ਚੰਡੀਗੜ੍ਹ- ਹਰਿਆਣਾ ਦੇ ਸਿਹਤ ਮੰਤਰੀ ਸ੍ਰੀ ਅਨਿਲ ਵਿਜ ਦੇ ਨਿਰਦੇਸ਼ਾਂ ਅਨੁਸਾਰ ਅੱਜ ਹਰਿਆਣਾ ਕੰਟਰੋਲ ਬਿਊਰੋ ਅਤੇ ਪੁਲਿਸ ਦੀ ਸੰਯੁਕਤ ਟੀਮ ਨੇ ਅੱਜ ਅੰਬਾਲਾ ਕੈਂਟ ਵਿਚ ਨਕਲੀ ਸ਼ੈਂਪੂ ਬਨਾਉਣ ਦੀ ਇਕ ਫੈਕਟਰੀ ਦਾ ਭੰਡਾਫੋੜ ਕੀਤਾ ਹੈ। ਫੜੇ ਗਏ ਲੋਕਾਂ ਦੇ ਕਬਜੇ ਤੋਂ ਪੰਚ ਲੱਖ ਤੋਂ ਉੱਪਰ ਦਾ ਸਮਾਨ ਜਬਤ ਕਰਨ ਵਿਚ ਸਫਲਤਾ ਹਾਸਲ ਕੀਤੀ ਹੈ। ਇਸ ਕਾਰਵਾਈ ਵਿਚ ਦੋ ਲੋਕਾਂ ਨੂੰ ਗਿਰਫਤਾਰ ਕੀਤਾ ਹੈ।
ਇਸ ਸਬੰਧ ਵਿਚ ਜਾਣਕਾਰੀ ਦਿੰਦੇ ਹੋਏ ਹਰਿਆਣਾ ਡਰੱਗ ਕੰਟਰੋਲ ਬਿਊਰੋ ਦੇ ਬੁਲਾਰੇ ਨੇ ਦਸਿਆ ਕਿ ਇਸ ਸੰਯੁਕਤ ਕਾਰਵਾਈ ਵਿਚ ਫੈਕਟਰੀ ਨੂੰ ਸੀਲ ਕਰ ਦਿੱਤਾ ਗਿਆ ਹੈ ਅਤੇ ਸੈਂਪਲ ਲੈ ਲਏ ਗਏ ਹਨ। ਬੁਲਾਰੇ ਨੇ ਦਸਿਆ ਕਿ ਇਸ ਫੈਕਟਰੀ ਵਿਚ ਸਨਸਲਿਕ ਅਤੇ ਕਲੀਨਿਕ ਪਲੱਸ ਨਾਂਅ ਦੇ ਨਕਲੀ ਸ਼ੈਂਪੂ ਬਣਾਏ ਜਾ ਰਹੇ ਸਨ ਅਤੇ ਬਾਜਾਰ ਵਿਚ ਵੇਚਣ ਦਾ ਕੰਮ ਕੀਤਾ ਜਾ ਰਿਹਾ ਸੀ।
ਬੁਲਾਰੇ ਨੇ ਇਹ ਵੀ ਦਸਿਆ ਕਿ ਇਸ ਫੈਕਟਰੀ ਵਿਚ ਹੁਣ ਦੋ ਮਜਦੂਰਾਂ ਨਾਮਤ ਭੁਪੇਂਦਰ ਅਤੇ ਸੀਤਾਰਾਮ ਨੂੰ ਗਰਫਤਾਰ ਕੀਤਾ ਗਿਆ ਹੈ। ਉਨ੍ਹਾਂ ਨੇ ਦਸਿਆ ਕਿ ਹਿੰਦੂਸਤਾਨ ਲੀਵਰ ਕੰਪਨੀ ਦੇ ਨਾਂਅ ਨਾਲ ਇਹ ਉਤਪਾਦ ਬਣਾਏ ਜਾ ਰਹੇ ਸਨ ਅਤੇ ਬਿਨ੍ਹਾਂ ਲਾਇਸੈਂਸ ਦੇ ਇੰਨ੍ਹਾਂ ਉਤਪਾਦਾਂ ਨੂੰ ਬਣਾ ਕੇ ਬਾਜਾਰ ਵਿਚ ਵੇਚਣ ਦਾ ਕੰਮ ਕੀਤਾ ਜਾ ਰਿਹਾ ਸੀ। ਬੁਲਾਰੇ ਨੇ ਇਹ ਵੀ ਦਸਿਆ ਕਿ ਇਹ ਨਕਲੀ ਸਮਾਨ ਬਨਾਉਣ ਦੇ ਏਵਜ ਵਿਚ ਡਰੱਗ ਐਂਡ ਕਾਸਮੇਟਿਕ ਐਕਟ ਅਤੇ ਕ੍ਰਿਮਿਨਲ ਐਕਟ ਦੇ ਨਾਲ-ਨਾਲ ਕਾਪੀਰਾਇਟ ਐਕਟ ਦੀ ਧਾਰਾਵਾਂ ਦੇ ਤਹਿਤ ਪਰਚਾ ਦਰਜ ਕੀਤਾ ਜਾ ਰਿਹਾ ਹੈ।
