ਮਸ਼ਹੂਰ ਪੰਜਾਬੀ ਲੇਖਕ ਸਰਦਾਰ ਸਤਪਾਲ ਸਿੰਘ ਭਾਟੀਆ ਸਾਡੇ ਵਿੱਚ ਨਹੀਂ ਰਹੇ ।ਪਿਛਲੇ ਦਿਨੀਂ ਘਰ ਵਿਚ ਪਰਿਵਾਰ ਵਾਲਿਆਂ ਨਾਲ ਗੱਲਾਂ ਕਰਦੇ ਕਰਦੇ ਉਨ੍ਹਾਂ ਆਖ਼ਰੀ ਸਾਹ ਲਏ , ਅਕਾਲ ਚਲਾਣਾ ਕਰ ਗਏ । 73 ਵਰ੍ਹਿਆਂ ਦੇ ਸ਼ਰੀਫ਼, ਸਾਦੇ ਅਤੇ ਮਿਲਾਪੜੇ ਸੁਭਾਅ ਦੇ ਸਤਪਾਲ ਸਿੰਘ ਜੀ ਭਾਟੀਆ ਜਿੱਥੇ ਪੰਜਾਬ ਸਰਕਾਰ ਦੇ ਅਦਾਰੇ ਪੀ ਐਸ ਆਈ ਈ ਸੀ ਲਿਮਟਿਡ ਵਿੱਚ ਨੌਕਰੀ ਦੌਰਾਨ ਆਪਣੇ ਪ੍ਰੇਮ ਅਤੇ ਸਾਦੇ ਸੁਭਾਅ ਦੀ ਮਹਿਕ ਖਿਲਾਰੀ, ਉੱਥੇ ਉਨ੍ਹਾਂ ਨੇ ਰਿਟਾਇਰਮੈਂਟ ਤੋਂ ਬਾਅਦ ਗੁਰਦੁਆਰਾ ਸ੍ਰੀ ਗੁਰੂ ਸਿੰਘ ਸਭਾ ਸੈਕਟਰ 19 ਦੀ ਹਾਈ ਪਾਵਰ ਕਮੇਟੀ ਦੌਰਾਨ ਮੈਂਬਰ ਰਹਿ ਕੇ ਸਨੇਹ ਅਤੇ ਪਿਆਰ ਦੀ ਗਲਵੱਕੜੀ ਨਾਲ ਮੈਂਬਰਾਂ ਨੂੰ ਓਤਪੋਤ ਕੀਤਾ । ਅਕਾਲ ਪੁਰਖ ਵਾਹਿਗੁਰੂ ਜੀ ਨੇ ਆਪ ਜੀ ਨੂੰ ਕਲਾਤਮਕ ਰੰਗਾਂ ਨਾਲ ਵੀ ਭਰਪੂਰ ਭਰਿਆ ਹੋਇਆ ਸੀ । ਆਪਣੇ ਜੀਵਨ ਕਾਲ ਦੌਰਾਨ ਆਪ ਨੇ ਸੰਨ 1969 ਵਿੱਚ ਪਹਿਲਾ ਕਹਾਣੀ ਸੰਗ੍ਰਹਿ "ਰਾਖੇ ਪੰਜ ਦਰਿਆਵਾਂ" ਦੇ ਮਾਂ ਬੋਲੀ ਦੀ ਝੋਲੀ ਪਾਇਆ । 1973 ਵਿਚ ਨਾਵਲ " ਹੁਸਨ ਦੇ ਜਲਵੇ " ਨਾਲ ਆਪਣੀ ਹਾਜ਼ਰੀ ਲਵਾਈ ਸਾਲ 2006 ਵਿੱਚ ਆਪਣੇ ਗੀਤਾਂ ਦਾ ਸੰਗ੍ਰਹਿ " ਨੂਰ ਦੇ ਗੀਤ " ਪੇਸ਼ ਕੀਤੇ । ਜਿਸ ਨੂੰ ਪੰਜਾਬੀ ਪਾਠਕਾਂ ਨੇ ਪਹਿਲਾਂ ਵਾਂਗ ਹੀ ਭਰਵਾਂ ਹੁੰਗਾਰਾ ਦਿੱਤਾ । ਯਥਾਰਥ ਭਰਪੂਰ ਅਤੇ ਸਾਦਗੀ ਨਾਲ ਭਰੀਆਂ ਆਪ ਦੀਆਂ ਕਵਿਤਾਵਾਂ ਤੇ ਕਹਾਣੀਆਂ ਬਦੋ ਬਦੀ ਆਪਣੇ ਨਾਲ ਬੰਨ੍ਹ ਲੈਂਦੀਆਂ ਸਨ ।ਆਪ ਜੀ ਦੀ ਲੇਖਣੀਆਂ ਕਰਕੇ ਸਮਾਜ ਨੇ ਵੀ ਆਪ ਜੀ ਦੀ ਝੋਲੀ ਕਈ ਇਨਾਮਾਂ ਪੁਰਸਕਾਰਾਂ ਨਾਲ ਭਰੀ, ਜਿਨ੍ਹਾਂ ਵਿੱਚ ਨੰਦ ਲਾਲ ਨੂਰਪੁਰੀ ਐਵਾਰਡ , ਸਤਿਨਾਮ ਸਰਬ ਕਲਿਆਣ ਐਵਾਰਡ, ਬਾਬਾ ਜੋਧ ਸਚਿਆਰ ਐਵਾਰਡ, ਪੰਜਾਬੀ ਕਵੀ ਮੰਡਲ ਐਵਾਰਡ ਇਨ੍ਹਾਂ ਵਿੱਚੋਂ ਪ੍ਰਮੁੱਖ ਹਨ ।ਆਪ ਜੀ ਨਾਲ ਸਬੰਧਤ ਅੰਤਮ ਅਰਦਾਸ ਸਮਾਗਮ ਪਰਿਵਾਰ ਵਾਲਿਆਂ ਨੇ ਗੁਰਦੁਆਰਾ ਗੁਰ ਕਿਰਪਾ ਸਾਹਿਬ ਸ਼ਿਵਾਲਿਕ ਸਿਟੀ ਸੈਕਟਰ 127 ਖਰੜ ਵਿਖੇ 20 ਜਨਵਰੀ ਨੂੰ ਰੱਖਿਆ ਹੈ ।ਅੰਤਿਮ ਅਰਦਾਸ ਸਮਾਗਮ 12-30 ਤੋਂ 1-30 ਵਜੇ ਤਕ ਹੋਵੇਗਾ । ਇਹ ਜਾਣਕਾਰੀ ਆਪ ਜੀ ਦੇ ਸਪੁੱਤਰ ਹਰਪ੍ਰੀਤ ਸਿੰਘ ਭਾਟੀਆ ਅਤੇ ਰਮਨਦੀਪ ਪਾਰਟੀਆਂ ਨੇ ਦਿੱਤੀ ।