ਜੀਰਕਪੁਰ - ਭਾਰਤੀ ਜਨਤਾ ਪਾਰਟੀ ਦੀ ਜ਼ੀਰਕਪੁਰ ਇਕਾਈ ਵੱਲੋਂ ਅੱਜ ਭਾਜਪਾ ਮੰਡਲ ਪ੍ਰਧਾਨ ਅਸ਼ੀਸ਼ ਗਰਗ ਦੁਆਰਾ ਮਹਿਲਾ ਮੋਰਚਾ ਦਾ ਗਠਨ ਕੀਤਾ ਗਿਆ। ਇਸ ਮੌਕੇ ਮਹਿਲਾ ਮੋਰਚਾ ਦੀ ਜ਼ਿਲ੍ਹਾ ਪ੍ਰਧਾਨ ਜ਼ਿਲ੍ਹਾ ਜਨਰਲ ਸਕੱਤਰ ਸਰਬਜੀਤ ਕੌਰ ਸੇਖੋਂ ਅਤੇ ਮੰਡਲ ਪ੍ਰਧਾਨ ਰਾਸ਼ੀ ਅਯੀਅਰ ਵਿਸ਼ੇਸ਼ ਰੂਪ ’ਚ ਮੌਜੂਦ ਸਨ । ਅੱਜ ਜ਼ੀਰਕਪੁਰ ਦੇ ਇੱਕ ਹੋਟਲ ਵਿੱਚ ਹੋਏ ਇਕ ਸਾਦੇ ਪ੍ਰੰਤੂ ਪ੍ਰਭਾਵਸ਼ਾਲੀ ਸਮਾਗਮ ਦੌਰਾਨ ਭਾਰਤੀ ਜਨਤਾ ਪਾਰਟੀ ਵੱਲੋਂ ਜ਼ੀਰਕਪੁਰ ਮਹਿਲਾ ਮੋਰਚਾ ਦਾ ਗਠਨ ਕੀਤਾ ਗਿਆ। ਜਿਸ ਵਿਚ ਸਰਬਸੰਮਤੀ ਨਾਲ ਰਾਮਾ ਰਾਵਤ, ਪੂਜਾ ਗੁਪਤਾ, ਨੀਤੀ ਰੈਨਾ ਨੂੰ ਜੀਰਕਪੁਰ ਭਾਜਪਾ ਮੰਡਲ ਦਾ ਵਾਈਸ ਪ੍ਰਧਾਨ, ਪੁਸ਼ਪਾ ਭਾਰਤੀ ਸੁਨੀਤਾ ਡੋਗਰਾ ਨੂੰ ਜਨਰਲ ਸਕੱਤਰ ਕਵਿਤਾ ਚੌਧਰੀ ਨੂੰ ਖਜ਼ਾਨਚੀ ਗੀਤਾ ਅੰਬੁਜ, ਰਿਚਾ ਚਤੁਰਵੇਦੀ ਨੂੰ ਸਕੱਤਰ , ਰਾਧਿਕਾ ਭੂਟਾਨੀ ਅਤੇ ਊਸ਼ਾ ਬਾਂਸਲ ਨੂੰ ਵੀ ਜ਼ੀਰਕਪੁਰ ਮਹਿਲਾ ਮੋਰਚਾ ਦਾ ਸਕੱਤਰ ਨਿਯੁਕਤ ਕੀਤਾ ਗਿਆ। ਇਸ ਮੌਕੇ ਭਾਜਪਾ ਮੰਡਲ ਪ੍ਰਧਾਨ ਅਸ਼ੀਸ਼ ਗਰਗ ਨੇ ਕਿਹਾ ਕਿ ਭਾਰਤੀ ਜਨਤਾ ਪਾਰਟੀ ਦੇ ਸਮੂਹ ਵਰਕਰ ਪਾਰਟੀ ਦੀ ਮਜ਼ਬੂਤੀ ਲਈ ਦਿਨ ਰਾਤ ਕੰਮ ਕਰ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਲੋਕਾਂ ਦਾ ਭਾਰਤੀ ਜਨਤਾ ਪਾਰਟੀ ਵਿੱਚ ਬਹੁਤ ਵਿਸ਼ਵਾਸ ਹੈ ਅਤੇ ਉਹ ਲੋਕ ਬਹੁਤ ਹੀ ਉਤਸ਼ਾਹ ਨਾਲ ਪਾਰਟੀ ਲਈ ਕੰਮ ਕਰ ਰਹੇ ਹਨ ਸਮਾਗਮ ਦੌਰਾਨ ਮੰਡਲ ਵਾਈਸ ਪ੍ਰਧਾਨ ਅਨਿਲ ਸ਼ਰਮਾ ਮੰਡਲ ਸਕੱਤਰ ਨਿਧੀ ਬਲੂਨੀ , ਆਲਕਾ ਸੈਣੀ, ਦਿਨੇਸ਼ ਕੁਮਾਰ, ਐਸ ਕੇ ਰਾਏ ਤੋਂ ਇਲਾਵਾ ਹੋਰ ਵੀ ਭਾਜਪਾ ਵਰਕਰ ਮੌਜੂਦ ਸਨ। ਜਿਨ੍ਹਾਂ ਨੇ ਇਕ ਆਵਾਜ਼ ਵਿਚ ਕਿਹਾ ਕਿ ਉਹ ਭਾਰਤੀ ਜਨਤਾ ਪਾਰਟੀ ਦੇ ਸਿਪਾਹੀ ਬਣ ਕੇ ਦੇਸ਼ ਨਿਰਮਾਣ ਵਿੱਚ ਆਪਣਾ ਯੋਗਦਾਨ ਪਾਉਂਦੇ ਰਹਿਣਗੇ। ਉਨ੍ਹਾਂ ਕਿਹਾ ਕਿ ਭਾਰਤੀ ਜਨਤਾ ਪਾਰਟੀ ਦੇ ਜ਼ੀਰਕਪੁਰ ਮੰਡਲ ਦੇ ਸਮੂਹ ਵਰਕਰਾਂ ਵੱਲੋਂ ਪਾਰਟੀ ਦੀਆਂ ਨੀਤੀਆਂ ਨੂੰ ਘਰ ਘਰ ਪਹੁੰਚਾਇਆ ਜਾਵੇਗਾ।