ਸਿੱਧੂ ਮੂਸੇਵਾਲੇ ਦੀ ਸਕਿਊਰਿਟੀ ਘਟਾ ਕੇ ਉਸ ਨੂੰ ਮੀਡੀਆ ਵਿੱਚ ਪ੍ਰਚਾਰਨਾ ਇੰਜ ਮਹਿਸੂਸ ਹੁੰਦਾ ਹੈ ਜਿਵੇਂ ਸ਼ਿਕਾਰੀ ਨੂੰ ਸ਼ਿਕਾਰ ਖੇਡਣ ਦਾ ਇਸ਼ਾਰਾ ਕਰ ਦਿੱਤਾ ਹੋਵੇ-ਦਾਦੂਵਾਲ

ਸਿੱਧੂ ਮੂਸੇਵਾਲੇ ਦੀ ਸਕਿਊਰਿਟੀ ਘਟਾ ਕੇ  ਉਸ ਨੂੰ ਮੀਡੀਆ ਵਿੱਚ ਪ੍ਰਚਾਰਨਾ  ਇੰਜ ਮਹਿਸੂਸ ਹੁੰਦਾ ਹੈ ਕਿ ਜਿਵੇਂ ਸ਼ਿਕਾਰੀ ਨੂੰ ਸ਼ਿਕਾਰ ਖੇਡਣ ਦਾ ਇਸ਼ਾਰਾ ਕਰ ਦਿੱਤਾ ਹੋਵੇ  ਇਹ ਇਲਜ਼ਾਮ ਪ੍ਰਧਾਨ ਹਰਿਆਣਾ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ  ਜਥੇਦਾਰ ਬਲਜੀਤ ਸਿੰਘ ਦਾਦੂਵਾਲ ਨੇ ਅੱਜ  ਮੀਡੀਆ ਨਾਲ ਗੱਲ ਕਰਦਿਆਂ ਪੰਜਾਬ ਸਰਕਾਰ ਉੱਪਰ ਲਾਏ  ।ਉਨ੍ਹਾਂ ਅੱਗੇ ਬੋਲਦਿਆਂ ਕਿਹਾ ਕਿ ਮੈਂ ਤਾਂ ਸਤਿਗੁਰੂ ਜੀ ਦੇ ਚਰਨਾਂ ਵਿਚ ਇਹੀ ਅਰਦਾਸ ਕਰਾਂਗਾ ਕਿ ਉਹ ਪੰਜਾਬ ਸਰਕਾਰ ਨੂੰ ਸੁਮੱਤ ਦੇਵੇ  ਤਾਂ ਜੋ ਪੰਜਾਬ ਦੀ ਵਿਗੜੀ ਲਾਅ ਐਂਡ ਆਰਡਰ ਦੀ ਸਥਿਤੀ ਨੂੰ ਉਹ ਸਾਂਭ ਸਕਣ । ਜਿਹੜਾ ਪੰਜਾਬ ਗੁਰਾਂ ਦੇ ਨਾਂ ਤੇ ਵਸਦਾ ਸੀ ਉਥੇ  ਕਾਨੂੰਨ ਦੀ ਅਵਸਥਾ ਬਦ ਤੋਂ ਬਦਤਰ ਹੋ ਚੁੱਕੀ ਹੈ  ।ਪਹਿਲਾਂ ਕਹਿੰਦੇ ਸੀ ਕਿ ਪੰਜਾਬ ਬਿਹਾਰ ਬਣਾ ਦਿੱਤਾ ਲੇਕਿਨ ਬਿਹਾਰ ਤਾਂ ਸੁਧਰ ਗਿਆ ਪੰਜਾਬ ਦੀ ਸਥਿਤੀ ਉੱਤੋਂ ਵੀ ਬਦਤਰ ਹੋ ਚੁੱਕੀ ਹੈ  ।