ਨਵੀਂ ਦਿੱਲੀ-: ਦੋ ਮਹੀਨੇ ਪਹਿਲਾਂ ਅੱਗ ਨਾਲ 90 ਪ੍ਰਤੀਸ਼ਤ ਬੁਰੀ ਤਰ੍ਹਾਂ ਝੁੱਲਸ ਚੁੱਕੇ 8 ਸਾਲਾ ਬੱਚੇ ਸੁਖਵੀਰ ਸਿੰਘ ਨੂੰ ਆਂਗਣਵਾੜੀ ਵਰਕਰ
ਜਸਵੀਰ ਕੋਰ ਨੇ ਆਪਣੇ ਸਾਥੀਆ ਨਾਲ ਮਿਲ ਕੇ 2 ਲੱਖ ਰੁਪਏ ਇਲਾਜ ਤੇ ਲਗਾ ਕਿ ਉਸ ਦੀ ਜਾਨ ਬਚਾਉਣ ਦਾ ਬਹੁਤ ਹੀ ਸ਼ਲਾਘਾਯੋਗ ਉਪਰਾਲਾ ਕੀਤਾ ਜਸਬੀਰ ਕੋਰ ਸਾਡੇ ਪਾਸ ਵੀ ਪਹੰੁਚ ਕੀਤੀ ਅਤੇ ਚੇਅਰਮੈਨ ਡਾ. ਐਸ.ਪੀ ਸਿੰਘ ਉਬਰਾਏ ਹੁਰਾਂ ਪਾਸੋ ਵੀ ਬੱਚੇ ਦੀ ਮੱਦਦ ਕੀਤੀ ਗਈਅੱਜ ਸਥਾਨਕ ਗੁਰਦੁਆਰਾ ਬਾਬਾ ਗਾਧਾ ਸਿੰਘ ਵਿਖੇ ਸੈਨਿਕ ਵਿੰਗ ਵੱਲੋਂ ਬੀਬੀ ਜਸਬੀਰ ਕੋਰ ਦਾ ਸਨਮਾਨ ਕਰਕੇ ਹੋਸਲਾ ਅਫ਼ਜਾਈ ਕੀਤੀ ਗਈ। ਬੀਬੀ ਨੇ ਦੱਸਿਆ ਕੇ ਬੱਚਾ ਬਹੁਤ ਹੀ ਗਰੀਬ ਪਰਵਾਰ ਨਾਲ ਸਬੰਧਤ ਸੀ ਤੇ ਇਲਾਜ ਤੇ ਇੱਕ ਪੈਸਾ ਵੀ ਲਗਾਉਣ ਤੋਂ ਅਸਮਰਥ ਸਨ 2 ਮਹੀਨੇ ਦੇ ਇਲਾਜ ਉਪਰੰਤ ਬੱਚਾ ਸਿਹਤਯਾਬ ਹੋ ਕੇ ਘਰ ਪਰਤ ਆਇਆ ਹੈ।ਜਸਬੀਰ ਕੌਰ ਨੇ ਦੱਸਿਆ ਕੇ
ਬੱਚੇ ਦੀ ਸਾਰੀ ਚਮੜੀ ਉਤਰ ਗਈ ਸੀ 3 ਵਾਰ ਆਪਰੇਸਨ ਕਰਨ ਤੇ ਬੱਚਾ ਹੁਣ ਬਿਲਕੁਲ ਠੀਕ ਹੈ।ਇੰਜ. ਗੁਰਜਿੰਦਰ ਸਿੰਘ ਸਿੱਧੂ ਸਾਬਕਾ ਸੂਬਾ ਪ੍ਰਧਾਨ ਅਤੇ ਸੀਨੀਅਰ ਬੀ.ਜੇ.ਪੀ ਆਗੂ ਵੱਲੋਂ ਜਿਥੇ ਬੀਬੀ ਜਸਬੀਰ ਕੋਰ ਦਾ ਸਨਮਾਨ ਕੀਤਾ, ਉੱਥੇ ਡਿਪਟੀ ਕਮਿਸ਼ਨਰ ਬਰਨਾਲਾ ਤੋਂ
ਮੰਗ ਕੀਤੀ ਕਿ ਉਕਤ ਆਂਗਣਵਾੜੀ ਵਰਕਰ ਬੀਬੀ ਜਸਬੀਰ ਕੋਰ ਨੂੰ 15 ਅਗਸਤ ਤੇ ਸਨਮਾਨ ਜਰੂਰ ਕੀਤਾ ਜਾਵੇ। ਇਸ ਮੋਕੇ ਜੁਝਾਰ ਸਿੰਘ ਕਾਹਲੋਂ, ਸਰਪੰਚ ਗੁਰਮੀਤ ਸਿੰਘ ਧੋਲਾ, ਸੂਬੇਦਾਰ ਸਰਭਜੀਤ ਸਿੰਘ, ਨਾਹਰ ਸਿੰਘ, ਸੂਬੇਦਾਰ ਗੁਰਜੰਟ ਸਿੰਘ, ਕੁਲਵਿੰਦਰ ਸਿੰਘ, ਜਥੇਦਾਰ
ਸੁਖਦਰਸਨ ਸਿੰਘ ਆਦਿ ਆਗੂ ਮੌਜੂਦ ਸਨ।