ਨਵੀਂ ਦਿੱਲੀ- ਸੰਤ ਸਿਪਾਹੀ ਵਿਚਾਰ ਮੰਚ (ਰਜਿ:) ਦਿੱਲੀ ਦੇ ਕੋਆਰਡੀਨੇਟਰ ਸ. ਹਰੀ ਸਿੰਘ ਮਥਾਰੂ ਨੇ ਦਸਿਆ ਕਿ ਸ਼ਹੀਦ ਭਾਈ ਤਾਰੂ ਸਿੰਘ ਜੀ ਨੂੰ ਸਮਰਪਿਤ ਕੇਸ ਸੰਭਾਲ ਦਿਵਸ ਗੁਰਦੁਆਰਾ ਬੇਬੇ ਨਾਨਕੀ ਜੀ, ਸੁਲਤਾਨਪੁਰੀ ਲੋਧੀ, ਜਿਲ੍ਹਾ ਕਪੂਰਥਲਾ ਪੰਜਾਬ ਵਿੱਖੇ ਦਿਨ ਸ਼ੁਕਰਵਾਰ 1 ਜੁਲਾਈ 2022 ਨੂੰ ਇਕ ਵਿਸ਼ੇਸ਼ ਸਮਾਗਮ ਕਰਵਾਇਆ ਜਾ ਰਿਹਾ ਹੈ।ਸ. ਹਰੀ ਸਿੰਘ ਮਥਾਰੂ ਨੇ ਦਸਿਆ ਕਿ ਇਸ ਸਮਾਗਮ ਦਿਨ ਸ਼ੁਕਰਵਾਰ ਨੂੰ ਸਵੇਰੇ 10 ਵੱਜੇ ਆਰੰਭ ਹੋਵੇਗਾ, ਜੋ ਬਾਅਦ ਦੁਪਿਹਰ ਤੱਕ ਚੱਲੇਗਾ। ਇਸ ਸਮਾਗਮ ਦੌਰਾਨ ਸਵੇਰੇ 10 ਵਜੇ ਤੋਂ 11 ਵਜੇ ਤਕ ਭਾਈ ਅਵਤਾਰ ਸਿੰਘ ਧਾਰੋਵਾਲੀ ਗੁਰਬਾਣੀ ਦੇ ਮਨੋਹਰ ਕੀਰਤਨ ਰਾਹੀ ਸੰਗਤਾਂ ਨੂੰ ਨਿਹਾਲ ਕਰਨਗੇ।ਉਪਰੰਤ 11 ਵਜੇ ਤੋਂ 12:30 ਵਜੇ ਤਕ ਕਵੀ ਦਰਬਾਰ
ਹੋਵੇਗਾ, ਜਿਸ ਵਿੱਚ ਕਾਕਾ ਗੁਰਬਚਨ ਸਿੰਘ (ਦਿੱਲੀ), ਗੁਰਚਰਨ ਸਿੰਘ ਚਰਨ (ਦਿੱਲੀ), ਬੀਬੀ ਜਤਿੰਦਰ ਕੌਰ (ਅਨੰਦਪੁਰੀ), ਕਰਮਜੀਤ ਸਿੰਘ ਨੂਰ, ਮਲਕੀਤ ਸਿੰਘ ਨਿਮਾਣਾ, ਰਛਪਾਲ ਸਿੰਘ ਪਾਲ, ਸੁਖਜੀਵਨ ਸਿੰਘ ਸਫਰੀ, ਸ਼ੁਕਰਗੁਜਾਰ ਸਿੰਘ ਦੀਵਾਨਾ ਅਤੇ ਹਰੀ ਸਿੰਘ ਮਥਾਰੂ
ਆਦਿ ਕਵੀ ਆਪਣੀਆਂ ਸੱਜਰੀਆਂ ਕਵਿਤਾਵਾਂ ਨਾਲ ਸਰੋਤਿਆ ਨੂੰ ਮਗਨ-ਮੁਗਧ ਕਰਨਗੇ।ਇਸ ਤੋਂ ਬਾਅਦ ਵਿੱਚ ਭਾਈ ਜਸਵਿੰਦਰ ਸਿੰਘ ਦਰਦੀ ਕਥਾ ਵਿਚਾਰਾ ਰਾਹੀ ਸੰਗਤਾਂ ਨੂੰ ਸ਼ਬਦ ਗੁਰੂ ਦੇ ਲੜ੍ਹ ਲੱਗਣ ਦੀ ਤਕੀਦ ਕਰਨਗੇ।ਸ. ਹਰੀ ਸਿੰਘ ਮਥਾਰੂ ਨੇ ਇਸ ਗੱਲ ਤੇ ਪੁਰਜੋਰ ਦਿੱਤਾ ਕਿ
ਸ਼ਹੀਦ ਭਾਈ ਤਾਰੂ ਸਿੰਘ ਜੀ ਦੀ ਸ਼ਹਾਦਤ ਜਕਰੀਆ ਖ਼ਾਨ ਦੀ ਮੌਤ ਨਾਲ ਜੁੜੂ ਹੋਈ ਹੈ, ਜਦ ਤਕ ਜਕਰੀਆ ਖ਼ਾਨ ਦੀ ਤਾਰੀਕ ਇਤਿਹਾਸ ਵਿੱਚ 1 ਜੁਲਈ ਰਹੇਗੀ, ਸਿੱਖ ਪੰਥ ਨੂੰ ਭਾਈ ਤਰੂ ਸਿੰਘ ਦੀ ਸ਼ਹੀਦੀ ਦੀ ਤਰੀਕ ਨੂੰ ਕਦੇ ਵੀ ਅੱਗ ੇਪਿੱਛੇ ਨਹੀਂ ਕਰਨਾ ਚਾਹੀਦਾ।