ਜੀਰਕਪੁਰ - ਸੀ ਆਈ ਏ ਸਟਾਫ਼ ਨੇ ਜ਼ੀਰਕਪੁਰ ਦੇ ਨੇੜਲੇ ਪਿੰਡ ਛੱਤ ਤੋਂ ਇੱਕ ਕਿਲੋ ਤਿੰਨ ਸੌ ਗਰਾਮ ਚਰਸ ਸਮੇਤ ਇੱਕ ਵਿਅਕਤੀ ਨੂੰ ਕਾਬੂ ਕੀਤਾ ਹੈ। ਪੁਲਿਸ ਨੇ ਕਥਿਤ ਦੋਸ਼f ਖਿਲਾਫ ਮਾਮਲਾ ਦਰਜ ਕਰਕੇ ਅਗਲੀ ਕਾਰਵਾਈ ਆਰੰਭ ਕਰ ਦਿੱਤੀ ਹੈ।ਪੁਲਿਸ ਸੂਤਰਾਂ ਅਨੁਸਾਰ ਸੀ ਆਈ ਏ ਵਿਖੇ ਤੈਨਾਤ ਏਐਸਆਈ ਗੁਰਪਤਾਪ ਸਿੰਘ ਨੂੰ ਸੂਚਨਾ ਮਿਲੀ ਸੀ ਕਿ ਵਾਰਿਸ ਖਾਨ ਪੁੱਤਰ ਰਈਸ ਖਾਨ ਵਾਸੀ ਪਿੰਡ ਛੱਤ ਚਰਸ ਵੇਚਣ ਦਾ ਧੰਦਾ ਕਰਦਾ ਹੈ ਅਤੇ ਅੱਜ ਵੀ ਉਹ ਪਟਿਆਲਾ ਜ਼ੀਰਕਪੁਰ ਰੋਡ ਤੇ ਛੱਤ ਪਿੰਡ ਕੋਲ ਅੰਬਾ ਦੇ ਬਾਗ਼ ਦੇ ਬਾਹਰ ਸੜਕ ਤੇ ਖੜ ਕੇ ਭਾਰੀ ਮਾਤਰਾ ਚਰਸ ਨਾਲ ਆਪਣੇ ਗ੍ਰਾਹਕ ਦੀ ਉਡੀਕ ਕਰ ਰਿਹਾ ਹੈ । ਜਿਸ ਤੇ ਪੁਲਿਸ ਨੇ ਕਥਿਤ ਦੋਸ਼ੀ ਨੂੰ ਮੌਕੇ ਤੋਂ ਇੱਕ ਕਿਲੋ 300 ਗਰਾਮ ਚਰਸ ਸਮੇਤ ਕਾਬੂ ਕੀਤਾ।ਪੁਲਿਸ ਨੇ ਉਸ ਖਿਲਾਫ ਮਾਮਲਾ ਦਰਜ ਕਰਕੇ ਅਗਲੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।