ਮੰਮੀ ਡੈਡੀ ਵਾਂਗੂ ਫਿਕਰ ਕਰਦਾ ਮੇਰਾ ਵੀਰ -ਲੱਗੇ ਨਾ ਤੱਤੀ ਵਾਅ ਵੀਰੇ ਨੂੰ-ਰੱਖੜੀ ਵਿਸ਼ੇਸ਼

ਮਾਂ ਵਾਂਗੂ ਫਿਕਰ ਕਰਦਾ ਵੀਰ ਮੇਰਾ
ਫੋਨ ਕਰ ਕਰ ਹਾਲ ਪੁੱਛਦਾ ਵੀਰ ਮੇਰਾ
ਮਾਂ ਵਾਂਗੂ ਤੱਕਦਾ ਰਾਹ ਵੀਰ ਮੇਰਾ
ਮਾਂ ਵਾਂਗੂ ਲਾਡ ਲਡਾਉਦਾ ਵੀਰ ਮੇਰਾ
ਬੱਚਿਆ ਦਾ ਨਾਨੀ ਘਰ ਧੀਆ ਦੇ ਭਰਾਵਾ ਨਾਲ ਵੀ ਪੇਕੇ ਹੁੰਦੇ ਹਨ ਭੂਆ ਭੂਆ ਬੋਲਦੇ ਅਗੇ ਪਿਛੇ ਬਚਿਆ ਦਾ ਪਿਆਰ ਵਾਜਾ ਮਾਰੇ
ਕਿੰਨੇ ਚਾਵਾ ਨਾਲ ਅੱਜ ਮੈਂ ਆਪਣੇ ਪੇਕੇ ਘਰ ਜਾ ਰਹੀ ਹਾਂ ਸਾਫ ਸਾਫ ਖੁਸ਼ੀ ਮੇਰੇ ਚਿਹਰੇ ਤੇ ਝਲਕ ਗਈ ਵੀਰੇ ਲਈ ਰੱਖੜੀ ਮੇਰੇ ਹੱਥਾਂ ਚ ਸੀ ਰਸਤਾ ਸੋਚਾਂ ਚ ਹੀ ਲੰਘ ਗਿਆ ਕਿੰਨੀਆ ਸਾਰੀਆਂ ਯਾਦਾਂ ਜਿਸ ਤਰ੍ਹਾਂ ਮੰਮੀ ਡੈਡੀ ਮੇਰਾ ਰਸਤਾ ਦੇਖ ਰਹੇ ਹੁੰਦੇ ਸੀ ਠੀਕ ਉਸੀ ਤਰ੍ਹਾਂ ਵੀਰ ਭਾਬੀ ਵੀ ਚਾਅ ਕਰਦੇ ਨਹੀ ਥੱਕਦੇ ।
ਪੇਕੇ ਘਰ ਪਹੁੰਚਦਿਆਂ ਹੀ ਸਿੱਧੀ ਹਮੇਸ਼ਾ ਦੀ ਤਰ੍ਹਾਂ ਮੰਮੀ ਡੈਡੀ ਦੇ ਕਮਰੇ ਚ ਮੇਰੇ ਕਦਮ ਖੁੱਦ ਬਖੁੱਦ ਚੱਲੇ ਜਾਂਦੇ ਹਨ, ਭਾਬੀ ਮੇਰੇ ਨੂੰ ਪਤਾ ਹੈ ਕਿ ਮੈਂ ਸਿੱਧਾ ਮੰਮੀ ਡੈਡੀ ਦੇ ਕੈਮਰੇ ਚ ਜਾਂਦੀ ਹਾਂ । ਸਾਹਮਣੇ ਕੁਛ ਦੇਰ ਪਹਿਲਾਂ ਸਾਰੇ ਰਸਤੇ ਨਾਲ ਨਾਲ ਮੰਮੀ ਡੈਡੀ ਸੀ ਹੁਣ ਉਹ ਮੇਰੇ ਨਾਲੋਂ ਵਿਛੜ ਕੇ ਕੰਧ ਦੀਆਂ ਲਗਿਆ ਤਸਵੀਰਾ ਚ ਖੜ੍ ਗਏ । ਮੈਂ ਵੀ ਤਾਂ ਕਿੰਨੀਆ ਗੱਲਾ ਕਰਨੀਆਂ ਹੁੰਦੀਆਂ ਹਨ, ਉਹਨਾਂ ਤਸਵੀਰਾ ਨਾਲ ਜੋ ਕੰਧ ਤੇ ਲੱਗੇ ਫੋਟੋ ਫ੍ਰੇਮ ਵਿੱਚ ਬੰਦ ਹਨ । ਉਸੀ ਸਮੇਂ ਮੇਰੇ ਹੰਝੂ ਵੀ ਵਹਿ ਤੁਰੇ ਉਲਾਹਮੇ ਦਿੰਦੀ ਹਾਂ ਇੰਨੀ ਛੇਤੀ ਕਿਉ ਚਲੇ ਗਏ । ਕਈ ਵਾਰ ਮੈਂਨੂੰ ਬੜਾ ਕੱਲਾ ਕੱਲਾ ਲੱਗਦਾ ਹੈ । ਮੇਰਾ ਤਾਂ ਸੱਚੀ ਤੁਹਾਡੇ ਬੁੱਕਲ ਵਿੱਚ ਸੋਣ ਨੂੰ ਦਿਲ ਕਰਦਾ। ਕਿੰਨੀਆ ਗੱਲਾਂ ਕਰਨੀਆਂ ਤੁਹਾਡੇ ਨਾਲ ਕਿ ਕਰਾ ਹੁਣ ਮੈ? ਤਸਵੀਰ ਨੂੰ ਕਲਾਵੇ ਵਿੱਚ ਲੈ ਲਿਆ ਸੱਚੀ ਜੋ ਚੱਲੇ ਜਾਂਦੇ ਹਨ ਮੁੜ ਕਦੀ ਨਹੀ ਮੁੜਦੇ । ਗੱਲ ਗੱਲ ਚ ਡੈਡੀ ਵਾਂਗੂ ਜਦੋਂ ਵੀਰ ਮੈਂਨੂੰ ਸਮਝਾਏ ਮੰਮੀ ਵਾਂਗੂ ਲਾਡ ਲਡਾਏ ਫਿਰ ਮੰਮੀ ਡੈਡੀ ਦਾ ਪਿਆਰ ਵੀਰ ਚ ਹੀ ਮਿਲ ਜਾਏ ।
ਫਿਰ ਤੁਹਾਡੀਆਂ ਗੱਲਾਂ ਚੇਤੇ ਆ ਗਈਆਂ ਦੇਖ ਵੀਰ ਭਾਬੀ ਤੈਨੂੰ ਕਿੰਨਾ ਪਿਆਰ ਕਰਦੇ ਹਨ । ਹਮੇਸ਼ਾ ਉਹਨਾਂ ਦਾ ਸਾਥ ਦੇਈ ਤੂੰ ਹਮੇਸ਼ਾ ਫੂੱਲਾ ਵਾਂਗੂ ਆਈ , ਫੂੱਲਾ ਵਾਂਗੂ ਜਾਈ ਹਾਜੀ ਇਦਾ ਹੀ ਹੋਏਗਾ ਵਾਅਦਾ ਹੈ ।
ਫਿਰ ਖੁਸ਼ੀ ਖੁਸ਼ੀ ਰੱਖੜੀ ਆਪਣੇ ਵੀਰੇ ਦੇ ਗੁੱਟ ਤੇ ਬਨੀ
ਵੀਰੇ ਇੱਕ ਗੱਲ ਸੁਣਾਵਾ ਮੈਂ
ਹਰ ਪਲ ਖੁਸ਼ੀ ਤੇਰੀ ਚਾਵਾ ਮੈਂ
ਤੱਤੀ ਵਾਅ ਨਾ ਲੱਗੇ ਮਨਮੋਹਣੇ ਨੂੰ।
ਸੁਭਾਅ ਦਾ ਬੜਾ ਮਿਲਾਪੜਾ, ਮਿੱਠ ਬੋਲੜਾ
ਮੋਮ ਦਿਲ , ਮੇਰਾ ਵੀਰਾ ਵੇ
ਤੇਰਾ ਵਜ਼ੂਦ ਮੇਰਾ ਅਭਿਮਾਨ ਤੇ ਮੇਰੀ ਹਿੰਮਤ ਹੈ

ਵਾਹਿਗੁਰੂ ਜੀ ਵੀਰ ਮੇਰੇ ਨੂੰ ਹਮੇਸ਼ਾ ਚੜ੍ਹਦੀਕਲਾ ਤੇ ਕਾਮਯਾਬੀ ਨਾਲ ਨਿਵਾਜ਼ੀ ਰੱਖਣਾ। ਰੱਖੜੀ ਮੁਬਾਰਕ