ਚੰਡੀਗੜ੍ਹ - ਹਰਿਆਣਾ ਦੇ ਗ੍ਰਹਿ ਮੰਤਰੀ ਸ੍ਰੀ ਅਨਿਲ ਵਿਜ ਨੇ ਕਿਹਾ ਕਿ ਨੂੰਹ ਵਿਚ ਦਰਜ ਜਬਰਨ ਧਰਮ ਬਦਲਣ ਦੇ ਮਾਮਲੇ ਵਿਚ ਦੋਸ਼ੀ ਅਬੂ ਬਕਰ ਅਤੇ ਉਸ ਦੇ ਸਾਥੀ ਸਹਿਜਾਦ ਨੂੰ ਪੁਲਿਸ ਨੇ ਗਿਰਫਤਾਰ ਕਰ ਲਿਆ ਹੈ ਅਤੇ ਜਬਰਨ ਧਰਮ ਬਦਲਣ ਦੇ ਮਾਮਲੇ ਦੀ ਤਹਕੀਕਾਤ ਲਈ ਸਪੈਸ਼ਲ ਟਾਸਕ ਫੋਰਸ (ਐਸਟੀਐਫ) ਗਠਨ ਕਰ ਦਿੱਤੀ ਗਈ ਹੈ।
ਇਸ ਸਬੰਧ ਵਿਚ ਜਾਣਕਾਰੀ ਦਿੰਦੇ ਹੋਏ ਉਨ੍ਹਾਂ ਨੇ ਦਸਿਆ ਕਿ ਰੋਜਕਾ ਮੇਵ ਪੁਲਿਸ ਥਾਨਾ ਵਿਚ ਮਨੋਜ ਨਾਂਅ ਦੇ ਵਿਅਕਤੀ ਨੇ 21 ਅਗਸਤ, 2021 ਨੂੰ ਐਫਆਈਆਰ ਦਰਜ ਕਰਾਈ ਕਿ ਅਬੂ ਬਕਰ ਨੇ ਉਸ ਦਾ ਜਬਰਨ ਧਰਮ ਬਦਲਾਇਆ ਹੈ। ਇਸੀ ਤਰ੍ਹਂਾ, 22 ਅਗਸਤ, 2021 ਨੂੰ ਦੇਵੇਂਦਰ ਨਾਮਕ ਵਿਅਕਤੀ ਨੇ ਵੀ ਨੁੰਹ ਦੇ ਪੁਲਿਸ ਥਾਨਾ ਸਿਟੀ ਵਿਚ ਐਫਆਈਆਰ ਦਰਜ ਕਰਾਈ ਕਿ ਅਬੂ ਬਕਰ ਤੇ ਉਸ ਦੇ ਸਾਥੀ ਵੱਲੋਂ ਉਸ ਦਾ ਵੀ ਜਬਰਨ ਧਰਮ ਬਦਲਾਅ ਕਰਾਇਆ ਹੈ।
ਉਨ੍ਹਾਂ ਨੇ ਦਸਿਆ ਕਿ ਇਹ ਦੋਨੋਂ ਹੀ ਮਾਮਲੇ ਹੁਣ ਸਪੈਸ਼ਲ ਟਾਸਕ ਫੋਰਸ ਨੂੰ ਟ੍ਰਾਂਸਫਰ ਕਰ ਦਿੱਤੇ ਗਏ ਹਨ। ਉਨ੍ਹਾਂ ਨੇ ਦਸਿਆ ਕਿ ਇੰਨ੍ਹਾਂ ਮਾਮਲਿਆਂ ਨੂੰ ਲੈ ਕੇ ਸਪੈਸ਼ਲ ਟਾਸਕ ਫੋਰਸ ਦਾ ਗਠਨ ਕੀਤਾ ਗਿਆ ਹੈ ਜੋ ਇੰਨ੍ਹਾਂ ਮਾਮਲਿਆਂ ਤੇ ਇਸ ਨਾਲ ਜੁੜੇ ਮਾਮਲਿਆਂ ਦੀ ਪੂਰੀ ਤਫਤੀਸ਼ ਕਰੇਗੀ।
ਵਰਨਣਯੋਗ ਹੈ ਕਿ ਸੀਆਈਡੀ ਤੇ ਕੇਂਦਰੀ ਏਜੰਸੀ ਵੀ ਇੰਨ੍ਹਾਂ ਮਾਮਲਿਆਂ ਵਿਚ ਆਪਣੀ ਜਾਂਚ ਕਰ ਰਹੀ ਹੈ।