ਨਵੀਂ ਦਿੱਲੀ- ਸਵਦੇਸ਼ੀ ਜਾਗਰਣ ਮੰਚ ਦਿੱਲੀ ਪ੍ਰਦੇਸ਼ ਮਹਿਲਾ ਸੈੱਲ ਵੱਲੋਂ ਮਕਰ ਸੰਕ੍ਰਾਂਤੀ ਦੇ ਤਿਉਹਾਰ `ਤੇ ਇਕ ਵਰਚੁਅਲ ਮੀਟਿੰਗ ਕੀਤੀ ਗਈ।ਮੀਟਿੰਗ `ਚ ਮਕਰ ਸੰਕ੍ਰਾਂਤੀ ਦੇ ਤਿਉਹਾਰ ਅਤੇ ਭਾਰਤੀ ਆਰਥਿਕਤਾ ਦੇ ਵਿਸ਼ੇ `ਤੇ ਚਰਚਾ ਕੀਤੀ ਗਈ।ਮੀਟਿੰਗ ਦੀ ਪ੍ਰਧਾਨਗੀ ਦਿੱਲੀ ਸੂਬੇ ਦੀ ਮਹਿਲਾ ਪ੍ਰਧਾਨ ਡਾ. ਸੁਨੀਤਾ ਦਹੀਆ ਨੇ ਕੀਤੀ। ਜਿਸ ਵਿਚ ਜੇ.ਐਨ.ਯੂ ਦੇ ਸੀਨੀਅਰ ਪ੍ਰੋਫੈਸਰ ਅੰਸੂ ਜੋਸ਼ੀ ਮੁੱਖ ਬੁਲਾਰੇ ਦੇ ਤੌਰ `ਤੇ ਸ਼ਾਮਲ ਹੋਈ। ਜਿਸ ਨੇ ਭਾਰਤੀ ਅਰਥਚਾਰੇ ਦੀ ਨੀਂਹ ਭਾਰਤੀ ਤਿਉਹਾਰਾਂ ਦੇ ਵਿਸ਼ੇ `ਤੇ ਆਪਣਾ ਬਿਆਨ ਦਿੱਤਾ।ਉਨ੍ਹਾਂ ਕਿਹਾ ਕਿ ਨੌਜਵਾਨ ਪੀੜ੍ਹੀ ਨੂੰ
ਭਾਰਤੀ ਤਿਉਹਾਰਾਂ ਅਤੇ ਭਾਰਤੀ ਸੱਭਿਆਚਾਰ ਨਾਲ ਜੋੜਨ ਦੀ ਲੋੜ ਹੈ, ਜਿੱਥੇ ਭਾਰਤ ਵਿੱਚ
ਪੱਛਮੀ ਸੱਭਿਆਚਾਰ ਦਾ ਪ੍ਰਭਾਵ ਵੱਧ ਰਿਹਾ ਹੈ, ਉੱਥੇ ਇਹ ਇਸ ਵਿੱਚ ਵੱਡੀ ਭੂਮਿਕਾ ਨਿਭਾਏਗਾ। ਡਾ. ਸੁਨੀਤਾ ਦਹੀਆ ਨੇ ਕਿਹਾ ਕਿ ਸਥਾਨਕ ਰੁਜ਼ਗਾਰ ਨੂੰ ਮਜ਼ਬੂਤ ਕਰਨ `ਚ ਭਾਰਤੀ ਤਿਉਹਾਰਾਂ ਦਾ ਵੱਡਾ ਹੱਥ ਹੈ, ਜਿਵੇਂ ਕਿ ਦੀਵਾਲੀ `ਚ ਮਿੱਟੀ ਦੇ ਦੀਵੇ, ਮਕਰ ਸੰਕ੍ਰਾਂਤੀ ਤੇ ਲੋਹੜੀ `ਚ ਗਜ਼ਕ, ਮੂੰਗਫਲੀ, ਰਿਉੜੀ, ਪਤੰਗ ਆਦਿ ਦਾ ਕਾਰੋਬਾਰ ਕਰਨ ਵਾਲੇ ਲੋਕਾਂ ਨੂੰ ਮੁਨਾਫ਼ਾ ਪਹੁੰਚਦਾ ਹੈ।ਉਹਨਾਂ ਕਿਹਾ ਕਿ ਭਾਰਤੀ ਤਿਉਹਾਰਾਂ ਨੂੰ ਸ਼ਰਧਾ ਅਤੇ ਸਤਿਕਾਰ ਨਾਲ ਮਨਾਉਣ ਲਈ ਲੋਕਾਂ ਵਿੱਚ ਸਵਦੇਸ਼ੀ ਜਾਗਰਣ ਮੰਚ ਰਾਹੀਂ ਉਹ ਇਸ
ਉਤੇ ਜਾਗਰੂਕਤਾ ਫੈਲਾਉਣਗੇ।ਵੀਡੀਓ ਕਾਨਫਰੰਸ ਰਾਹੀਂ ਹੋਈ ਇਸ ਮੀਟਿੰਗ ਵਿੱਚ ਸਵਦੇਸ਼ੀ
ਜਾਗਰਣ ਮੰਚ ਦੀ ਅਖਿਲ ਭਾਰਤੀ ਮਹਿਲਾ ਪ੍ਰਧਾਨ ਸੁਧਾ ਸ਼ਰਮਾ, ਦਿੱਲੀ ਸੂਬਾ ਸਹ-ਸੰਯੋਜਿਕਾ ਡਾ. ਅਨੀਤਾ ਪਾਂਡੇ, ਸ਼ਸ਼ੀਪ੍ਰਭਾ, ਡਾ. ਪ੍ਰੀਤੀ ਅਤੇ ਵੱਖ-ਵੱਖ ਖੇਤਰਾਂ ਅਤੇ ਜਥੇਬੰਦੀਆਂ ਨਾਲ ਸਬੰਧ ਰੱਖਣ ਵਾਲੀਆਂ 35 ਤੋਂ 40 ਮਹਿਲਾ ਕਾਰਕੁੰਨਾਂ ਨੇ ਸ਼ਮੂਲੀਅਤ ਕੀਤੀ।