ਉਨ੍ਹਾਂ ਅੱਗੇ ਕਿਹਾ ਕਿ ਸਿੱਧੂ ਮੂਸੇਵਾਲੇ ਨਾਲ ਉਨ੍ਹਾਂ ਦੇ ਕੁਝ ਵਖਰੇਵੇਂ ਸਨ ਜਦੋਂ ਉਨ੍ਹਾਂ ਨੇ  ਸਿੱਖ ਇਤਿਹਾਸ ਨਾਲ ਸਬੰਧਤ ਇਕ ਗੀਤ ਗਾਇਆ  ਪ੍ਰੰਤੂ ਇਸ ਗੱਲ ਲਈ ਸ਼ਾਬਾਸ਼ੀ ਹੈ ਕਿ ਸਿੱਧੂ ਮੂਸੇਵਾਲੇ ਨੇ   ਆਪਣੀ ਗਲਤੀ ਮੰਨਦਿਆਂ  ਸੰਗਤਾਂ ਤੋਂ ਮੁਆਫ਼ੀ ਮੰਗੀ । ਮੈਂ ਏਸ ਗੱਲ ਨੂੰ ਵੀ ਐਪਰੀਸ਼ੀਏਟ ਕਰਦਾ ਹਾਂ ਕਿ ਉਸ ਨੇ ਕੇਸ ਅਤੇ ਦਸਤਾਰ ਸਾਂਭੀ ਹੋਈ ਸੀ । ਉਹ ਪਿੰਡਾਂ ਨਾਲ ਜੁੜਿਆ ਹੋਇਆ ਸੀ ਤੇ ਲੋਕਾਂ ਦੇ ਵਿਚ ਵਿਚਰਦਾ ਸੀ  ਚਾਹੇ ਉਹ ਦੁਨੀਆਂ ਭਰ ਦੇ ਵਿੱਚ ਮਸ਼ਹੂਰ ਸੀ ਪਰ  ਉਸ ਦੀ ਇਹ ਹਲੀਮੀ ਵਾਲੀ ਸੋਚ ਤੁਹਾਨੂੰ  ਪ੍ਰਭਾਵਤ ਕਰਦੀ ਹੈ । ਜਥੇਦਾਰ ਦਾਦੂਵਾਲ ਨੇ ਇਹ ਵੀ ਮੰਨਿਆ ਕਿ ਸਿੱਧੂ ਮੂਸੇਵਾਲੇ ਨੂੰ ਜੋ ਦੋ ਸੁਰੱਖਿਆ ਗਾਰਡ ਮਿਲੇ ਹੋਏ ਸਨ ਉਹ ਉਸ ਨੂੰ ਨਾਲ ਲੈ ਕੇ ਜਾਣੇ ਚਾਹੀਦੇ ਸਨ । ਬੇਵੱਸ ਮਾਂ ਬਾਪ ਦਾ ਦੁੱਖ ਝੱਲਿਆ ਨਹੀਂ ਜਾ ਰਿਹਾ ਸੀ ਪ੍ਰੰਤੂ ਸਭ ਕੁਛ ਵਾਹਿਗੁਰੂ ਦੇ ਭਾਣੇ ਵਿਚ ਹੀ ਹੈ । ਮੈਂ ਇਹੀ ਅਰਦਾਸ ਕਰਾਂਗਾ ਕੇ ਵਾਹਿਗੁਰੂ ਉਸ ਪਰਿਵਾਰ ਨੂੰ ਆਪਣਾ ਭਾਣਾ ਮੰਨਣ ਦਾ ਬਲ ਬਖਸ਼ਣ।

ਨੌਜਵਾਨਾਂ ਨੂੰ ਮਾਰ ਧਾੜ ਫ਼ਿਰੌਤੀਆਂ ਦਾ ਰਾਹ ਛੱਡ ਕੇ ਦੇਸ਼ ਕੌਮ ਧਰਮ ਸਮਾਜ ਪਰਿਵਾਰ ਦੀ ਸੇਵਾ ਵਾਲੇ ਪਾਸੇ ਆਉਣਾ ਚਾਹੀਦਾ ਹੈ ਸਿੱਧੂ ਮੂਸੇਵਾਲੇ ਦੀ ਆਤਮਿਕ ਸ਼ਾਂਤੀ ਵਾਸਤੇ ਅੱਜ ਉਨ੍ਹਾਂ ਦੇ ਘਰ ਜਥੇਦਾਰ ਬਲਜੀਤ ਸਿੰਘ ਦਾਦੂਵਾਲ ਪ੍ਰਧਾਨ ਹਰਿਆਣਾ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਨੇ ਅਰਦਾਸ ਕਰਕੇ ਸ੍ਰੀ ਸਹਿਜ ਪਾਠ ਆਰੰਭ ਕੀਤੇ।

ਸ਼ੁਭਦੀਪ ਸਿੰਘ "ਸਿੱਧੂ ਮੂਸੇਵਾਲਾ" ਸ. ਬਲਕਾਰ ਸਿੰਘ ਸਿੱਧੂ ਮਾਤਾ ਚਰਨ ਕੌਰ ਦਾ ਇਕਲੌਤਾ ਪੁੱਤ ਜੋ ਗੋਲੀਆਂ ਮਾਰ ਕੇ ਮਾਰ ਦਿੱਤਾ ਗਿਆ ਬਹੁਤ ਭਾਰੀ ਦੁੱਖ ਲੱਗਾ ਸਾਰੇ ਸੰਸਾਰ ਨੇ ਬੜਾ ਸ਼ੋਗ ਮਨਾਇਆ ਸ਼ਤੀਰ ਵਰਗਾ ਜੁਆਨ ਮਾਂ ਬਾਪ ਦਾ ਇਕਲੌਤਾ ਪੁੱਤ ਇਸ ਤਰਾਂ ਸੁੰਞਾ ਵਿਹੜਾ ਛੱਡ ਤੁਰ ਜਾਵੇ ਮਾਂ ਬਾਪ ਲਈ ਇਸ ਤੋਂ ਵੱਡੀ ਕੋਈ ਦੁਖਦਾਈ ਗੱਲ ਨਹੀਂ ਹੋ ਸਕਦੀ ਨੌਜਵਾਨਾਂ ਨੂੰ ਮਾਰ ਧਾੜ ਫ਼ਿਰੌਤੀਆਂ ਦਾ ਰਾਹ ਛੱਡ ਕੇ ਦੇਸ਼ ਕੌਮ ਧਰਮ ਸਮਾਜ ਪਰਿਵਾਰ ਦੀ ਸੇਵਾ ਵਾਲੇ ਪਾਸੇ ਆਉਣਾ ਚਾਹੀਦਾ ਹੈ ਸਿੱਧੂ ਮੂਸੇਵਾਲੇ ਦੀ ਆਤਮਿਕ ਸ਼ਾਂਤੀ ਵਾਸਤੇ ਅੱਜ ਉਨ੍ਹਾਂ ਦੇ ਘਰ ਜਥੇਦਾਰ ਬਲਜੀਤ ਸਿੰਘ ਦਾਦੂਵਾਲ ਪ੍ਰਧਾਨ ਹਰਿਆਣਾ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਨੇ ਅਰਦਾਸ ਕਰਕੇ ਸ੍ਰੀ ਸਹਿਜ ਪਾਠ ਆਰੰਭ ਕੀਤੇ ਇਸ ਸਮੇਂ ਸਿੱਧੂ ਮੂਸੇਵਾਲਾ ਦੇ ਮਾਤਾ ਪਿਤਾ ਰਿਸ਼ਤੇਦਾਰ ਅਤੇ ਹਜ਼ਾਰਾਂ ਚਾਹੁਣ ਵਾਲੇ ਹਾਜ਼ਰ ਸਨ ਜਥੇਦਾਰ ਦਾਦੂਵਾਲ ਜੀ ਨੇ ਮਾਂ ਬਾਪ ਨਾਲ ਦੁੱਖ ਸਾਂਝਾ ਕੀਤਾ