ਲੰਡਨ- ਪੰਥ ਪ੍ਰਸਿੱਧ ਸਿੱਖ ਪ੍ਰਚਾਰਕ ਅਤੇ ਹਰਿਆਣਾ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਮੁੱਖ ਸੇਵਾਦਾਰ ਜਥੇਦਾਰ ਬਲਜੀਤ ਸਿੰਘ ਦਾਦੂਵਾਲ ਕੁਝ ਦਿਨਾਂ ਲਈ ਇੰਗਲੈਂਡ ਦੀ ਧਰਤੀ ਤੇ ਧਰਮ ਪ੍ਰਚਾਰ ਦੌਰੇ ਤੇ ਪੁੱਜੇ ਹਨ ਜਦੋਂ ਉਹ ਲੰਡਨ ਦੇ ਹੀਥਰੋ ਏਅਰਪੋਰਟ ਤੇ ਪੁੱਜੇ ਤਾਂ ਪੰਥਕ ਆਗੂਆਂ ਸਮੇਤ ਸਿੱਖ ਸੰਗਤਾਂ ਵੱਲੋਂ ਉਨਾਂ ਦਾ ਜੈਕਾਰਿਆਂ ਦੀ ਗੂੰਜ ਵਿਚ ਨਿੱਘਾ ਸੁਆਗਤ ਕੀਤਾ ਗਿਆ ਜ਼ਿਕਰਯੋਗ ਹੈ ਕਿ ਜਥੇਦਾਰ ਦਾਦੂਵਾਲ ਜੀ ਪਿਛਲੇ ਤਕਰੀਬਨ 25 ਸਾਲਾਂ ਤੋਂ ਸੰਸਾਰ ਦੇ ਵੱਖ ਵੱਖ ਦੇਸ਼ਾਂ ਵਿਚ ਗੁਰਮਤਿ ਪ੍ਰਚਾਰ ਲਈ ਵਿਚਰਦੇ ਰਹਿੰਦੇ ਹਨ ਇਸ ਦੇ ਨਾਲ ਹੀ ਅੱਜਕੱਲ ਹਰਿਆਣਾ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ 13 ਜੁਲਾਈ 2020 ਤੋਂ ਮੁੱਖ ਸੇਵਾਦਾਰ ਵੀ ਹਨ ਜਿਨਾਂ ਨੇ ਆਪਣੇ ਡੇਢ ਸਾਲ ਦੇ ਪ੍ਰਧਾਨਗੀ ਕਾਰਜਕਾਲ ਵਿੱਚ ਹਰਿਆਣਾ ਦੇ ਗੁਰਦੁਆਰਾ ਪ੍ਰਬੰਧਾਂ ਵਿੱਚ ਸੁਚੱਜਾ ਸੁਧਾਰ ਕੀਤਾ ਹੈ ਲੋਕ ਭਲਾਈ ਸਮਾਜ ਸੇਵਾ ਧਰਮ ਪ੍ਰਚਾਰ ਦੇ ਨਾਲ ਨਾਲ ਵਿੱਦਿਆ ਅਤੇ ਮੈਡੀਕਲ ਖੇਤਰ ਵੱਲ ਵੀ ਵਿਸ਼ੇਸ਼ ਧਿਆਨ ਦਿੱਤਾ ਹੈ ਭ੍ਰਿਸ਼ਟਾਚਾਰ ਨੂੰ ਰੋਕਿਆ ਹੈ ਜਿਸ ਨਾਲ ਗੁਰਦੁਆਰਾ ਸਾਹਿਬ ਦੇ ਬਜਟ ਵਿੱਚ ਵੀ ਵਾਧਾ ਹੋਇਆ ਹੈ ਜਥੇਦਾਰ ਦਾਦੂਵਾਲ ਜੀ ਦੇ ਨਾਲ ਇੰਗਲੈਂਡ ਪੁੱਜੇ ਉਨਾਂ ਦੇ ਨਿੱਜੀ ਸਹਾਇਕ ਭਾਈ ਜਗਮੀਤ ਸਿੰਘ ਬਰਾੜ ਨੇ ਦੱਸਿਆ ਕਿ ਕੁਝ ਦਿਨਾਂ ਲਈ ਜਥੇਦਾਰ ਦਾਦੂਵਾਲ ਜੀ ਇੰਗਲੈਂਡ ਵਿਚ ਰੁਕਣਗੇ ਅਤੇ ਵੱਖ ਵੱਖ ਗੁਰੂ ਘਰਾਂ ਦੀ ਸਟੇਜ ਤੋਂ ਸਿੱਖ ਸੰਗਤਾਂ ਦੇ ਦਰਸ਼ਨ ਦੀਦਾਰੇ ਕਰਦਿਆਂ ਗੁਰਮਤਿ ਵਿਚਾਰਾਂ ਦੀ ਸਾਂਝ ਪਾਉਣਗੇ ਲੰਡਨ ਏਅਰਪੋਰਟ ਤੇ ਜਥੇਦਾਰ ਦਾਦੂਵਾਲ ਜੀ ਦਾ ਸਵਾਗਤ ਕਰਨ ਲਈ ਪੁੱਜੇ ਪੰਥਕ ਆਗੂਆਂ ਸਿੱਖ ਸੰਗਤਾਂ ਵਿੱਚ ਭਾਈ ਸੁਰਜੀਤ ਸਿੰਘ ਬਾਠ, ਭਾਈ ਰਘਬੀਰ ਸਿੰਘ ਵਾਲਸਾਲ ਅਵਾਜ਼ਿ ਕੌਮ, ਭਾਈ ਕਪਤਾਨ ਸਿੰਘ ਇੰਟਰਨੈਸ਼ਨਲ ਪੰਥਕ ਦਲ , ਭਾਈ ਗੁਰਵਿੰਦਰ ਸਿੰਘ ਔਲਖ ਪੰਥਕ ਸੇਵਾ ਲਹਿਰ, ਭਾਈ ਮੱਖਣ ਸਿੰਘ ਇਰਾਨੀ, ਭਾਈ ਰਣਜੀਤ ਸਿੰਘ ਪ੍ਰੇਮਪੁਰਾ, ਭਾਈ ਸਤਿੰਦਰ ਸਿੰਘ ਯਮੁਨਾਨਗਰ, ਭਾਈ ਜਸਵੰਤ ਸਿੰਘ ਹੇਅਜ਼, ਭਾਈ ਅਮਰਦੀਪ ਸਿੰਘ ਪ੍ਰੇਮਪੁਰਾ, ਭਾਈ ਹਰਦੀਪ ਸਿੰਘ ਹੇਅਜ਼, ਭਾਈ ਹਰਵਿੰਦਰ ਸਿੰਘ ਪ੍ਰੇਮਪੁਰਾ, ਭਾਈ ਮਹਾਨਦੀਪ ਸਿੰਘ ਔਲਖ, ਭਾਈ ਨਿਸ਼ਾਨ ਸਿੰਘ ਕੈਂਥਲ, ਭਾਈ ਹਰਮੀਤ ਸਿੰਘ ਲੰਡਨ, ਭਾਈ ਅਰਵਿੰਦਰ ਸਿੰਘ ਗਰਚਾ, ਭਾਈ ਧਿਆਨ ਸਿੰਘ ਯੂਕੇ ਹਾਜ਼ਰ ਸਨ