ਸ੍ਰੀ ਦਰਬਾਰ ਸਾਹਿਬ ਸ੍ਰੀ ਕਰਤਾਰਪੁਰ ਸਾਹਿਬ ਵਿਖੇ ਸਿੱਖ ਭਾਵਨਾਵਾਂ ਨਾਲ ਖਿਲਵਾੜ ਕਰਦੀ ਮਾਡਲਿੰਗ ਕੀਤੇ ਜਾਣ ਤੇ ਪੜਤਾਲ ਜਾਰੀ ਹੈ।ਲਾਹੌਰ ਦੇ ਮੰਨਤ ਗਰੁਪ ਵਲੋ ਇਕ ਮਾਡਲ ਕੋਲੋ ਸ੍ਰੀ ਦਰਬਾਰ ਸਾਹਿਬ ਸ੍ਰੀ ਕਰਤਾਰਪੁਰ ਸਾਹਿਬ ਵਿਖੇ ਮਾਡਲਿੰਗ ਕਰਵਾਈ ਸੀ ਜਿਸ ਦੀਆਂ ਤਸਵੀਰਾਂ ਸ਼ੋਸ਼ਲ ਮੀਡੀਆ ਤੇ ਵਾਇਰਲ ਹੋਈਆਂ ਸਨ।ਦਸਣਯੋਗ ਹੈ ਕਿ ਮਾਡਲ ਨੇ ਸਿੱਖ ਭਾਵਨਾਵਾਂ ਤੋ ਉਲਟ ਜਾ ਕੇ ਗੁਰਦਵਾਰਾ ਸਾਹਿਬ ਦੀ ਹਦੂਦ ਅੰਦਰ ਲੰਗੇ ਸਿਰ ਮਾਡਲਿੰਗ ਕੀਤੀ ਹੈ।ਜਿਸ ਤੋ ਬਾਅਦ ਪਾਕਿਸਤਾਨ ਸਮੇਤ ਦੁਨੀਆਂ ਭਰ ਦੇ ਸਿੱਖਾਂ ਦੇ ਮਨਾ ਵਿਚ ਰੋਸ ਦੀ ਭਾਵਨਾ ਹੈ। ਇਸ ਮਾਮਲੇ ਤੇ ਤੁਰੰਤ ਐਕਸ਼ਨ ਲੈਦਿਆਂ ਮੁੱਖ ਮੰਤਰੀ ਪੰਜਾਬ ਜਨਾਬ ਉਸਮਾਨ ਬੁਜਦਾਰ ਨੇ ਇਸ ਘਟਨਾਂ ਦੇ ਜਿੰਮੇਵਾਰ ਵਿਅਕਤੀਆਂ ਦ ਖਿਲਾਫ ਸਖਤ ਕਾਰਵਾਈ ਕਰਨ ਦਾ ਫੈਸਲਾ ਲਿਆ ਹੈ। ਜਨਾਬ ਬੁਜਦਾਰ ਨੇ ਆਪਣੇ ਇਕ ਬਿਆਨ ਵਿਚ ਕਿਹਾ ਕਿ ਮਾਡਲਿੰਗ ਦੀ ਇਜਾਜਤ ਦੇਣ ਵਾਲੇ ਸਟਾਫ ਦੇ ਖਿਲਾਫ ਵੀ ਕਾਰਵਾਈ ਕੀਤੀ ਜਾਵੇਗੀ। ਪਾਕਿਤਸਨ ਵਿਚ ਘਟ ਗਿਣਤੀਆਂ ਦਾ ਮਾਨ ਸਤਿਕਾਰ ਹਰ ਹੀਲੇ ਬਰਕਾਰਾ ਰਖਿਆ ਜਾਵੇਗਾ। ਜਨਾਬ ਬੁਜਦਾਰ ਨੇ ਕਿਹਾ ਕਿ ਉਨਾਂ ਨੁੰ ਦੁਖ ਹੈ ਕਿ ਇਸ ਘਟਨਾ ਨਾਲ ਸਿੱਖ ਭਾਵਨਾਵਾਂ ਨੂੰ ਠੇਸ ਪੁੱਜੀ ਹੈ। ਭਵਿਖ ਵਿਚ ਅਜਿਹਾ ਨਾ ਹੋਵੇ ਉਸ ਦੇ ਪ੍ਰਬੰਧ ਕੀਤੇ ਜਾ ਰਹੇ ਹਨ।ਘਟਨਾਂ ਦੀ ਪੜਤਾਲ ਕਰਕੇ ਜਿੰਮੇਵਾਰ ਵਿਅਕਤੀਆਂ ਦੇ ਖਿਲਾਫ ਕਾਰਵਾਈ ਕੀਤੀ ਜਾਵੇਗੀ।