਅਤੇ ਸਿੰਘਾਂ ਜਿਨ੍ਹਾਂ ਨੇ ਇਸ ਮੁਕਾਬਲੇ ਵਿੱਚ ਭਾਗ ਲਿਆ ਉਨ੍ਹਾਂ ਸਾਰਿਆਂ ਨੂੰ ਇਨਾਮਾ ਦੇ ਨਾਲ ਹੌਸਲਾ ਅਫਜ਼ਾਈ ਕੀਤੀ ਗਈ ਅਤੇ ਸਿੱਖ ਸੰਗਤਾਂ ਨੂੰ ਮੀਰੀ ਪੀਰੀ ਦੇ ਸਿਧਾਂਤ ਤੇ ਚਾਨਣਾ ਪਾਇਆ ਗਿਆ, ਇਸ ਮੌਕੇ ਭਾਈ ਹਰਦੀਪ ਸਿੰਘ ਨੇ ਗੱਤਕਾ ਉਸਤਾਦ ਮਾਸਟਰ ਰਣਜੀਤ ਸਿੰਘ ਅਤੇ ਭਾਈ ਜਗਜੀਤ ਸਿੰਘ ਵੱਲੋਂ ਸਿੱਖੀ ਦੇ ਪ੍ਰਚਾਰ ਅਤੇ ਪ੍ਰਸਾਰ ਲਈ ਸਖ਼ਤ ਮਿਹਨਤ ਨਾਲ ਬੱਚੇ ਬੱਚੀਆਂ ਨੂੰ ਗੱਤਕੇ ਨਾਲ ਜੋੜਨ ਦੇ ਉਪਰਾਲੇ ਦੀ ਸ਼ਲਾਘਾ ਕਰਦਿਆ ਕਿਹਾ ਕਿ ਭਾਈ ਜਗਜੀਤ ਸਿੰਘ ਨੇ ਆਪਣੀ ਸਾਰੀ ਜ਼ਿੰਦਗੀ ਬੱਚਿਆਂ ਦੀ ਸੇਵਾ ਸੰਭਾਲ ਅਤੇ ਵੱਖ ਵੱਖ ਸ਼ਹਿਰਾਂ ਵਿੱਚ ਗੱਤਕੇ ਦੀ ਸਿਖਲਾਈ ਦੇ ਕੇ ਗੱਤਕਾ ਖੇਡ ਨੂੰ ਸੰਭਾਲਣ ਦਾ ਯਤਨ ਸ਼ਲਾਘਾਯੋਗ ਉਪਰਾਲਾ ਹੈ। ਇਹ ਖੇਡ ਸਿੱਖਾਂ ਦੀ ਵਿਰਾਸਤ ਹੈ । ਗਤਕਾ ਇੱਕ ਜੌਹਰ ਹੈ, ਜਿਸ ਦੇ ਨਾਲ ਹੀ ਨਿਡਰਤਾ ਅਤੇ ਸੂਰਮਗਤੀ ਦਾ ਅਹਿਸਾਸ ਹੁੰਦਾ ਹੈ। ਗਤਕੇ ਦਾ ਸਿੱਖ ਧਰਮ ਵਿੱਚ ਅਹਿਮ ਸਥਾਨ ਹੈ ਗਤਕਾ ਰੱਖਿਆ ਲਈ ਵਰਤਿਆ ਜਾਣ ਵਾਲਾ ਸਿੱਖ ਧਰਮ ਯੁੱਧ ਕਲਾ ਦਾ ਭਾਗ ਹੈ। ਗਤਕਾ ਮਨੁੱਖ ਨੂੰ ਮਨੁੱਖੀ ਕਦਰਾਂ ਕੀਮਤਾਂ ਦਾ ਸਤਿਕਾਰ ਕਰਨ ਤੇ ਗੁਰਮਤਿ ਅਨੁਸਾਰ ਜੀਵਨ ਜਿਉਣਾ ਸਿਖਾਉਂਦਾ ਹੈ ।