ਖਰੜ :-ਸ੍ਰੀ ਰਾਮ ਲੀਲਾ ਕਲੱਬ ਵੱਲੋਂ ਦਸ਼ਹਿਰਾ ਮੈਦਾਨ ਦੇ ਵਿੱਚ ਦਿਖਾਈ ਜਾ ਰਹੀ ਰਾਮਲੀਲਾ ਦੇ ਦੌਰਾਨ ਸੀਤਾ ਹਰਨ ਦਾ ਸੀਨ ਦਿਖਾਇਆ ਗਿਆ। ਜਿਸ ਵਿਚ ਮਾਤਾ ਸੀਤਾ ਨੂੰ ਲੰਕਾਪਤੀ ਰਾਵਣ ਵਲੋਂ ਧੋਕੇ ਨਾਲ ਹਰਨ ਕੀਤਾ ਗਿਆ। ਇਸ ਮੌਕੇ ਨਗਰ ਨਿਵਾਸੀਆਂ ਦਾ ਠਾਠਾਂ ਮਾਰਦਾ ਇਕੱਠ ਵੇਖਣ ਨੂੰ ਮਿਲਿਆ। ਜਾਣਕਾਰੀ ਦੇਂਦੇ ਹੋਏ ਕਲੱਬ ਦੇ ਸੀਨੀਅਰ ਮੇਮ੍ਬਰ ਪ੍ਰਿੰਸੀਪਲ ਜਤਿੰਦਰ ਗੁਪਤਾ ਨੇ ਦੱਸਿਆ ਕਿ ਨਗਰ ਨਿਵਾਸੀਆਂ ਵਲੋਂ ਮਿਲ ਰਹੇ ਪਿਆਰ ਤੇ ਯੋਗਦਾਨ ਲਈ ਅਸੀਂ ਇਹਨਾਂ ਦੇ ਧੰਨਵਾਦੀ ਹਾਂ ਤੇ ਰਾਮ ਲੀਲਾ ਦੇ ਮੰਚਾਂ ਦੇ ਦੌਰਾਨ ਸੀਨੀਅਰ ਸਿਟੀਜਨ, ਅਤੇ ਹੋਰਾਂ ਲਈ ਬੈਠਣ ਦਾ ਖਾਸ ਪ੍ਰਬੰਧ ਕੀਤਾ ਹੋਇਆ ਹੈ। ਉਹਨਾਂ ਦੱਸਿਆ ਕਿ ਕਲੱਬ ਦੇ ਮੇਮ੍ਬਰਾਂ ਵਲੋਂ ਮੇਹਨਤ ਅਤੇ ਲਗਨ ਨਾਲ ਤਿਆਰ ਕੀਤੇ ਸੀਨ ਬਾਲੀ ਸੁਗਰੀਵ ਦਾ ਮਹਾ ਯੁੱਧ, ਅੰਗਦ ਸੰਵਾਦ, ਲੰਕਾ ਦੇਹਨ, ਕੁੰਬਕਰਨ ਦਾ ਮਹਿਲ, ਲੰਕਾ ਪਤੀ ਰਾਵਣ ਦਾ ਵੱਧ ਤੇ ਮਰਿਯਾਦਾ ਪਰਸ਼ੋਤਮ ਭਗਵਾਨ ਸ਼੍ਰੀ ਰਾਮ ਦਾ ਰਾਜਤਿਲਕ ਦਿਖਾਇਆ ਜਾਵੇਗਾ। ਇਸ ਮੌਂਕੇ ਕਲੱਬ ਦੇ ਪ੍ਰਧਾਨ ਜਵਾਹਰ ਲਾਲ ਸ਼ਰਮਾ, ਮਨਜੀਤ ਸਿੰਘ ਬੈਦਵਾਣ, ਹਰਸ਼ ਸ਼ਰਨਾ, ਪ੍ਰੇਮ ਸ਼ਰਮਾ, ਹੇਮੰਤ ਸ਼ਰਮਾ, ਜੁਝਾਰ ਸਿੰਘ ਲੋਗੀਆਂ, ਪ੍ਰਦੀਪ ਵੈਦ (ਬਿੱਟੂ) ਮੁਕੇਸ਼ ਸ਼ਰਮਾ, ਅਸ਼ਵਨੀ ਸ਼ਰਮਾ, ਸੋਹਨ ਲਾਲ ਧੀਮਾਨ, ਗੁਰਮੁੱਖ ਸਿੰਘ ਮਾਨ ਸਮੇਤ ਹੋਰ ਪੰਤਵੱਤੇ ਸੱਜਣ ਹਾਜ਼ਰ ਸਨ।