ਚੰਡੀਗੜ੍ਹ - ਹਰਿਆਣਾ ਸਰਕਾਰ ਵੱਲੋੋਂ 12 ਸਤੰਬਰ, 2021 ਨੂੰ ਹੋਣ ਵਾਲੀ ਐਚ.ਸੀ.ਐਸ. (ਕਾਰਜਕਾਰੀ ਸ਼ਾਖਾ) ਤੇ ਅਲਾਇਡ ਪ੍ਰੀਖਿਆ ਦੇ ਸੁਚਾਰੂ, ਨਕਲ ਰਹਿਤ ਅਤੇ ਨਿਰਪੱਖ ਕਰਵਾਉਣ ਲਈ ਯੋਗ ਪ੍ਰਬੰਧ ਕੀਤੇ ਗਏ ਹਨ। ਇਸ ਪ੍ਰੀਖਿਆ ਲਈ ਸੂਬੇ ਭਰ ਵਿਚ ਕੁਲ 13 ਜਿਲ੍ਹਿਆਂ ਵਿਚ ਸਥਾਪਿਤ ਕੀਤੇ ਜਾਣ ਵਾਲੇ 538 ਪ੍ਰੀਖਿਆ ਕੇਂਦਰਾਂ 'ਤੇ 1, 48, 242 ਬਿਨੈਕਾਰ ਪ੍ਰੀਖਿਆ ਦੇਣਗੇ।
ਇਹ ਜਾਣਕਾਰੀ ਅੱਜ ਇੱਥੇ ਮੁੱਖ ਸਕੱਤਰ ਵਿਜੈ ਵਰਧਨ ਦੀ ਪ੍ਰਧਾਨਗੀ ਹੇਠ ਜਿਲਾ ਡਿਪਟੀ ਕਮਿਸ਼ਨਰਾਂ ਨਾਲ ਪ੍ਰੀਖਿਆ ਕਰਵਾਉਣ ਦੇ ਸਬੰਧ ਵਿਚ ਹੋਈ ਮੀਟਿੰਗ ਵਿਚ ਦਿੱਤੀ ਗਈ।
ਸ੍ਰੀ ਵਿਜੈ ਵਰਧਨ ਨੇ ਆਦੇਸ਼ ਦਿੱਤੇ ਕਿ ਜਿਲਾ ਡਿਪਟੀ ਕਮਿਸ਼ਨਰ ਆਪਣੇ ਜਿਲ੍ਹਿਆਂ ਵਿਚ ਮੈਜਿਸਟ੍ਰੇਟ ਜਾਂ ਕਾਰਜਕਾਰੀ ਮੈਜਿਸਟ੍ਰੇਟ ਦੀ ਨਿਯੁਕਤੀ ਕਰਨਗੇ। ਮੈਜਿਸਟ੍ਰੇਟ ਅਤੇ ਪੁਲਿਸ ਦੀ ਸਾਂਝੀ ਟੀਮਾਂ ਜਿਲ੍ਹਿਆਂ ਵਿਚ ਬਣਾਏ ਗਏ ਪ੍ਰੀਖਿਆ ਕੇਂਦਰਾਂ ਦਾ ਦੌੌਰਾ ਕਰਨ ਅਤੇ ਕੇਂਦਰ ਦੇ ਨੇੜੇ ਦੇ ਖੇਤਰ ਵਿਚ ਚੈਕਿੰਗ ਕਰਨ। ਵਿਸ਼ੇਸ਼ ਤੌੌਰ 'ਤੇ ਨਜਰ ਰੱਖੀ ਜਾਵੇ ਕਿ ਕਿਸੇ ਪ੍ਰੀਖਿਆ ਕੇਂਦਰ ਦੇ ਨੇੜੇ ਕਿਸੇ ਵਿਅਕਤੀ ਜਾਂ ਵਾਹਨ ਦੀ ਸ਼ੱਕੀ ਮੂਵਮੈਂਟ ਨਾ ਹੋਵੇ। ਇਸ ਤੋੋਂ ਇਲਾਵਾ, ਸੰਵੇਦਨਸ਼ੀਲ ਕੇਂਦਰਾਂ 'ਤੇ ਵਿਸ਼ੇਸ਼ ਨਿਗਰਾਨੀ ਰੱਖੀ ਜਾਵੇ।
