ਉਘੇ ਸਮਾਜ ਸੇਵੀ ਅਤੇ ਅੰਬਿਕਾ ਗਰੁੱਪ ਖਰੜ ਦੇ ਐਮ.ਡੀ. ਪ੍ਰਵੀਨ ਕੁਮਾਰ ਨਾਲ ਮੀਟਿੰਗ ਕਰਕੇ ਖਰੜ ਇਲਾਕੇ ਵਿਚ ਪਤੰਯਲੀ ਯੋਗਪੀਠ ਸ੍ਰੀ ਹਰਿਦੁਆਰ ਵਰਗੀ ਸੰਸਥਾ ਖੋਹਲਣ ਦੀ ਅਪੀਲ ਕੀਤੀ ਉਹ ਬੀਤੀ ਦਿਨੀ ਯੋਗ ਗੁਰੂ ਬਾਬਾ ਰਾਮ ਦੇਵ ਦੇ ਸੱਦੇ ਤੇ ਉਨ੍ਹਾਂ ਨਾਲ ਪਤੰਯਲੀ ਯੋਗਪੀਠ ਸ੍ਰੀ ਹਰਿਦੁਆਰ ਵਿਖੇ ਗਏ ਸਨ ਅਤੇ ਉਨ੍ਹਾਂ ਨਾਲ ਉਥੇ ਗੱਲਬਾਤ ਕੀਤੀ। ਯੋਗ ਗੁਰੂ ਬਾਬਾ ਰਾਮ ਦੇਵ ਵਲੋਂ ਸ੍ਰੀ ਪ੍ਰਵੀਨ ਕੁਮਾਰ ਨੂੰ ਵਿਸ਼ਵ ਪੱਧਰ ਦੇ ਮੈਡੀਕਲ ਅਤੇ ਆਯੂਰਵੈਦਿਕ ਖੋਜ ਸੰਸਥਾ ਦਾ ਦੌਰਾ ਕਰਵਾ ਕੇ ਜਾਣਕਾਰੀ ਦਿੱਤੀ ਤੇ ਦਸਿਆ ਕਿ ਯੋਗ ਗੁਰੂ ਮਹਾਂਰਿਸ਼ੀ ਪਤੰਯਲੀ ਦੇ ਨਾਂ ਤੇ ਆਯੂਰਵੈਦਾ ਅਤੇ ਯੋਗ ਰਾਹੀ ਵੱਖ ਵੱਖ ਵਿਧੀਆਂ ਰਾਹੀ ਬਿਮਾਰੀ ਤੋਂ ਪੀੜਤਾਂ ਦਾ ਇਲਾਜ਼ ਕੀਤਾ ਜਾਂਦਾ ਹੈ। ਉਨ੍ਹਾਂ ਦਸਿਆ ਕਿ ਉਨ੍ਹਾਂ ਯੋਗ ਗੁਰੂ ਬਾਬਾ ਰਾਮ ਦੇਵ ਨਾਲ ਮੀਟਿੰਗ ਦੌਰਾਨ ਇਸ ਮਸਲੇ ਤੇ ਵੀ ਵਿਚਾਰ ਚਰਚਾ ਕੀਤੀ ਕਿ ਉਨ੍ਹਾਂ ਦੀ ਸੋਚ ਹੈ ਕਿ ਪਤੰਯਲੀ ਵਾਂਗ ਹੀ ਆਯੂਰਵੈਦਾ-ਯੋਗ ਸੰਸਥਾ ਦਾ ਖਰੜ ਸ਼ਹਿਰ ਅਤੇ ਇਲਾਕੇ ਅੰਦਰ ਵੀ ਸਥਾਪਿਤ ਹੋਵ ਜਿਥੋ ਕਿ ਇਸ ਇਲਾਕੇ ਲੋਕੀ ਯੋਗ ਨਾਲ ਵੱਧ ਤੋਂ ਵੱਧ ਜੁੜ ਸਕਣ ਅਤੇ ਬਿਮਾਰੀਆਂ ਤੋਂ ਮੁਕਤ ਹੋ ਸਕਣ। ਉਨ੍ਹਾਂ ਯੋਗ ਬਾਬਾ ਰਾਮ ਦੇਵ ਜੀ ਨੂੰ ਭਰੋਸਾ ਦਿਵਾਇਆ ਕਿ ਜੇਕਰ ਖਰੜ ਇਲਾਕੇ ਅੰਦਰ ਬਾਬਾ ਰਾਮ ਦੇਵ ਜੀ ਵਲੋਂ ਇਸ ਤਰ੍ਹਾਂ ਦੀ ਸੰਸਥਾ ਸਥਾਪਿਤ ਕਰਦੀ ਹੈ ਤਾਂ ਉਹ ਹਰ ਸੰਭਵ ਸਹਿਯੋਗ ਦੇਣਗੇ। ਮੀਟਿੰਗ ਦੌਰਾਨ ਬਾਬਾ ਰਾਮ ਦੇਵ ਨੇ ਭਰੋਸਾ ਦਿਵਾਇਆ ਕਿ ਉਹ ਜਲਦੀ ਹੀ ਖਰੜ ਇਲਾਕੇ ਦਾ ਦੌਰਾ ਕਰਕੇ ਸੰਸਥਾ ਦਾ ਸਥਾਪਤ ਕਰਨ ਦਾ ਯਤਨ ਕਰਨਗੇ। ਉਨ੍ਹਾਂ ਦਸਿਆ ਕਿ ਪੰਜਾਬ, ਹਿਮਾਂਚਲ ਪ੍ਰਦੇਸ ਦੇ ਅੰਦਰ ਜਲਦੀ ਹੀ ਵੈਲਨੈਸ ਕੈਂਪ ਲਗਾਏ ਜਾ ਰਹੇ ਹਨ ਉਸ ਵਿਚ ਅੰਬਿਕਾ ਗਰੁੱਪ ਵਲੋਂ ਸਹਿਯੋਗ ਦਿੱਤਾ ਜਾਵੇਗਾ। ਸਮਾਜ ਸੇਵੀ ਕੰਮਾਂ ਲਈ ਬਾਬਾ ਰਾਮ ਦੇਵ ਵਲੋ ਅੰਬਿਕਾ ਗਰੁੱਪ ਦੇ ਨਿਰਦੇਸ਼ਕ ਦਾ ਵਿਸ਼ੇਸ਼ ਤੌਰ ਤੇ ਸਨਮਾਨ ਵੀ ਕੀਤਾ।