ਬੁਲਾਰੇ ਨੇ ਦਸਿਆ ਕਿ ਸੀਲ ਕੀਤੀ ਗਈ ਫੈਕਟਰੀ ਗਲੀ ਨੰਬਰ 1, ਸੋਨਿਆ ਕਾਲੋਨੀ ਮਹੇਸ਼ ਨਗਰ, ਅੰਬਾਲਾ ਕੈਂਟ ਵਿਚ ਹੈ। ਹੁਣ ਕਾਰਵਾਈ ਚੱਲ ਰਹੀ ਹੈ ਅਤੇ ਇਸ ਦੇ ਬਾਅਦ ਜਾਂਚ ਕੀਤੀ ਜਾਵੇਗੀ।
ਬੁਲਾਰੇ ਨੇ ਦਸਿਆ ਕਿ ਇਕ ਟਿਪ ਦੇ ਆਧਾਰ 'ਤੇ ਇਹ ਕਾਰਵਾਈ ਕੀਤੀ ਗਈ ਹੈ ਅਤੇ ਇਸ ਸੰਯੂਕਤ ਟੀਮ ਵਿਚ ਪੁਲਿਸ ਦੇ ਨਾਲ-ਨਾਲ ਸੀਨੀਅਰ ਡਰੱਗ ਕੰਟਰੋਲ ਅਫਸਰ ਸੁਨੀਲ ਦਹਿਆ, ਡਰੱਗ ਕੰਟਰੋਲ ਅਫਸਰ ਰਜਨੀਸ਼ ਅਤੇ ਪੰਚਕੂਲਾ ਤੋਂ ਡਰੱਗ ਕੰਟਰੋਲ ਅਫਸਰ ਪ੍ਰਵੀਣ ਕੁਮਾਰ ਸ਼ਾਮਿਲ ਹਨ।
ਉਨ੍ਹਾਂ ਨੇ ਦਸਿਆ ਕਿ ਹਰਿਆਣਾ ਦੇ ਸਿਹਤ ਮੰਤਰੀ ਸ੍ਰੀ ਅਨਿਲ ਵਿਜ ਦੇ ਨਿਰਦੇਸ਼ਾਂ ਅਨੁਸਾਰ ਇਹ ਕਾਰਵਾਈ ਅਮਲ ਵਿਚ ਲਿ ਆਈ ਜਾ ਰਹੀ ਹੈ ਅਤੇ ਹੁਣ ਨਕਲੀ ਸਮਾਨ ਬਨਾਉਣ ਵਾਲਿਆਂ ਦੀ ਖੈਰ ਨਹੀਂ ਹੋਵੇਗੀ।
ਪਿਛਲੇ ਦਿਨਾਂ ਸਿਹਤ ਮੰਤਰੀ ਸ੍ਰੀ ਅਨਿਲ ਵਿਜ ਨੇ ਉੱਚ ਅਧਿਕਾਰੀਆਂ ਦੀ ਵੀ ਮੀਟਿੰਗ ਲਈ ਸੀ ਜਿਸ ਵਿਚ ਨਸ਼ੇ ਦਾ ਕਾਰੋਬਾਰ ਕਰਨ ਵਾਲਿਆਂ ਦੇ ਖਿਲਾਫ ਸਖਤ ਕਾਰਵਾਈ ਕਰਨ ਬਾਰੇ ਨਿਰਦੇਸ਼ ਦਿੱਤੇ ਗਏ ਸਨ। ਸਿਹਤ ਮੰਤਰੀ ਦੇ ਨਿਰਦੇਸ਼ਾਂ 'ਤੇ ਇਕ ਐਪ ਵੀ ਜਲਦੀ ਲਾਂਚ ਹੋਣ ਵਾਲੀ ਹੈ ਜਿਸ ਦੇ ਤਹਿਤ ਨਸ਼ੇ ਵਿਚ ਵਰਤੋ ਹੋਣ ਵਾਲੀ ਦਵਾਈਆਂ 'ਤੇ ਰੋਕ ਲਗਾਈ ਜਾਵੇਗੀ।