ਉਨ੍ਹਾਂ ਨੇ ਇਹ ਵੀ ਆਦੇਸ਼ ਦਿੱਤੇ ਕਿ ਜਿਲਾ ਡਿਪਟੀ ਕਮਿਸ਼ਨਰ ਦੀ ਦੇਖਰੇਖ ਲਈ ਆਪਣੇ ਜਿਲੇ ਵਿਚ ਇਕ ਨੋੋਡਲ ਅਧਿਕਾਰੀ ਨਿਯੁਕਤ ਕਰਨ। ਇਸ ਤੋੋਂ ਇਲਾਵਾ, ਇਕ ਕੋਆਡੀਨੇਟਰ ਵੀ ਨਿਯੁਕਤ ਕਰਨ ਜੋੋ ਪ੍ਰੀਖਿਆ ਕੇਂਦਰਾਂ ਨਾਲ ਤਾਲਮੇਲ ਸਥਾਪਿਤ ਕਰਕੇ ਪ੍ਰੀਖਿਆ ਕੇਂਦਰਾਂ ਵਿਚ ਕਮਰਿਆਂ, ਫਰਨੀਚਰ, ਪੀਣ ਦੇ ਪਾਣੀ ਦੀ ਵਿਵਥਾ ਤੇ ਪਖਾਨਿਆਂ ਆਦਿ ਸਾਰੀ ਵਿਵਸਥਾਵਾਂ ਯਕੀਨੀ ਕਰੇਗਾ।
ਮੀਟਿੰਗ ਵਿਚ ਏਡੀਜੀਪੀ (ਕਾਨੂੰਨ ਤੇ ਵਿਵਸਥਾ) ਨਵਦੀਪ ਸਿੰਘ ਵਿਰਕ ਨੇ ਪੁਲਿਸ ਸੁਪਰਡੈਂਟਾਂ ਨੂੰ ਆਦੇਸ਼ ਦਿੱਤੇ ਕਿ ਪ੍ਰੀਖਿਆ ਕੇਂਦਰਾਂ ਤੇ ਉਸ ਦੇ ਨੇੜੇ ਦੇ ਖੇਤਰ ਵਿਚ ਚੈਕਿੰਗ ਕੀਤੀ ਜਾਵੇ ਅਤੇ ਪ੍ਰੀਖਿਆ ਦੇ ਦਿਨ ਪ੍ਰੀਖਿਆ ਕੇਂਦਰਾਂ ਦੇ ਬਾਹਰ ਵੱਧ ਭੀੜ ਇੱਕਠੀ ਨਾ ਹੋੋਵੇ, ਇਸ ਗੱਲ ਦਾ ਖਾਸ ਧਿਆਨ ਰੱਖਿਆ ਜਾਵੇ।
ਮੀਟਿੰਗ ਵਿਚ ਜਾਣਕਾਰੀ ਦਿੱਤੀ ਗਈ ਕਿ ਬਿਨੈਕਾਰ ਕਮਿਸ਼ਨ ਵੱਲੋੋਂ ਦਿੱਤੇ ਗਏ ਆਦੇਸ਼ਾਂ ਨੂੰ ਧਿਆਨ ਨਾਲ ਪੜ੍ਹ ਕੇ ਹੀ ਪ੍ਰੀਖਿਆ ਲਈ ਜਾਣ। ਪ੍ਰੀਖਿਆ 12 ਸਤੰਬਰ, 2021 ਨੂੰ 2 ਸ਼ਿਫਟਾਂ ਵਿਚ ਹੋੋਵੇਗੀ। ਸਵੇਰੇ 10:00 ਵਜੇ ਤੋੋਂ ਦੁਪਹਿਰ 12 ਵਜੇ ਤਕ ਜਨਰਲ ਸਟੀਡਜ ਦਾ ਪੇਪਰ ਹੋੋਵੇਗਾ ਅਤੇ ਬਾਅਦ ਦੁਪਹਿਰ 3:00 ਵਜੇ ਤੋੋਂ ਸ਼ਾਮ 5:00 ਵਜੇ ਤਕ ਸੀਸੈਟ ਦਾ ਪੇਪਰ ਹੋੋਵੇਗਾ। ਸਾਰੇ ਬਿਨੈਕਾਰ ਸਮਾਂ ਦਾ ਵਿਸ਼ੇਸ਼ ਧਿਆਨ ਰੱਖਣ।
ਮੀਟਿੰਗ ਵਿਚ ਹਰਿਆਣਾ ਲ ਸੇਵਾ ਕਮਿਸ਼ਨ ਦੇ ਚੇਅਰਮੈਨ ਆਲੋੋਕ ਵਰਮਾ ਅਤੇ ਕਮਿਸ਼ਨ ਦੇ ਸਕੱਤਰ ਭੁਪਿੰਦਰ ਸਿੰਘ ਹਾਜਿਰ ਸਨ।