ਅੰਮ੍ਰਿਤਸਰ / ਨਨਕਾਣਾ ਸਾਹਿਬ - ਗੁਰਦਵਾਰਾ ਜਨਮ ਅਸਥਾਨ ਸ੍ਰੀ ਨਨਕਾਣਾ ਸਾਹਿਬ ਵਿਖੇ ਗ੍ਰੰਥੀ ਸਿੰਘ ਦੀ ਡਿਉਟੀ ਨਿਭਾਉਣ ਵਾਲੇ ਸਿੰਘ ਸਾਹਿਬ ਗਿਆਨੀ ਦਇਆ ਸਿੰਘ ਨਾਲ ਲੁਟ ਖੋਹ ਹੋਣ ਦੀ ਘਟਨਾ ਵਾਪਰੀ ਹੈ। ਪੁਲੀਸ ਨੇ ਮਾਮਲਾ ਦਰਜ ਕਰ ਲਿਆ ਹੈ। ਜਾਣਕਾਰੀ ਮੁਤਾਬਿਕ ਸਿੰਘ ਸਾਹਿਬ ਗਿਆਨੀ ਦਇਆ ਸਿੰਘ ਆਪਣੇ ਸਾਥੀ ਸ੍ਰ ਨਿੱਕਾ ਸਿੰਘ ਨਾਲ ਨਨਕਾਣਾ ਸਾਹਿਬ ਤੋ ਗੁਰਦਵਾਰਾ ਸੱਚਾ ਸੌਦਾ ਵਲ ਜਾ ਰਹੇ ਸਨ।ਫਾਰੂਕਾਬਾਦ ਥਾਣਾ ਸਦਰ ਦੀ ਹੱਦ ਚ 2 ਮੋਟਰਸਾਈਕਲ ਸਵਾਰ ਲੁਟੇਰਿਆਂ ਨੇ ਉਨਾਂ ਦੋਹਾਂ ਨੂੰ ਬੰਦੂਕ ਦੀ ਨੋਕ ਤੇ ਬੰਧਕ ਬਣਾ ਲਿਆ। ਸਿੰਘ ਸਾਹਿਬ ਗਿਆਨੀ ਦਇਆ ਸਿੰਘ ਕੋਲੋ ਹਜ਼ਾਰਾਂ ਰੁਪਏ ਦੀ ਨਕਦੀ ਦੇ ਨਾਲ ਨਾਲ 2 ਮੋਬਾਈਲ ਫੋਨ ਅਤੇ ਇਕ ਨਵਾਂ ਮੋਟਰਸਾਈਕਲ ਖੋਹ ਲਿਆ ਗਿਆ। ਲੁਟੇਰਿਆਂ ਨੇ ਸਿੰਘ ਸਾਹਿਬ ਗਿਆਨੀ ਦਇਆ ਸਿੰਘ ਅਤੇ ਉਨਾਂ ਦੇ ਸਾਥੀ ਸ੍ਰ ਨਿੱਕਾ ਸਿੰਘ ਨੂੰ ਨੇੜਲੇ ਖੇਤਾਂ ਵਿੱਚ ਬੰਧਕ ਬਣਾ ਕੇ ਸੁੱਟ ਦਿੱਤਾ ਅਤੇ ਲੁਟੇਰੇ ਫ਼ਰਾਰ ਹੋ ਗਏ। ਰੁਾਮਲੇ ਦੀ ਪੜਤਾਲ ਕੀਤੀ ਜਾ ਰਹੀ ਹੈ।