ਕੁਰਾਲੀ, ਮਾਜਰੀ -ਸਯੁੰਕਤ ਕਿਸਾਨ ਮੋਰਚੇ ਵੱਲੋਂ ਦਿੱਤੇ ਭਾਰਤ ਬੰਦ ਦੇ ਸੱਦੇ ਅਨੁਸਾਰ ਕਿਸਾਨਾਂ ਵੱਲੋਂ ਬਜ਼ਾਰ ਬੰਦ ਰੱਖਣ ਲਈ ਮਾਰਚ ਰਾਹੀਂ ਅਪੀਲ ਕੀਤੀ ਗਈ। ਇਸ ਸਬੰਧੀ ਕੁਰਾਲੀ ਵਿਖੇ ਕੱਢੇ ਮਾਰਚ ਦੌਰਾਨ ਸੰਘਰਸ਼ੀ ਕਿਸਾਨਾਂ ਨੇ ਸਮੂਹ ਦੁਕਾਨਦਾਰਾਂ ਅਤੇ ਕਾਰੋਬਾਰੀਆਂ ਨੂੰ 27 ਸਤੰਬਰ ਨੂੰ ਭਾਰਤ ਬੰਦ ਦੇ ਸਮਰਥਨ ਲਈ ਆਪਣੇ ਕੰਮ ਬੰਦ ਕਰਕੇ ਕਿਸਾਨ ਸੰਘਰਸ਼ ਨਾਲ ਜੁੜਨ ਦੀ ਅਪੀਲ ਕਰਦਿਆਂ ਕਿਹਾ ਕਿ ਕੇਂਦਰ ਸਰਕਾਰ ਜਿੱਥੇ ਮਾਰੂ ਬਿੱਲਾਂ ਰਾਹੀਂ ਖੇਤੀ ਧੰਦੇ ਨੂੰ ਕਿਰਤੀ ਮਾਲਕਾਂ ਤੋਂ ਖੋਹਕੇ ਅਮੀਰ ਘਰਾਣਿਆਂ ਹੱਥ ਦੇਣ ਦੀ ਸੋਚ ਜਿੱਥੇ ਕਿਸਾਨਾਂ ਲਈ ਤਾ ਘਾਤਕ ਹੈ ਹੀ, ਉਥੇ ਹੋਰ ਕਾਰੋਬਾਰੀਆਂ ਲਈ ਵੀ ਵੱਡੀ ਨੁਕਸਾਨਦੇਹ ਹੈ, ਕਿਉਂਕਿ ਹਰ ਕਾਰੋਬਾਰ ਖੇਤੀ ਤੇ ਅਧਾਰਿਤ ਹੈ, ਜਦੋਂ ਕਿਸਾਨ ਦੀ ਫ਼ਸਲ ਆਉਂਦੀ ਹੈ ਉਸ ਨਾਲ ਅਤੇ ਕਿਸਾਨ ਵੱਲੋਂ ਕੀਤੀ ਖਰੀਦਦਾਰੀ ਉਨ੍ਹਾਂ ਲਈ ਸਹਾਇਕ ਹੁੰਦੀ ਹੈ। ਇਸ ਲਈ ਹਰ ਵਰਗ ਨੂੰ ਰਲ ਮਿਲਕੇ ਖੇਤੀ ਵਿਰੋਧੀ ਬਿੱਲਾਂ ਦਾ ਵਿਰੋਧ ਕਰਨਾ ਚਾਹੀਦਾ ਹੈ, ਤਾ ਜੋ ਉਨ੍ਹਾਂ ਦੇ ਹਿੱਤ ਕਾਇਮ ਰਹਿ ਸਕੇ। ਇਨ੍ਹਾਂ ਸਭਨਾਂ ਨੂੰ ਕੇਂਦਰ ਸਰਕਾਰ ਤੱਕ ਆਵਾਜ਼ ਪੁੱਜਾਉਣ ਲਈ 27 ਨੂੰ ਭਾਰਤ ਬੰਦ ਮੌਕੇ ਪੂਰਨ ਸਹਿਯੋਗ ਦੀ ਅਪੀਲ ਕੀਤੀ। ਇਸ ਮੌਕੇ ਰੇਸ਼ਮ ਸਿੰਘ ਬਡਾਲੀ
ਗੁਰਮੀਤ ਸਿੰਘ ਸਾਂਟੂ, ਰਵਿੰਦਰ ਸਿੰਘ ਵਜੀਦਪੁਰ, ਮਨਦੀਪ ਸਿੰਘ ਖਿਜਰਾਬਾਦ
ਬਹਾਦਰ ਸਿੰਘ ਢੰਗਰਾਲੀ, ਅਮਰਜੀਤ ਸਿੰਘ ਕਕਰਾਲੀ, ਗੁਰਪਾਲ ਸਿੰਘ ਬਡਾਲੀ
ਜੋਧ ਸਿੰਘ ਢੰਗਰਾਲੀ, ਜਿੰਮੀ ਕੁਰਾਲੀ ਅਤੇ
ਮਾ: ਸੁਖਦੀਪ ਸਿੰਘ ਪਪਰਾਲੀ ਆਦਿ ਮੋਹਤਬਰ ਕਿਸਾਨ ਹਾਜ਼ਰ ਸਨ।