ਨਵੀਂ ਦਿੱਲੀ- ਨੈਸਨਲ ਬੈਂਕਾਂ ਵਿੱਚ ਕਈ ਵਾਰ ਇਹ ਦੇਖਣ ਨੂੰ ਮਿਲਿਆ ਹੈ ਕਿ ਸਕਿਉਰਿਟੀ ਗਾਰਡਾਂ ਦੀਆ ਪੋਸਟਾ ਨਿੱਕਲਦੀਆਂ ਹਨ ਤੇ ਬੈਂਕ ਸਿੱਧੇ
ਨਾਮ ਸਾਬਕਾ ਫੌਜੀਆਂ ਦੇ ਜਿਲ੍ਹਾ ਸੈਨਿਕ ਭਲਾਈ ਦਫ਼ਤਰਾਂ ਵਿੱਚੋਂ ਮੰਗ ਲੈਦੀਆ ਹਨ ਇਸ ਪਰੀਕ੍ਰਿਆ ਵਿੱਚ ਬਹੁਤ ਸਾਰੇ ਢੁੱਕਵੇ ਸਾਬਕਾ ਫੌਜੀ ਅਪਲਾਈ ਕਰਨ ਤੋਂ ਰਹਿ ਜਾਂਦੇ ਹਨ।ਇਨ੍ਹਾਂ ਸ਼ਬਦਾਂ ਦਾ ਪ੍ਰਗਟਾਵਾ ਕਰਦਿਆਂ ਹੋਇਆਂ ਸੈਨਿਕ ਵਿੰਗ ਸ੍ਰੋਮਣੀ ਅਕਾਲੀ ਦਲ ਦੇ ਸੂਬਾ ਪ੍ਰਧਾਨ ਇੰਜ. ਗੁਰਜਿੰਦਰ ਸਿੰਘ ਸਿੱਧੂ ਨੇ ਕਿਹਾ ਕਿ ਸਾਬਕਾ ਫੌਜੀ ਜਿਨ੍ਹਾਂ ਨੇ ਅਜੇ ਤੱਕ ਆਪਣੇ ਨਾਮ ਸੈਨਿਕ ਭਲਾਈ ਦਫ਼ਤਰਾਂ ਵਿੱਚ ਰਜ਼ਿਸਟਰ ਨਹੀਂ ਕਰਵਾਏ, ਉਹ ਤਰੰਤ ਆਪਣੇ ਨਾਮ ਸੈਨਿਕ ਭਲਾਈ ਦਫ਼ਤਰਾਂ ਵਿੱਚ ਦਰਜ ਕਰਵਾਉਣ ਅਤੇ ਆਪਣਾ ਰਜ਼ਿਸਟਰੇਸਨ ਨੰਬਰ
ਆਪਣੀ ਡਿਸਚਾਰਜ ਬੁੱਕ ਤੇ ਵੀ ਨੋਟ ਕਰਵਾਉਣ ਤਾਂਕਿ ਭੱਵਿਖ ਵਿੱਚ ਕੋਈ ਅਜਿਹੀ ਮੁਸ਼ਕਲ ਨਾ ਆਵੇ।ਇਸ ਮੌਕੇ ਇੰਜ. ਸਿੱਧੂ ਤੋਂ ਇਲਾਵਾ ਵਾਰੰਟ ਅਫ਼ਸਰ ਬਲਵਿੰਦਰ ਸਿੰਘ ਢੀਂਡਸਾ, ਸੂਬੇਦਾਰ ਸਰਬਜੀਤ ਸਿੰਘ, ਲੈਫ਼. ਭੋਲਾ ਸਿੰਘ ਸਿੱਧੂ, ਕੈਪਟਨ ਸੁਰਜੀਤ ਸਿੰਘ, ਸੂਬੇਦਾਰ
ਨਾਇਬ ਸਿੰਘ, ਹੌਲਦਾਰ ਬਸੰਤ ਸਿੰਘ ਅਤੇ ਹੋਰ ਸਾਬਕਾ ਸੈਨਿਕ ਆਦਿ ਮੌਜੂਦ ਸਨ।