ਚੰਡੀਗੜ੍ਹ - ਹਰਿਆਣਾ ਸਰਕਾਰ ਨੇ ਪਹਿਲੀ ਤੋਂ ਤੀਜੀ ਕਲਾਸ ਤਕ ਦੇ ਸਰਕਾਰੀ ਅਤੇ ਪ੍ਰਾਈਵੇਟ ਸਕੂਲਾਂ ਨੂੰ 20 ਸਤੰਬਰ, 2021 ਤੋਂ ਖੋਲਣ ਦਾ ਫੈਸਲਾ ਕੀਤਾ ਹੈ। ਇੰਨ੍ਹਾਂ ਸਕੂਲਾਂ ਵਿਚ ਕਲਾਸਾਂ ਨੂੰ ਸਿਖਿਆ ਵਿਭਾਗ ਵੱਲੋਂ ਜਾਰੀ ਐਸਓਪੀ ਦੀ ਪਾਲਣਾ ਕਰਦੇ ਹੋਏ ਚਲਾਇਆ ਜਾਵੇਗਾ।
ਇਕ ਸਰਕਾਰੀ ਬੁਲਾਰੇ ਨੇ ਜਾਣਕਾਰੀ ਦਿੰਦੇ ਹੋਏ ਦਸਿਆ ਕਿ ਕੋਰੋਨਾ ਮਹਾਮਾਰੀ ਦੇ ਚਲਦੇ ਲਾਕਡਾਊਨ ਦੀ ਪਾਲਣਾ ਵਿਚ ਰਾਜ ਦੇ ਸਕੂਲਾਂ ਨੂੰ ਬੰਦ ਕੀਤਾ ਗਿਆ ਸੀ। ਛੇਵੀਂ ਤੋਂ 12ਵੀਂ ਦੀ ਕਲਾਸਾਂ ਨੂੰ 23 ਜੁਲਾਈ, 2021 ਨੂੰ ਸ਼ੁਰੂ ਕੀਤਾ ਗਿਆ ਸੀ, ਜਦੋਂ ਕਿ ਚੌਥੀ ਤੋਂ ਪੰਜਵੀਂ ਦੀ ਕਲਾਸਾਂ ਨੂੰ 1 ਅਗਸਤ, 2021 ਨੂੰ ਖੋਲਿਆ ਗਿਆ ਸੀ। ਹੁਣ 20 ਸਤੰਬਰ, 2021 ਤੋਂ ਪਹਿਲੀ ਤੋਂ ਤੀਜੀ ਤਕ ਦੀ ਕਲਾਸਾਂ ਸ਼ੁਰੂ ਹੋਣਗੀਆਂ।
ਬੁਲਾਰੇ ਨੇ ਦਸਿਆ ਕਿ ਗ੍ਰਹਿ ਮੰਤਰਾਲੇ ਵੱਲੋਂ ਜਾਰੀ ਗਾਇਡਲਾਇਨ ਦੇ ਅਨੁਸਾਰ ਮਾਤਾ-ਪਿਤਾ ਦੀ ਪਹਿਲਾ ਮੰਜੂਰੀ ਦੇ ਨਾਲ ਵਿਦਿਆਰਥੀ ਨੂੰ ਸਕੂਲ ਵਿਚ ਆਉਣ ਦੀ ਅਨੁਮਤੀ ਹੋਵੇਗੀ। ਸਕੂਲ ਵਿਚ ਹਰ ਵਿਦਿਆਰਥੀ ਦੇ ਤਾਪਮਾਨ ਦੀ ਜਾਂਚ ਹੋਵੇਗੀ। ਆਮ ਤੋਂ ਵੱਧ ਤਾਪਮਾਨ ਵਾਲੇ ਕਿਸੇ ਵੀ ਵਿਦਿਆਰਥੀ ਜਾਂ ਵਿਜ਼ਅਰ ਦਾ ਸਕੂਲ ਵਿਚ ਦਾਖਲਾ ਨਹੀਂ ਦਿੱਤਾ ਜਾਵੇਗਾ।