ਕਬਰਿਸਤਾਨ ਲਈ ਥਾਂ ਨਾ ਮਿਲਣ ਕਾਰਨ ਈਸਾਈ ਭਾਈਚਾਰੇ ਵਿੱਚ ਰੋਸ

ਜੀਰਕਪੁਰ —ਅੱਜ ਨਗਰ ਕੌਂਸਲ ਦਫ਼ਤਰ ਦੇ ਬਾਹਰ ਚਰਚਿਸ ਐਸੋਸੀਏਸ਼ਨ ਮੋਹਾਲੀ ਦੇ ਬੈਨਰ ਹੇਠ ਪਾਸਟਰ ਰੇਵ ਅਨਿਲ ਐੱਸ ਰੋਏ ਦੀ ਅਗਵਾਈ ਼’ਚ ਮਸੀਹੀ ਭਾਈਚਾਰੇ ਦੇ ਮੁੱਢਲੇ ਅਧਿਕਾਰਾਂ ਤਹਿਤ ਕਬਰਿਸਤਾਨ ਲਈ ਜਗ੍ਹਾ ਦੀ ਅਲਾਟਮੈਂਟ ਦੀ ਮੰਗ ਨੂੰ ਲੈ ਕੇ ਸ਼ਾਂਤਮਈ ਰੋਸ਼ ਪ੍ਰਦਰਸ਼ ਕੀਤਾ ਗਿਆ। ਇਸ ਮੌਕੇ ਚਰਚਿਸ ਐਸੋਸੀਏਸ਼ਨ ਮੋਹਾਲੀ ਪ੍ਰਧਾਨ ਪਾਸਟਰ ਰੇਵ ਅਨਿਲ ਐੱਸ ਰੋਏ, ਮੀਤ ਪ੍ਰਧਾਨ ਪਾਸਟਰ ਐੱਮ ਡੀ ਸੈਮਅਲ, ਖਜ਼ਾਨਚੀ ਪਾਸਟਰ ਸ਼ਿਜੂ ਫਿਲੀਪ ਅਤੇ ਸੱਕਤਰ ਪਾਸਟਰ ਰਾਜੂ ਚਾਕੋ ਨੇ ਕਿਹਾ ਕਿ ਸਰਕਾਰ ਵੱਲੋਂ ਉਨ੍ਹਾਂ ਦੇ ਸਮਾਜ ਦੀ ਲਗਾਤਾਰ ਅਣਦੇਖੀ ਕਾਰਨ ਮਸੀਹੀ ਭਾਈਚਾਰੇ ਨੂੰ ਮੁੱਢਲੇ ਅਧਿਕਾਰਾਂ ਜਿਸ ਼ਚ ਕਬਰਿਸਤਾਨ ਦੀ ਮੰਗ ਤੋਂ ਵਾਂਝੇ ਰੱਖਿਆ ਹੋਇਆ ਹੈ ਜਿਸ ਕਾਰਨ ਉਹ ਮੌਤ ਤੋਂ ਬਾਅਦ ਆਪਣੇ ਧਾਰਮਿਕ ਰੀਤੀ ਰਿਵਾਜ ਮੁਤਾਬਕ ਅੰਤਿਮ ਸੰਸਕਾਰ ਕਰਨ ਦੇ ਹੱਕ ਤੋਂ ਵਾਂਝੇ ਹਨ। ਉਨ੍ਹਾਂ ਕਿਹਾ ਕਿ ਉਹ ਇਸ ਮੰਗ ਨੂੰ ਲੈ ਕੇ ਪਿਛਲੇ 18 ਸਾਲਾਂ ਤੋਂ ਸੰਘਰਸ਼ ਕਰ ਰਹੇ ਹਨ ਪਰ ਹੁਣ ਤੱਕ ਕਿਸੇ ਨੇ ਵੀ ਉਨ੍ਹਾਂ ਦੀ ਮੰਗ ਵੱਲ ਧਿਆਨ ਨਹੀਂ ਦਿੱਤਾ। ਉਨ੍ਹਾਂ ਕਿਹਾ ਕਿ ਸਰਕਾਰ ਨੇ ਨੋਟੀਫਿਕੇਸ਼ਨ ਜਾਰੀ ਕਰ ਕੇ ਕਿਹਾ ਸੀ ਕਿ ਜਿਨ੍ਹਾਂ ਪਿੰਡਾਂ ਅਤੇ ਸ਼ਹਿਰਾਂ ਼’ਚ ਸਰਕਾਰੀ ਜ਼ਮੀਨ ਨਹੀਂ ਹੈ ਉੱਥੇ ਜ਼ਰੂਰਤ ਅਨੁਸਾਰ ਕਬਰਿਸਤਾਨ ਦੇ ਲਈ ਜ਼ਮੀਨ ਖਰੀਦਕੇ ਉਪਲਬਧ ਕਰਵਾਈ ਜਾਵੇਗੀ ਪਰ ਹੁਣ ਤੱਕ ਇਸ ਼ਤੇ ਕੋਈ ਕਾਰਵਾਈ ਨਹੀਂ ਹੋਈ ਹੈ। ਉਨ੍ਹਾਂ ਕਿਹਾ ਕਿ ਖ਼ੇਤਰ ਦਾ ਈਸਾਈ ਭਾਈਚਾਰਾ ਲੰਬੇ ਸਮੇਂ ਤੋਂ ਕਬਰਿਸਤਾਨ ਲਈ ਥਾਂ ਨਾ ਮਿਲਣ ਕਾਰਨ ਪ੍ਰੇਸ਼ਾਨ ਹੈ। ਉਨ੍ਹਾਂ ਕਿਹਾ ਕਿ 4 ਮਹੀਨੇ ਪਹਿਲਾਂ ਕਾਂਗਰਸੀ ਲੀਡਰ ਦੀਪਇੰਦਰ ਸਿੰਘ ਢਿੱਲੋਂ ਵੱਲੋਂ ਜ਼ੀਰਕਪੁਰ ਨਗਰ ਕੌਂਸਲ ਵਿੱਚ ਕਾਂਗਰਸ ਦਾ ਰਾਜ਼ ਆਉਣ ਤੇ ਉਨ੍ਹਾਂ ਨੂੰ ਕਬਰਿਸਤਾਨ ਲਈ ਨਗਰ ਕੌਂਸਲ ਵੱਲੋਂ ਜਗ੍ਹਾ ਅਲਾਟ ਕਰਵਾਉਣ ਦਾ ਭਰੋਸਾ ਦਿਵਾਇਆ ਸੀ ਪਰ ਹੁਣ ਚਾਰ ਮਹੀਨੇ ਬੀਤ ਜਾਣ ਤੋਂ ਬਾਅਦ ਵੀ ਇਸ ਵੱਲ ਧਿਆਨ ਨਹੀਂ ਦਿੱਤਾ ਜਾ ਰਿਹਾ। ਉਨ੍ਹਾਂ ਕਿਹਾ ਕਿ ਜੇ ਭਾਈਚਾਰੇ ਦੀ ਮੰਗ ਵੱਲ ਜਲਦ ਧਿਆਨ ਨਾ ਦਿੱਤਾ ਗਿਆ ਤਾਂ ਆਉਣ ਵਾਲੇ ਸਮੇਂ ਵਿਚ ਸੰਘਰਸ਼ ਤੇਜ਼ ਕੀਤਾ ਜਾਵੇਗਾ। ਇਸ ਮੌਕੇ ਚਰਚਿਸ ਐਸੋਸੀਏਸ਼ਨ ਮੋਹਾਲੀ, ਚਰਚਿਸ ਐਸੋਸੀਏਸ਼ਨ ਜ਼ੀਰਕਪੁਰ, ਬਿਲੀਵਜ ਚਰਚ ਭਾਂਖਰਪੁਰ, ਯੁਵਾ ਜੀਵਨ ਚਰਚ ਮੁਬਾਰਿਕਪੂਰ, ਗ੍ਰੇਸ ਚਰਚ ਬਲਟਾਣਾ, ਆਈ ਪੀ ਸੀ ਚਰਚ ਜ਼ੀਰਕਪੁਰ, ਨਿਓ ਰਿਵਾਈਵਲ ਚਰਚ ਡੇਰਾਬਸੀ ਅਤੇ ਬੈਥਨਸ ਚਰਚ ਜ਼ੀਰਕਪੁਰ ਦੇ ਅਹੁਦੇਦਾਰਾਂ ਨੇ ਕਿਹਾ ਕਿ ਈਸਾਈ ਭਾਈਚਾਰੇ ਦੇ ਲੋਕਾਂ ਦੀ ਸਮੱਸਿਆ ਦਾ ਹੱਲ ਜਲਦ ਕਰਵਾਉਣ ਲਈ ਯਤਨ ਹੋਰ ਤੇਜ ਕੀਤਾ ਜਾਵੇਗਾ। ਇਸ ਮੌਕੇ ਉਨ੍ਹਾਂ ਦੋਸ਼ ਲਗਾਇਆ ਕਿ ਉਹ 3 ਘੰਟੇ ਨਗਰ ਕੌਂਸਲ ਵਿੱਚ ਪ੍ਰਦਰਸ਼ਨ ਕਰਦੇ ਰਹੇ ਪਰ ਨਗਰ ਕੌਂਸਲ ਦੇ ਪ੍ਰਧਾਨ ਉਦੇਵੀਰ ਢਿੱਲੋਂ ਉਨ੍ਹਾਂ ਦੀ ਸਮਸਿਆ ਨੂੰ ਸਮਝਦੇ ਹੋਏ ਵੀ ਉਨ੍ਹਾ ਨੇ ਵਫਦ ਨੂੰ ਨਹੀਂ ਮਿਲੇ।